Степан Саргыдаев

Алтынньы 3 күнүгэр саха биһирэбиллээх хапсаҕайын сайыннарыыга сүҥкэн кылаатын киллэрбит Д.П. Коркин аатынан Судаарыстыбаннай бириэмийэ лауреата, СӨ физкултууратын уонна успуордун үтүөлээх үлэһитэ, РФ уонна СӨ физкултууратын уонна успуордун туйгуна Алексей Егорович Мостахов уһун, ыарахан ыарыы кэнниттэн күн сириттэн күрэммитинэн Чурапчы улууһун салалтатын, хапсаҕайы, тустууну таптааччыларын уонна тус бэйэм ааппыттан Алексей Егорович дьиэ кэргэнигэр, чугас дьонугар, доҕотторугар уонна саха хапсаҕайын бары сүгүрүйээччилэригэр дириҥ кутурҕаммытын тиэрдэбит.

Алтынньы 1 күнүгэр Е.А. Борисов аатынан киин бибилэтиэкэбит саҥа көлүөнэ модельнай бибилэтиэкэ статустанан уонна бары өттүнэн саҥалыы, аныгылыы өрөмүөннэнэн, хааччыллан, үөрүүлээхтик аһыллар тэрээһинигэр кытынным. Ытыктабыллаах Егор Афанасьевич Борисовка, өрөспүүбүлүкэбит үрдүкү салалтатыгар, СӨ култуураҕа уонна духуобунай сайдыы министиэристибэтигэр, СӨ Национальнай бибилэтиэкэтигэр бу бырайыагы олоххо киллэриигэ күүстээх көмөлөрүн иһин улуус салалтатын уонна тус бэйэм ааппыттан дириҥ махталбын тиэрдэбин!

«Дьиэ кэргэн» Арассыыйа национальнай бырайыагынан өрөмүөн, ону сэргэ ааҕааччыларга аныгылыы, табыгастаах эйгэни тэрийиигэ улахан үлэ ыытыллан түмүктэннэ. Саҥа миэбэлинэн, аныгы саҥа тиэхиньикэнэн толору хааччыллан, кинигэтин пуондата 3 тыһ. тахса экземплярынан байытыллан, ааҕааччыларга бэртээхэй табыгастаах усулуобуйа баар буолла. Манна дьон наадыйар, көрдүүр информациятын ыларыгар, билиитин хаҥаттарыгар аныгы цифровой технологиялары туһанар кыахтаммыта олус үчүгэй.

Бибилэтиэкэ аһыллыытыгар СӨ култуураҕа уонна духуобунай сайдыыга министиэристибэтин муниципальнай тэриллиилэрин уонна социокултуурунай үлэҕэ салаатын салайааччыта Вера Афанасьевна Моисеева уонна ытыктыыр биир дойдулаахпыт, сенатор Егор Афанасьевич Борисов кыыһа Алена Егоровна Пестрякова кэлэннэр үөрүүбүтүн үллэһиннилэр.

Саҥа көлүөнэ модельнай бибилэтиэкэ статустаммыт киин бибилэтиэкэбит сайдыы өссө биир кэрдииһигэр тахсыбытынан кэлэктииби эҕэрдэлээн туран, киин бибилэтиэкэ улуус ааҕааччыларын билиигэ-көрүүгэ, сайдыыга ыҥырар, духуобунай барҕа баайдаах култуурунай-сырдатар киининэн буола турарыгар баҕарабын!

Бу күннэргэ дьон-сэргэ өрөспүүбүлүкэ Төрүт сокуонугар уларытыыны киллэрэри көҕүлүүр барылы дьүүллэhиигэ араас көрүүлэрин этэллэр, санааларын үллэстэллэр. Барылга этиллэринэн – Конституцияттан Саха Өрөспүүбүлүкэтин Ил Дарханын үлэлиир болдьоҕо “икки болдьохтон ордук буолуо суохтаах” диэн хааччахтыыр нуорманы устуу. Ил Түмэн алтынньытааҕы сессиятыгар бу уларытыыны ылыннаҕына, Ил Дархан икки болдьох кэнниттэн, өссө утуу-субуу талыллар кыахтаныан сөп.

