ДМИТРИЙ ТИХОНОВ

🔹Бүгүн Ил Дархаммыт Айсен Сергеевич Николаев салайааччылаах бөлөх сахалартан бастакы Сэбиэскэй Сойуус Дьоруойа Федор Кузьмич Попов бырааттыы көмүллүүгэ хараллан сытар дойдутугар - Белоруссия Өрөспүүбүлүкэтин Гомельскай уобалаһыгар үлэлээтэ.

🔹Саха сирин уонна Гомельскай уобалаһы ситимниир үгүс түгэнтэн биирэ, бу - Дьоруойбут Федор Кузьмич Попов хорсун быһыыта буолар. 
Сүөдэр 1943 сыл алтынньы ый 1 күнүгэр Днепр өрүһү кыһыл аармыйа кэккэтиттэн бастакынан харбаан туораан, өстөөхтөрү самнаран, сүрүн күүс өрүһү туораан тахсарыгар кыаҕы биэрбитэ.
Дьоруойбут бу хорсун быһыыта биир дойдулаахтарыгар, биһиэхэ
хайа да кэмҥэ үтүө холобур, кыайыыга-хотууга сирдиир суолдьут буолар. Кини үтүө аата үйэлэргэ умнуллубат!

🔹Бу ытык сиргэ, 83 сыл буолан баран Саха сирин буойуттарыгар Мэҥэ бэлиэ турда. Буойуттарбыт сырдык ааттарыгар  биир дойдулаахтарбыт ааттарыттан ытыктабылбыт бэлиэтин сүгүрүйдүбүт. Кинилэр Ийэ дойдуларын иһин толук уурбут олохторо, албан ааттара үйэлэргэ өлбөөдүйбэт. 

🔹Ону тэҥэ Беларусь Өрөспүүбүлүкэтин Лоевскай оройуонун кытта доҕордуу сыһыаны салҕыыр туһунан оройуон ситэриилээх кэмитиэтин бэрэссэдээтэлэ Николай Владимирович Клименколыын сөбүлэҥ түһэристибит.

🔹Бү сөбүлэҥ сүрүн соругунан хардарыта сыһыаны олохтоон, ыччат дьоммутун дойдуга, төрөөбүт норуокка бэриниилээх буолууга, олох олорон дойдубутун салгыы сайыннарар дьону иитэн таһаарыы буолар.

🔹Сүөдэрбит Геройбут, мохсоҕол буойуммут.
Килбиэннээх ааккынан киэн туттан ыллыыбыт!

📱@dmitriytikhon0v

📲https://max.ru/id1415008873_gos2

🔹Бүгүҥҥүттэн улуустааҕы култуура салалтатын салайааччытынан Данил Осипов ананна. 

🔹1991 сыллаахха Ходоро нэһилиэгэр төрөөбүтэ.

🔹2012 сыллаахха А.Д. Макарова аатынан култуура уонна ускуустуба кэллиэһин режиссура салаатын үөрэнэн бүтэрбитэ.

🔹2012 сыллаахха Д.Ф. Ходулов аатынан култуура киинигэр оҕо тыйаатырын режиссерунан,

🔹2013-2016 сылларга киинэ эйгэтигэр,

🔹2016 сыллаахтан Д.Ф. Ходулов аатынан култуура киинин режиссерунан үлэлээн кэллэ.

🔹Данил Осипов - Саха Өрөспүүбүлүкэтин култууратын туйгуна, киинэ артыыһа, ааптара. 

🔹Данил Николаевичка ситиһиилээх, таһаарыылаах үлэни баҕарыаҕыҥ.

📱@dmitriytikhon0v

📲https://max.ru/id1415008873_gos2

🔹Бүгүн Саха Өрөспүүбүлүкэтин Бырабыыталыстыбатын бэрэссэдээтэлин Кирилл Евгеньевич Бычкову кытта кэлэр сыллаах үлэбитин торумнуур соруктаах көрүстүбүт. 

🔹Көрсүһүүгэ Ил Түмэн Судаарыстыбаннай мунньах дьокутаата Андрей  Находкин, экономика миниистирэ Петр Попов, бырамыысыланнас уонна геология миниистирин эбээһинэһин толорооччу Михаил Кириллин кыттыыны ыллылар. 

🔹2027 сыллаах бүддьүөт ылыллыан иннинэ, гаастааһын, тутуу, ДьУоКХ хайысхаларыгар туруорбут кэккэ боппуруостарбыт быһаарыллан олоххо киириилэригэр салгыы үлэлииргэ болдьостубут.

