🪖 Анал байыаннай дьайыы кыттыылаахтарын дьиэ кэргэннэрин улуустааҕы ыспартакыйаадата ыытылынна

❤️ Аллараа Бэстээххэ «Парус» успуорт уораҕайыгар анал байыаннай дьайыы кыттыылаахтарын дьиэ кэргэннэрэ уонна волонтердара кыттыылаах улуустааҕы ыспартакыйаада буолла.

🤝 Тэрээһин кыттыылаахтарын, ыалдьыттарын, тэрийээччилэрин улуус баһылыга Дмитрий Тихонов, СӨ Ыччат дьыалатыгар уонна социальнай коммуникацияҕа миниистирэ, анал байыаннай дьайыы кыттыылааҕа Петр Шамаев, «Вместе к Победе» хамыыһыйа өрөспүүбүлүкэтээҕи суһал ыстаабын сүрүннүүр киинин салайааччыта, Донбасска көмө уонна өйөбүл Хотугулуу-Илиҥҥи пуондатын дириэктэрэ Георгий Куркутов, Дьокуускайдааҕы «Патриот» Ресурснай киинин отделын салайааччыта Дьулусхан Павлов, «Харыстаана» Майатааҕы уопсастыбаннай түмсүү бэрэссэдээтэлэ Владлена Павлова эҕэрдэлээтилэр, наҕараадалары туттардылар.
Бэлиэ түгэҥҥэ ыспартакыйаада сүрүн тэрийээччилэрин «Харыстаана» Майатааҕы уопсастыбаннай түмсүү былааҕа маҥнайгытын өрө көтөҕүлүннэ.

🏃🏻‍♀️ Күн устата нэһилиэктэртэн кэлбит 12 хамаанда, уопсайа 60 кэрэ аҥаардар дартска, хабылыкка уонна хаамыскаҕа, корнхолга, хомуур күрэскэ, эстэпиэтэҕэ олус көхтөөх кыттыыны ыллылар.

🙏 Владлена Павлова, «Харыстаана» Майатааҕы уопсастыбаннай түмсүү бэрэссэдээтэлэ:
 

– 2022 сылтан анал байыаннай дьайыы саҕаланыаҕыттан Майа сэлиэнньэтигэр СВО кыттыылаахтарын ийэлэрэ, кэргэннэрэ буоламмыт «Харыстаана» уопсастыбаннай түмсүү тэриммиппит. Бу ыспартакыйаадабыт биһиги бэйэ-бэйэбитин чугастык билсэрбитигэр, өйдөһөрбүтүгэр, өссө түмсүүлээх, сомоҕолоһуулаах буоларбытыгар көмөлөһүө, – диэн иһитиннэрдэ.

Сиһилии ⬅️

@gazetaerkeii
@ulusmedia