Бу ыллыктаах уонна олохтоох этии дии саныыбын. Туох ордук суолталааҕый? Үлэ түмүгэ, биллэн турар, хааччахтыыр болдьохтон ордук суолталаах. Өрөспүүбүлүкэ салайааччыта дьиҥнээх түмүктэри, экэниэмикэ  үрдээһинин, инфраструктура сайдыытын, дьон олоҕун хаачыстыбата тупсуутун көрдөрөр буоллаҕына - уопсастыбаҕа көдьүүстээҕин дакаастаабыт киһи дуоһунаһыгар салгыы үлэлиир бырааптаах буолуохтаах. Манна чопчу быһаарыы халандаар ыйыытынан буолбакка, өрөспүүбүлүкэҕэ төһө-хачча туһалаабытыгар олоҕуран ылыллыахтаах.

Өрөспүүбүлүкэ сиригэр-уотугар салайыы систиэмэтигэр биир бириинсиптэр үлэлиэхтээхтэр. Ол курдук, өрөспүүбүлүкэ бары муниципальнай тэриллиилэрин баһылыктарын дуоһунастарыгар талыллыылара кинилэр үлэлиир болдьохторун ахсаанынан хааччахтаммат - сокуонунан да уонна устаабынан да. Өрөспүүбүлүкэ үрдүкү дуоһунастаах киһитигэр эмиэ манна тэҥнэээх ньымалар үлэлиэхтээхтэр. Онуоха быыбардааччылар итэҕэллэрэ уонна түмүктэри сыаналааһын - сүрүн критерийинэн буолуохтаахтар.

Ил Дархан үлэтин түмүктэрин сыаналааһыҥҥа утумнаах үлэ уонна уһун болдьохтоох бырайыактары ситэрии улахан суолталаахтар. Бөдөҥ бырайыактар – суоллары уонна энергетика эбийиэктэрин тутууттан саҕалаан, тыа сирин сайыннарыы бырагыраамаларыгар диэри – бары өр сылларга суоттаммыттар. Онон болдьоҕунан хааччахтааһыны туоратыы -  стратегическай сайдыыны харгыстаппакка, салгыы утумнаахтык олоххо киллэриигэ, хайыы-үйэ үлэҕэ киирбит былааннары алдьаппакка, ылыллыбыт соруктары толорууну тиһэҕэр тиэрдиигэ, чопчу түмүктэр баар буолууларыгар улахан оруоллаах буолуоҕар саарбахтаабаппын. Биллэрин курдук, саҥа хамаанда үлэтэ хаһан сөптөөх тэтими тутан, кудуххайдык барыар диэри балачча элбэх бириэмэ, соччо сыра-хара, күүс-кыах көҥдөй ороскуоттаныан сөп. Оттон салгыы саҥа болдьоххо үлэлиир кыаҕы ылбыт хамаанда үлэтин урукку тэтимин өссө күүһүрдэн, түмүктэри ситиһиитэ быдан улаатыан сөп.  

Бу маннык ыллыктаах уонна олохтоох көннөрүүнү киллэрии түмүгэр, демократическай ньымалар тутаах суолталанан тахсаллар: бүтэһиктээх тыл – быыбардааччыларга. Чопчу кинилэр хандьыдаат үлэтин дьиҥнээх дьыалаларынан сыаналаан, дуоһунаһы иккистээн ылара сөптөөҕүн быһаараллар.

Тус бэйэм Саха Өрөспүүбүлүкэтин Төрүт сокуонугар уларытыылары киллэрэр туһунан көҕүлээһини өйүүбүн. Манна саамай сүрүнэ – өрөспүүбүлүкэ сайдыыта бигэ туруктаахтык, утумнаахтык барыыта, оттон көдьүүстээх быһаарыылар олохтоохтор интэриэстэрин туһугар  ылыллан, олоххо толоруллан иһиилэрэ.

От имени Совета муниципальных образований Республики Саха (Якутия), всего муниципального сообщества региона и от себя лично от всей души искренне поздравляю Ирину Михайловну Гусеву с избранием на должность председателя Комитета по региональной политике и местному самоуправлению Государственной Думы IX созыва!

Это закономерный результат Вашей многолетней плодотворной работы по развитию органов местного самоуправления. На посту сопредседателя ВАРМСУ при поддержке со стороны Администрации Президента РФ и Правительства России Вы последовательно и твердо отстаиваете интересы муниципалитетов по всей стране.