📱@dmitriytikhon0v

📲https://max.ru/id1415008873_gos2

🔹Балаҕан ыйын 25-27 күннэригэр Дьокуускай куоракка "Продовольствие-2026" өрөспүүбүлүкэтээҕи тыа хаһаайыстыбатын аһын-үөлүн оҥорон таһаарааччылара кыттыылаах үгэскэ кубулуйбут дьаарбаҥка ыытылынна. 

🔹Биһиги улууспутуттан "Хоту", "Павловскайдааҕы үүт собуота", "Алаас Ас", "Хорообут"- тэрилтэлэрэ, нэһилиэктэрбититтэн биирдиилээн бааһынай хаһаайыстыбаларбыт кыттыыны ыллылар.

🔹Ол курдук, Өрөспүүбүлүкэ бастыҥ аһы-үөлү оҥорон таһаарар тэрилтэтин Кылаан Чыпчаал кыайыылааҕынан Шестаков Светоний Геннадиевич салайааччылаах  "Алаас Ас" кэпэрэтиип буолла. 

🔹Үрдүк хаачыстыбалаах иһэр үүтү, сүөгэйи оҥорууга  
1 миэстэни Максимов Иван Ильич салайааччылаах "Хоту" кэпэрэтиип ылла.

🔹Оҕуруот аһын олордууга бастыҥ көрдөрүүлээҕинэн Ан Александр Сергеевич бааһынай хаһаайыстыбата ааттанна.

🔹Ону таһынан, тыа хаһаайыстыбатын эйгэтигэр үлэлиир оскуолаларбыт бэйэлэрин үлэлэринэн, оҥорон таһаарыыларынан үчүгэй көрдөрүүлээх таҕыстылар:
В.П. Ларионов аатынан Майа орто оскуолата 1 миэстэ, Дмитрий Таас аатынан Хорообут орто оскуолата 3 миэстэни ылары ситистилэр.

🔹2025 сыл түмүгүнэн тыа хаһаайыстыбатын уонна аһы-үөлү оҥорон таһаарыыга оройуоннар икки ардыларыгар сылгыны иитиигэ, үүнээйини үүннэриигэ 1 миэстэлэри,
үүт аһы оҥорон таһаарыыга  2 миэстэни
улууспут хаһаайыстыбаларын үлэлэрин түмүгүнэн ылары ситистибит.

🔹Өрөспүүбүлүкэбит Судаарыстыбаннаһын күнүгэр тыабыт хаһаайыстыбатын эйгэтигэр улууспут туруу үлэһит дьонунан үрдүкү үктэлгэ тахсыбыппыт бэлиэ түгэнинэн буолар. 

🔹Кыайыылаахтары ис сүрэхпиттэн эҕэрдэлиибин, өссө үрдүк көрдөрүүлэри ситиһэрбитигэр бииргэ үлэлиэхпит диэн эрэнэбин.

🔹Дьонум-сэргэм, Өрөспүүбүлүкэбит Судаарыстыбаннаһа бөҕөргүүрүгэр, салгыы сайдарыгар түмсүүлээх үлэбитинэн инникитин даҕаны бастыҥнарга ааттана туруоххайыҥ!

📱@dmitriytikhon0v

📲 https://max.ru/id1415008873_gos2

Ытыктабыллаах улууспут олохтоохторо, биир дойдулаахтарым! 

🔹Барыгытын Саха Өрөспүүбүлүкэтин Судаарыстыбаннаһын күнүнэн ис сүрэхпиттэн эҕэрдэлиибин!

🔹Биһиги улууспут — өрөспүүбүлүкэ биир бөдөҥ, баай устуоруйалаах улууһа. Хас биирдиигит сыралаах үлэтинэн, айар талаанынан дойдубут чэчирии сайдыытыгар улуу убайдарбытын утумнаан, өрөспүүбүлүкэбит инникитин уһансабыт.

🔹Бу бэлиэ күн, эһиэхэ, күндү биир дойдулаахтарым этэҥҥэ буолууну, дьиэ кэргэҥҥитигэр иллээх-эйэлээх олоҕу, таһаарыылаах үлэни баҕарабын.

🔹Судаарыстыбаннаспыт күнүнэн! 
Үүнэ-сайда, чэчирии тур, тапталлаах Сахабыт сирэ!

📱@dmitriytikhon0v

📲https://max.ru/id1415008873_gos2

🔹Бүгүн биир дойдулаахпыт, Саха Өрөспүүбүлүкэтин Ил Түмэнин Сир сыһыаннаһыыларыгар, айылҕа баайын уонна экологияҕа сис кэмитиэтин бэрэссэдээтэлэ Андрей Михайлович Находкин 55 сааһын бэлиэтиир.

🔹Ытыктабыллаах Андрей Михайлович!
Мэҥэ Хаҥалас улууһун салалтатын, дьонун-сэргэтин уонна тус бэйэм ааппыттан эйигин 55 сааскын туолбут үбүлүөйдээх күҥҥүнэн итиитик-истиҥник эҕэрдэлиибин!

🔹Төрөөбүт улууспут, өрөспүүбүлүкэбит туһугар таһаарыылаахтык үлэлии-хамсыы сылдьаргыттан биһиги, дойдуҥ дьоно, үөрэбит, киэн туттабыт.

🔹Тус бэйэҕэр уонна дьиэ кэргэҥҥэр этэҥҥэ буолууну, уһун дьоллоох олоҕу, бар дьоммут туһугар ситиһиилээх үлэни баҕарабын.

📱@dmitriytikhon0v

📲https://max.ru/id1415008873_gos2

🔹Бүгүн, олохтоох салайыныы саҥа сокуонугар олоҕуран, депутаттар куоластааһыннарынан, Хорообут нэһилиэгин баһылыгынан иккис болдьоххо Бродников Гаврил Юрьевич талылынна.

🔹Гаврил Юрьевичка итии-истиҥ эҕэрдэбин тиэрдэбин. Дойдубут, дьоммут-сэргэбит туһугар бииргэ, таһаарыылаахтык үлэлиэхпит диэн эрэнэбин!

📱@dmitriytikhon0v

📲https://max.ru/id1415008873_gos2

Дорогие земляки!

🔹Завершились выборы депутатов Государственной Думы Российской Федерации.
По предварительным данным, за партию «Единая Россия» в нашем районе проголосовали 59,80% избирателей.
В одномандатном округе за Петра Шамаева отдали свои голоса 52% участников голосования.

🔹Благодарю всех жителей улуса, кто в эти дни пришёл на избирательные участки и сделал свой выбор.
Мы ещё раз показали свою активную гражданскую позицию и неравнодушие к будущему нашей страны.

🔹От всей души желаю всем жителям улуса крепкого здоровья, благополучия, мира и стабильности!
Уверен, что совместными усилиями мы продолжим работать во благо каждого жителя нашего района, решая важные задачи и создавая ещё более комфортную и процветающую среду для жизни.

🔹Дойду үрдүнэн ыытыллыбыт РФ Судаарыстыбаннай Дууматын дьокутааттарын талар үс күннээх быыбар түмүк көрдөрүүлэрэ билиннилэр.

🔹Биһиги улуус дьоно-сэргэтэ "Биир ньыгыл Арассыыйа" партияны өйөөн, 59,80% ылары ситистибит.

🔹Салайан олорор партиябыт дьон туһугар ыытар үлэтэ көдьүүстээҕин, ону бар дьон өйдүүрүн уонна өйүүрүн бигэргэттэ.

🔹РФ Судаарыстыбаннай Дууматын биир мандааттаах уокуругар уолбутугар Петр Шамаевка быыбарга кыттыбыт дьонтон 52% өйөбүлүн биллэрдэ.

🔹Улууспут олохтоохторугар хас биирдиигитигэр туора турбакка, кэлэн быыбарга кыттыбыккытыгар, инники кэскилгэ эрэлгитин биллэрбиккитигэр барҕа махталбын биллэрэбин. Этэҥҥэ буолууну, бигэ туругу, эйэлээх халлааны, дьолу-соргуну баҕарабын.

🔹Тапталлаах дойдубут салгыы чэчирии сайдарын туһугар инникитин даҕаны бары бииргэ, түмсүүлээхтик, биир сомоҕо буолан үлэлии-хамсыы туруоҕуҥ!

📱@dmitriytikhon0v

📲https://max.ru/id1415008873_gos2

🔹Бүгүн Дьаҥхаады нэһилиэгэр норуот тапталлаах артыыһа, Саха Өрөспүүбүлүкэтин култууратын үтүөлээх үлэһитэ Аркадий Михайлович Новиковка анаммыт өйдөбүл пааматынньыга үөрүүлээх быһыыга арылынна.

🔹Аркадий Новиков — саха норуотун култууратыгар, юмор ускуустубатыгар уонна норуодунай киинэҕэ ураты улахан кылааты киллэрбит киһибитинэн буолар.
Кини «Көөчөөн-көрө» норуодунай тыйаатырын төрүттээбитэ, элбэх комедия киинэлэри уһулбута.
Олоҕун тухары дьону үөрдэр, күллэрэр, олох кыһалҕаларын бэйэтин дьоҕурунан кыһарыйар, дьоҥҥо үтүөнү эрэ баҕарар, олоҕун онно анаабыт киһи этэ.