Мы, главы и народные депутаты муниципальных образований Республики Саха (Якутия), высоко ценим Ваш неоценимый вклад и многолетнюю, плодотворную деятельность в деле развития, становления местного самоуправления и выражаем искреннюю благодарность за поддержку и понимание всех наших чаяний и проблем.  И глубоко верим, что Вы, как человек, прошедший весь путь от работника сельской администрации, главы города-миллионника, городского, областного депутата, до депутата Государственной Думы РФ, продолжите совершенствование законодательной базы, разработки и реализации программ, направленных на укрепление и повышение качества жизни населения муниципалитетов.

Желаю Вам крепкого здоровья, новых ярких побед и достижений в реализации намеченных планов, дальнейших успехов в деле защиты и развития муниципального сообщества нашей страны!

Аҕам саастаахтар норуоттар икки ардыларынааҕы күннэринэн улууспут олохтоохторун, тыыл бэтэрээннэрин, ытык саастаах дьоммутун улуус салалтатын уонна тус бэйэм ааппыттан истиҥник эҕэрдэлиибин!

Эһиги сыралаах үлэни өрө тутан уонна үтүө үгэстэри салҕаан улууспут, өрөспүүбүлүкэбит сайдыыларыгар сүҥкэн кылааты киллэрбит, эйэлээх, дьоллоох олоҕу түстээбит үтүө дьыалаҕытынан киэн туттабыт, холобур оҥостобут, барҕа махтал тылларын этэбит. Төрөөбүт дойдугутугар итии тапталгыт, инникигэ бигэ эрэлгит, барыга эппиэтинэстээх сыһыаҥҥыт уонна уопсастыбаннай олоххо көхтөөх кыттыыгыт, тус интэриэстэргитинэн араас хайысхалаах түмсүүлэргэ  айа-тута, дьарыктана, үлэлии-хамсыы сылдьаргыт - барыта үүнэр көлүөнэҕэ үтүө холобурунан буолар.

Биһиги дойдубутугар, өрөспүүбүлүкэҕэ, улууспутугар аҕам саастаахтарга кыһамньы өрүү инники күөҥҥэ тутуллар. Национальнай бырайыактар чэрчилэринэн социальнай тутуулар, хаачыстыбалаах мэдиссиинэ өҥөтө сыллата тупсар, сайдар. Ону сэргэ аҕам саастаахтарга оҥорор көмө хаачыстыбата үрдүү турар. Эһиги баай уопуккут, муударай сүбэҕит, олоххо көхтөөх сыһыаҥҥыт билиҥҥи кэм уустуктарын аһарынарбытыгар күүстээх көмө-тирэх буолар.

Ытык-мааны дьоммутугар чэгиэн доруобуйаны, уһун, дьоллоох, көхтөөх олоҕу баҕарабын! Чугас дьоҥҥут тапталлара, истиҥ сыһыаннара санааҕытын кынаттыы, бөҕөргөтө турдун!

Уважаемые жители Чурапчинского района!

Хочу обратить внимание на серьезную проблему — попытки вербовки подростков и молодежи через социальные сети и мессенджеры.

Злоумышленники предлагают «легкий заработок», просят выполнить якобы простое задание: сфотографировать объект, передать посылку, поджечь урну или автомобиль. Иногда они запугивают, шантажируют и угрожают близким. За безобидными на первый взгляд просьбами могут скрываться подготовка поджогов, диверсий и других тяжких преступлений.

В России действует информационно-просветительский проект «Выход 31». Его главная задача — объяснить молодому человеку: пока преступление не совершено, еще можно остановиться и обратиться за помощью.

Название проекта связано со статьей 31 Уголовного кодекса Российской Федерации «Добровольный отказ от преступления». Если человек добровольно и окончательно отказался от совершения преступления, он не несет за него уголовной ответственности при соблюдении предусмотренных законом условий.

Если вам поступило подозрительное предложение:

— не выполняйте полученные инструкции;
— не отправляйте фотографии и видео;
— не передавайте банковские карты, телефон или другие вещи;
— прекратите общение и заблокируйте собеседника;
— сохраните переписку и другие доказательства;
— незамедлительно расскажите обо всем родителям, учителю или другому взрослому, которому доверяете;
— обратитесь в полицию.

Особенно обращаюсь к родителям: будьте внимательны к своим детям, интересуйтесь их общением в интернете, спокойно обсуждайте подозрительные сообщения и резкие изменения в поведении. Ребенок должен знать, что в сложной ситуации его не будут ругать — ему помогут.