🔹Бу пааматынньык — норуот тапталын, махталын уонна өйдөбүлүн бэлиэтэ.

🔹Аркадий Новиков үтүө аата үйэлэргэ умнуллуо суоҕа. Кини холобура кэлэр кэнчээри ыччакка сирдьит буолуоҕа!

📱@dmitriytikhon0v

📲https://max.ru/id1415008873_gos2

🔹Бүгүн Тараҕай нэһилиэгэр балыыһа тэриллибитэ 80 сылын көрсө, саҥа быраас амбулаторията үөрүүлээхтик арылынна.

🔹Бу дьиэбит «Уһун уонна көхтөөх олох» - национальнай бырайыак иһинэн тутулунна. Саҥа, сырдык, сылаас дьиэбит маҥан халааттаах аанньалларбытыгар - быраастарбытыгар, сиэстэрэлэрбитигэр - үлэлииллэригэр, эмтэнээччилэрбитигэр этэҥҥэ, чөл буолалларыгар тирэх буолуо.
Саҥа - сырдык дьиэбит өр сылларга бар дьон туһугар туһалыы турдун.

📱@dmitriytikhon0v

📲https://max.ru/id1415008873_gos2

Төрөөбүт күҥҥүнэн, Баһылай!

🔹Бүгүн биир бастыҥ ыччаппыт Василий Михайлович Егоров төрөөбүт күнэ.

🔹Биир дойдулаахтарыҥ ааттарыттан итии-истиҥ эҕэрдэбин тиэрдэбин. Инникитин дьоммут-сэргэбит, дойдубут туһугар бигэ тирэх, күүс буолан үлэлиэҥ диэн эрэнэбит!

📱@dmitriytikhon0v

📲 https://max.ru/id1415008873_gos2

Дойдубут, ыччаттарбыт туһугар бары - бииргэ ✊

📱@dmitriytikhon0v

📲 https://max.ru/id1415008873_gos2

🔹Бүгүн, Мөҥүрүөн нэһилиэгэр
"Биир ньыгыл Арассыыйа"
баартыйа өйөбүлүнэн ылыныллыбыт оскуолалары өрөмүөннээһин бырагырааманан Егор Дмитриевич Кычкин аатынан орто оскуолабыт саҥалыы мөссүөннэнэн оҕолорбутун, учууталларбытын көрүстэ.
 
🔹Бу оскуолаҕа быйыл 88 оҕо үөрэниэ, онтон бастакы кылааска 6 үөрэнээччи киирдэ. Оҕолорбут ыраас, сырдык, барыта саҥардыллыбыт эйгэҕэ билиини ылыахтара, үүнүөхтэрэ, сайдыахтара.
 
🔹Үлэни кылгас болдьоххо кичэйэн туран Руслан Анатольевич Трофимов салайар "Стройкомплект Сервис"-тэрилтэ оҥордо. Биир дойдулаахпыт Александр Егорович Кычкин сыллата биһиги оҕолорбутун өйүүр, бу да сырыыга улахан көмөнү оҥорбутун махтанан туран бэлиэтиибин.
 
🔹Маннык бырагыраама баар буолан, тыа сирин үөрэх тэрилтэлэрин дьиэлэрэ өрөмүөннэнэллэр, ол курдук кэлэр сылга биһиги улууска 2 уһуйааҥҥа, 1 оскуолаҕа үлэ ыытыллара быһаарыллан турар.

🔹Салгыы федеральнай таһымҥа 5 оскуоланы уонна 6 уһуйааны бырагыраамаҕа киллэрэргэ үлэни ыытабыт. Оҕолорбут үөрэнэллэригэр сөптөөх усулуобуйаны тэрийиини сүрүн сорук быһыытынан ылынан туран салгыы үлэлиибит.

📱@dmitriytikhon0v

📲 https://max.ru/id1415008873_gos2

🔹Бүгүн, Дьабыыл нэһилиэгэр Николай Васильевич Петров аатынан орто оскуолаҕа кэлэн Билии күнүнэн эҕэрдэлээн күммүн саҕалаатым.

🔹Оскуолаҕа быйылгы дьылга 45 үөрэнээччи үөрэниэ, ол иһигэр оскуола боруогун атыллаан 3 оҕо киирдэ, эдэр учуутал Снежана Васильевна Михайлова кылаас салайааччытын быһыытынан оҕолорбутун сиэтэн киллэрэн, билии умсугутуулаах эйгэтигэр үктэннэрдэ.