📞 Линия помощи проекта «Выход 31»: 8-800-333-03-31
📞 Телефон доверия МВД России: 8-800-222-74-47
📞 Полиция: 102
📞 Единый номер экстренных служб: 112

Не поддавайтесь на угрозы и обещания легких денег. Вовремя остановиться и попросить помощи — значит защитить себя, своих близких и свое будущее.

Берегите себя и своих детей!

Хатылыттан төрүттээх биир дойдулаахпыт Москва куорат 1 №-дээх Олимпийскай резервэҕэ училищетын 2 куурсун үөрэнээччитэ, Геннадий Изотович Кривошапкин иитиллээччитэ, уола Изот Кривошапкин Рыбинск куоракка ыытыллыбыт Бүтүн Россиятааҕы мастерскай турнирга остуол тенниһигэр 20-гэр диэри саастаахтарга личкаҕа киирсиигэ 2 миэстэ, паараҕа 1 миэстэни ылан, спорт маастарын аатын ылбытынан Изоту, кини төрөппүттэрин Геннадий Изотовиһы, Марина Семеновнаны, бииргэ төрөөбүттэрин, Чурапчы улууһун спортивнай уопсастыбаннаһын уонна Хатылы олохтоохторун улуус салалтатын уонна тус бэйэм ааппыттан эҕэрдэлиибин!

Изотка бу ситиһиититтэн тэбинэн маастарыстыбата күүскэ чочуллан, өссө үрдүк ситиһиилэргэ, кыайыыларга дабайарыгар баҕарабын!

Өрөспүүбүлүкэтээҕи "Ас-үөл - 2026" атыы дьаарбаҥката бала5ан ыйын 25-27 күннэригэр Дьокуускай куоракка буолла.

Чурапчы улууhа уопсай зачекка Дьокуускай куорат кэннэ 10 мэтээллээх 2 миэстэ буолары ситистибит.

"Лучший скотоводческий район" номинацияҕа 2 миэстэни, "Дьиэ-кэргэн фермата" конкурска Мугудай нэһилиэгин бааhынай хаhаайыстыбата Илья Ильич Дьячковский дьиэ-кэргэнинэн кыттан 1 миэстэни, Мырылаттан үүнээйи салаатыгар Виктор Семенович Петров "Цифровое хозяйство" номинация5а 1 миэстэ буолла, норуот талыытын дегустация түмүгүнэн "Эргис" ТХПК Мырыла арыыта 1 миэстэни, "Чурапчы" ТХПК таба этиттэн халбаhыта 3 миэстэни, ыыhaммыт убаhа этэ 3 миэстэни уонна норуот талыытын дегустация түмүгүнэн 3 миэстэни ыллылар.

Агро хайысхалаах оскуолалар күрэхтэhиилэригэр "За новый продукт линейки производства плодово-ягодной продукции" смородинка чэйдэрэ 1 миэстэни, "Лучшая школьная ферма" 3 миэстэни, онтон Телей орто оскуолата бу номинацияҕа 1 миэстэни ыллылар.

Бары кыайыллаахтарга эҕэрдэбитин тиэрдэбит. Тыа хаhаайыстыбатын салалтата.

Сегодня, в День государственности Республики Саха (Якутия), вместе со всей республикой сделали ещё один важный шаг в развитии родного улуса - к сетевому газу подключается Чурапчинская средняя школа имени Ивана Михайловича Павлова.

От имени всех чурапчинцев благодарю Главу Республики Саха (Якутия) Айсена Сергеевича Николаева, Правительство Якутии, АО «Сахатранснефтегаз», ООО «Газпром межрегионгаз. Благодаря вашей поддержке природный газ приходит в наши сёла, в дома и социальные объекты — это реальная забота о людях, тепло и уют в каждом доме.

С начала газификации в Чурапчинском улусе к сетевому газу подключены 3 513 абонентов, из них 2 195 семей — по программе социальной газификации. В 2025 году мы завершили десятый пусковой комплекс газификации села Чурапча.

В этом году 105-летие выдающегося педагога, и символично, что именно сейчас школа, носящая его имя, получает надёжное, экономичное и экологичное тепло от природного газа. Уверен, что это событие станет достойным продолжением его дела — служения родному улусу и воспитанию подрастающего поколения.

Балаҕан ыйын 27 күнүгэр Чурапчы сэлиэнньэтигэр Улуу Өктөөп өрөбөлүүссүйэтин  пааматынньыгар Саха Өрөспүүбүлүкэтин Судаарыстыбаннаһын күнүгэр аналлаах миитиҥҥэ улууспут, нэһилиэкпит салалтата, эдэр ыччата, улуус, нэһилиэк уопсастыбаннаһа уонна олохтоохторо кыттыннылар.

«Чурапчы улууһа” муниципальнай тэриллии баһылыга Степан Саргыдаев, улуус депутааттарын Сэбиэтин бэрэссэдээтэлэ Яков Оконешников, уопсастыбаннас уонна ыччат бэрэстэбиитэллэрэ Чурапчы улууһун бары олохтоохторугар туһаайан Саха Өрөспүүбүлүкэтигэр сүдү суолталаах күнүнэн эҕэрдэ тылы эттилэр, 1990 сыллаахха Саха сирэ автоновнай статустан өрөспүүбүлүкэ статуһун ылбытын, манан сибээстээн Саха сирэ судаарыстыба быһыытынан сайдарыгар саҥа кэрдиис-кэм саҕаламмытын, күн бүгүн ол кэмтэн ыла улуус олоҕор балысхан сайдыы киирбитин  бэлиэтээтилэр. Төһө да уустук, ол эрээри бары салааларга сайдыы тэтимнээхтик киирэ турар кэмигэр дьон-сэргэ айымньылаах олоҕор, үлэтигэр көдьүүстээх үчүгэй усулуобуйаны оҥоруу, Чурапчы улууһа үгүс көрдөрүүлэринэн бастыҥнар кэккэлэригэр сылдьыыта  салҕанан барарыгар тапталлаах төрөөбүт дойдубут салалтата «Чурапчы күүһэ – түмсүүгэ! Түмсүү күүһэ – сайдыыга!” диэн күүстээх санаа тула айар-тутар үлэҕэ бар дьонун түмэр, сомоҕолуур.

Судаарыстыбаннас күнүгэр Чурапчыга Сахабыт сирэ сайдыы кэскиллээх суолун тутуһан, иннин диэки эрэллээхтик хардыылыырын мэктиэлиир өрөспүүбүлүкэбит былааҕа күөрэйэ тэлимнээтэ, өрөгөй ырыалара ньиргийдэ, Өктөөп өрөбөлүүссүйэтин пааматынньыгар сибэкки дьөрбөтүн  ууруу сиэрэ-туома ыытылынна.

Чэчирии, үүнэ, бөҕөргүү турдун, төрөөбүт улууспут, өрөспүүбүлүкэбит!

Бүгүн Оскуола иннинээҕи үөрэхтээһин үлэһиттэрин күнүнэн уһуйаан иитээччилэрин, бэтэрээн-настаабынньыктарбытын, кэнчээри ыччаппыт үүнэрин-сайдарын туһугар үлэлии-хамсыы сылдьар бары үлэһиттэри идэлээх бырааһынньыккытынан улуус салалтатын уонна тус бэйэм ааппыттан итиитик, истиҥник эҕэрдэлиибин!

Бүгүҥҥү үөрүүлээх бырааһынньык күн эһиэхэ оҕолорбутугар ийэлии истиҥ, сылаас сыһыаҥҥытыгар, уҕараабат кыһамньыгытыгар махтал бастыҥ тылларын этэбит. Эһиги айымньылаах үлэҕит өссө тахсыылаах буоларын туһугар сөптөөх усулуобуйаны тэрийиигэ, саҥа уһуйааннары тутан үлэҕэ киллэриигэ улуус улахан болҕомтотун уурар. Уһуйааннарга оскуола иннинээҕи үөрэхтээһин үлэһиттэрэ хас биирдии оҕо бастакы билиини уонна сатабылы ыларын, бары өттүнэн сайдарын, элбэххэ үөрэнэн, киһилии киһи буола улаатыытын бастакы олугун уурууга бары күүскүтүн, билиигитин уурар ситиһиилээх үлэҕитинэн киэн туттабыт.

Кырачааннарга төрөөбүт дойдуга, бар дьоҥҥо итии тапталы, тулалыыр эйгэҕэ харыстабыллаах сыһыаны, билиини уонна сиэрдээх буолууну иитии уонна үөрэх хаачыстыбатыгар ураты болҕомтону ууруу курдук улахан сыралаах үлэҕит үтүө түмүктээх буоллун!

Эһиэхэ бука барыгытыгар үрдүк ситиһиилэри, тус олоххутугар дьолу, чэгиэн туругу баҕарабын!

Ытыктабыллаах улууспут олохтоохторун Саха Өрөспүүбүлүкэтин Судаарыстыбаннаһын күнүнэн Чурапчы улууһун салалтатын уонна тус бэйэм ааппыттан өрө көтөҕүллэн туран итиитик, истиҥник эҕэрдэлиибин!

Бүгүн биһиги ССРС састаабыгар автономнай өрөспүүбүлүкэни төрүттэспит итиэннэ ону олоххо киллэрбит дьоммутун Былатыан Ойуунускайы, Максим Аммосовы, Исидор Бараховы, Степан Аржаковы, Степан Васильевы, биир дойдулаахпытын Иван Винокуровы өрүү махтана ахтабыт, саныыбыт, өйдүүбүт уонна сырдык күлүктэригэр сүгүрүйэбит! Кинилэр уурбут бигэ суолларынан тапталлаах Сахабыт сирин судаарыстыбаннаһа араас кэмнэри чиэстээхтик туораталаан, балысхан сайдыы суолунан баччаҕа тиийэн кэлбитигэр норуоппут чулуу уолаттарыгар барҕа махталбытын этэбит.

1990 сыл балаҕан ыйын 27 күнүгэр Саха Өрөспүүбүлүкэтин Судаарыстыбаннай сүбэринэтиэтин туһунан Декларацияны ылыныы биһиги өрөспүүбүлүкэбит судаарыстыбаннаһын сайдыытын устуоруйатыгар биир кэрэ-бэлиэ, тосту уларытыылаах бэлиэ түгэнинэн буолбута. СӨ Бастакы Бэрэсидьиэнэ М.Е.Николаев норуот чулуу бэрэстэбиитэллэрин, бүтүн норуоту биир өйгө-санааҕа сомоҕолоон, улахан уларыйыылаах сылларга бар дьон санаатын өрө көтөхпүт, сайдыыга туһаайбыт сүҥкэн үтүөтэ умнуллубат. Ол кэмҥэ ылыллыбыт Төрүт сокуоммут күн бүгүҥҥэ диэри дойдубут инники сайдыытын, барыбыт уйгутун түстүү, олохпутун салайа, араҥаччылыы турар.

Байыаннай эпэрээссийэ бара турар уустук кэмигэр уолаттарбыт кыайыыларыгар көдьүүстээх көмөнү оҥоруу, эйэлээх олоҕу эргитии хас биирдиибититтэн тутулуктааҕын өйдүүбүт уонна бары бииргэ сомоҕолоһон буойуттарбытыгар бэйэбит көмөбүтүн тиэрдэн, бигэ тирэх буолабыт. Хорсун-хоодуот уолаттарбыт төрөөбүт алаастарыгар хайаан да кыайыы кынаттаах эргиллэн кэлиэхтэригэр эрэлбит улахан.

Кыстыкка киирэр былдьаһыктаах күннэргэ баҕа санааларгыт, тус былааннаргыт туоллуннар, улууспут, өрөспүүбүлүкэбит сайдыыларын туһугар ситиһиилээх үлэни, туйгун туругу уонна этэҥҥэ буолууну баҕарабын!

Чурапчы күүһэ түмсүүгэ буоларын өрүү өрө тутуоҕуҥ!

Поздравляю муниципальную команду Чурапчинского улуса в составе Лобанова А.Г., Васильева Н.Д., Бушковой Н.И., Сергеевой М.И.,
Туласынова У.И. с успешным прохождением в финальный этап республиканского кадрового конкурса «Якутия, вперёд!».

Мероприятие прошло в формате соревнования муниципальных команд, которым предстоит защитить собственные проекты развития территорий районов. Из 26 муниципальных образований республики соревновновались 33 команды. Полуфинал конкурса прошел под темой «Служа умом и сердцем», где каждый из команд продемонстрировала умения и навыки принимать взвешенные решения и командного взаимодействия, принятия решений, нести ответственность за развитие муниципального образования, а также разработать актуальный социально-значимый проект.

“Күһүҥҥү киһи күлбүтүнэн» диэн этиини бигэргэтэн, үөрүүлээх сонуннар кэллилэр. Ол курдук, Дьокуускай куоракка Комсомол болуоссатыгар ыытыллар “Ас-үөл дьаарбаҥката-2026» агропромышленнай быыстапка-дьаарбаҥкаҕа уонна «Бизнес-Экспо-2026» салаалар икки ардыларынааҕы өрөспүүбүлүкэтээҕи быыстапкаҕа биһиги Чурапчыбыт улууһа ситиһиилээхтик кытынна!

Ол курдук, «Кыайыы 50 сыла»   спорт дыбарыаһыгар ыытыллыбыт «Бизнес-Экспо-2026» өрөспүүбүлүкэтээҕи быыстапкаҕа 15 оройуонтан кыттыбыт 70 урбаанньыт ортотугар биһиги улууспутуттан 4 урбаанньыт - Заровняева Ульяна Николаевна, Гуляева Наталья Егоровна, Гоголева Валентина Эмилиевна, Тимофеева Күннэй Леонидовна - көхтөөхтүк кытыннылар. Түмүккэ 4 номинация баарыттан, 3 номинациятыгар үс урбаанньыппыт тигистэ! Ол курдук, “За лучший ассортимент” номинация III истиэпэнин Тимофеева Күннэй Леонидовна, “Лучший новый продукт” номинация II истиэпэнин Заровняева Ульяна Николаевна, “Лучшее оформление выставочного стенда” I истиэпэнин Гуляева Наталья Егоровна ыллылар.

Чурапчы улууһа 2025 сыл түмүктэринэн сүөһү иитиитин сүрүн көрдөрүүлэрин 103% куоһарбытын иһин «Лучший скотоводческий  район” ааты ылан, дьаарбаҥка анал дипломунан, Г.П. Башарин аатынан Сылаҥ орто оскуолата (дириэктэр Лидия Степановна Сивцева) “За новый продукт в линейке производства плодово-ягодной продукции” номинацияны “Смородинка” чайы оҥорон таһаарыытын иһин анал дипломунан,
Дьячковскай И И. фермерскэй хаһаайыстыбата "Лучшая семейная ферма" дипломунан бэлиэтэннилэр.

Онон Чурапчыбыт улууһун тыатын хаһаайыстыбатын табаарын оҥорооччулара, айымньылаах үлэлээх урбаанньыттара маннык быыстапка-дьаарбаҥкаларга бэйэлэрин бастыҥ хаачыстыбалаах бородууксуйаларынан көхтөөхтүк кыттан, бу курдук өрүү кыайыы аргыстаах буолалларынан киэн туттан туран, истиҥник эҕэрдэлиибин.

Кыайыылаахтарбытыгар инникитин өссө үрдүк ситиһиилэри, дэлэй бородууксуйаны, элбэх дохуоту, этэҥҥэ буолууну баҕарабын!

Бүгүн Чурапчы улууһун Одьулуун нэһилиэгиттэн төрүттээх ытыктабыллах биир дойдулаахпыт, Чурапчы улууһун Бочуоттаах олохтооҕо, Дьокуускай куорат баһылыгын солбуйааччытынан, Ил Түмэн II, III, IV ыҥырыыларын народнай депутаатынан, парламент вице-спикерынан, өрөспүүбүлүкэ Бырабыыталыстыбатын бэрэссэдээтэлин солбуйааччынан уонна Саха сиригэр социальнай көмүскэл систиэмэтин төрүттээччилэртэн биирдэстэринэн, Биэнсийэ пуондатын Саха сиринээҕи салаатын салайааччытынан үтүө суобастаахтык үлэлээбит, Чурапчы улууһун Дьокуускай куоракка түмсүүтүн бас-көс дьонноруттан биирдэстэрэ, үлэлээбитин устатыгар дойдутугар сүҥкэн кылаатын киллэрбит биллиилээх судаарыстыбаннай уонна уопсастыбаннай диэйэтэл Альбина Иннокентьевна Поисеева төрөөбүт күнүнэн улуус салалтатын, олохтоохторун уонна тус бэйэм ааппыттан итиитик, истиҥник эҕэрдэлиибин!

Альбина Иннокентьевна Одьулуун нэһилиэгэр  1946 с. балаҕан ыйын 25 күнүгэр элбэх оҕолоох колхуостаах дьиэ кэргэнигэр төрөөбүтэ. Чурапчыга орто оскуоланы бүтэрэн, Горькайдааҕы тутуу, инженернэй институтун бүтэрэн, үлэтин СГУ преподавательтэн саҕалаан, декан солбуйааччытыгар, кафедра сэбиэдиссэйигэр тиийэ үүммүтэ, доцент, техническэй наука кандидата буолбута. 1990 с. өрөспүүбүлүкэ Үрдүкү Сэбиэтин дьахталлар дьыалаларыгар отделын сэбиэдиссэйинэн, онтон 1993 – 1995 сс. өрөспүүбүлүкэ Бырабыыталыстыбатын бэрэссэдээтэлин солбуйааччытынан ананыаҕыттан салгыы өссө үүнэн-сайдан, Саха сирин социальнай эйгэтин харыстабылын, пенсионнай систиэмэтин сайдыытын эйгэлэригэр үрдүк эппиэтинэстээх дуоһунастарга, ону сэргэ Ил Түмэн II, III, IV ыҥырыыларыгар депутаатынан, парламент вице-спикеринэн өрөспүүбүлүкэтин туһугар чиэстээхтик үлэлээбит үрдүк үтүөлээх. Альбина Инннокентьевна 90-с сылларга дойду үрдүнэн ыһыллыы-тоҕуллуу уустук усулуобуйатыгар пиэнсийэ төлөбүрүн, араас социальнай өйөбүл систиэмэтин саҥардыы, олоххо киллэрии үлэтигэр быһаччы кыттан, бар дьон, чуолаан, дьиэ кэргэн, оҕо, дьахтар аймах чөл туруктаах олоруутун хааччыйсыбыт дьоһун салайааччылартан биирдэстэрэ буоларынан киэн туттабыт!

Өрөспүүбүлүкэ таһымыгар ханнык да үрдүкү салайар үлэҕэ анаммытын иһин Альбина Иннокентьевна салайар, тэрийэр, көҕүлүүр сатабылынан, эрчимнээх үлэтинэн бар дьонугар дьиҥ-чахчы биһирэппит, өрөспүүбүлүкэҕэ социальнай көмүскэл сайдыытыгар күттүөннээх көмөтүн киллэрбит, ол туһугар бүтүн олоҕун, өйүн-санаатын анаабыт  муударай салайааччы быһыытынан үлэтэ үрдүктүк сыаналанан, Арассыыйа Дьахталларын сойууһун мэтээлинэн наҕараадаланыыта, өрөспүүбүлүкэ социальнай сулууспатын туйгуна, норуот хаһаайыстыбатын үтүөлээх үлэһитэ, социальнай көмүскэл уонна уопсастыба сайдыытыгар киллэрбит сүүнэ кылаатын иһин М.Д. Нартахова аатынан Судаарыстыбаннай бириэмийэ лауреата буолуута элбэҕи кэрэһилиир.

Кини тыа хаһаайыстыбатынан олорор төрөөбүт улууһун саҥа кэм ирдэбилинэн үлэлиир суолун-ииһин тобулсууга, нэһилиэнньэбит социальнай өттүнэн көмүскэллээх буолуутугар кэскиллээх былааннары олоххо киллэриигэ үтүө сүбэтэ-өйөбүлэ бүгүҥҥү күммүт үгүс ситиһиилэрин бигэ акылаатынан буоларынан барҕа махталбытын этэбит. Альбина Иннокентьевна дьиэ кэргэн, оҕо уонна дьахтар аймах, нэһилиэнньэбит кыаммат араҥатын социальнай өттүнэн харыстабылын сайыннарыыбытыгар үйэлээх төрүттэри уурсубут, саҥа саҕалааһыннарбытын өрүү өйөөбүт үтүөлэрэ умнуллубат. 

Төрүт сириттэн сириэдийэ үүнэн, Саха сирин дьоһун кэскилин салайсыбыт үтүөкэн киһибитин, айылҕаттан анаммыт муударай салайааччыны, аныгы кэмҥэ саха норуотун биир киэн туттар чулуу кыыһын Альбина Иннокентьевнаны бүгүҥҥү кэрэ-бэлиэ дьоллоох дьоро күнүнэн эҕэрдэлээн туран, бар дьонуҥ туһугар оҥорбут үтүмэн үтүөҥ үтүөнэн эргиллэ, дьиэ кэргэҥҥэр, чугас дьоҥҥор, ыччаттаргар дьолу-соргуну, уйгулаах олоҕу тосхойо турдун диэн бастыҥ баҕабытын тиэрдэбит!