🔹Үөрэх коллектива улууспутугар оҕону үөрэҕи кытта үлэни дьүөрэлээн иитиигэ биир бастыҥ көрдөрүүлээҕинэн биллэр.
Ол туоһутунан оскуоланы бүтэрээччи ыччат дьоммут орто, үрдүк үөрэххэ сыллата ситиһиилээхтик киирэн, бүтэрэн олоххо ситиһиилээх дьон буолан тахсаллара буолар.
Инникитин даҕаны мэлдьи күөх кырыстаах Дьабыл сириттэн улууспутун, тапталлаах Сахабыт сирин ааттатар, салгыы сайыннарар кыахтаах эдэр ыччат тахса турдун!

📱@dmitriytikhon0v

📲 https://max.ru/id1415008873_gos2

Уважаемые учителя, дорогие родители и учащиеся!

🔹Поздравляю вас с Днём знаний и началом нового учебного года!

🔹1 сентября — особенный день, открывающий дорогу новым знаниям, открытиям и достижениям. Для каждого из нас, даже если школьные годы уже позади, он остаётся тёплым воспоминанием, наполненным радостью, надеждами и вдохновением.

🔹В этом учебном году в нашем улусе 499 первоклассников впервые переступят школьный порог, а всего за парты сядут 5 896 учеников. Это — наше будущее, наша гордость и главная ценность.

🔹Желаю всем крепкого здоровья, творческих успехов, новых побед, семейного благополучия и счастья!
Пусть этот учебный год будет плодотворным, интересным и насыщенным яркими событиями.

🔹Пусть наше подрастающее поколение растёт всесторонне развитым, образованным, бережно хранящим традиции народа и готовым внести достойный вклад в развитие нашей Родины!

🔹Күндү улууспут олохтоохторо Билии күнүнэн барыгытын эҕэрдэлиибин!

🔹Оҕолорбут киэҥ билиилээх, олоххо ситиһиилээх, толору дьоллоох дьон буоллуннар!

С праздником! С Днём знаний!

📱@dmitriytikhon0v

📲 https://max.ru/id1415008873_gos2

🔹Бүгүн атырдьах ыйын 24 күнүгэр, Саха сирин 14 сылтан ордук кэмҥэ салайбыт
киэн туттар биир дойдулаахпыт
Семён Захарович Борисов төрөөбүтэ 115 сылын туолла.
 
🔹Семён Захарович Сахабыт сиригэр сайдыы акылаатын уурбут, аҕалбыт чулуу киһибитинэн буолар.

🔹Кини салайар кэмигэр бырамыыссыланнас, салгын, сир, уу тырааныспара сайдар кыахха киирбиттэрэ.
Алмааһы хостооһун саҕаламмыта, ССРС билим Академиятын Саха сиринээҕи филиала тэриллибитэ, үөрэх Саха судаарыстыбаннай үнүбэрситиэтэ арыллыбыта. Кини өрөспүүбүлүкэҕэ элбэх чулуу салайар кадрдарын норуот хаһаайыстыбатын бары хайысхатыгар үүннэрэн таһаарбыта.
Ырааҕы өтө көрөр, булгуруйбат модун санаалаах салайааччыбыт төрөөбүт дойдуга, норуокка муҥура суох таптал, бэриниилээх буолуу чаҕылхай холобурунан буолар.
 
🔹Семён Захарович Борисов саҕалаабыт, үлэлээбит үлэтэ, бар дьонугар күн-бүгүн туһалыыр, инникини түстүүр.
Кини үтүө аата, үйэлээх үтүөтэ бар дьоммут сүрэҕэр өрүү тыыннаах.

📱@dmitriytikhon0v

📲МАХ сыһыарыыга суруттар- https://max.ru/id1415008873_gos2

Күндү биир дойдулаахтарым, Дойдубут – Арассыыйа былааҕын күнүнэн итии-истиҥ эҕэрдэбин тиэрдэбин!

🔹Былаахпыт – биһиги үйэлээх устуоруйабыт, судаарыстыбаннаспыт, биир күүспүт бэлиэтэ. Кини үрүҥ, халлаан күөх уонна кыһыл өҥнөрө – ыраас санааны, эрэли, күүһү кэрэһилииллэр.

🔹Бу бэлиэ күҥҥэ барыгытыгар чэгиэн доруобуйаны, дьиэ кэргэҥҥитигэр дьолу-соргуну, эйэлээх халлааны ситиһиилэри баҕарабын!

📱@dmitriytikhon0v

📲МАХ сыһыарыыга суруттар- https://max.ru/id1415008873_gos2

Дьокуускай куоракка Ат сүүрдүүтүгэр Дерби бирииһи 18-с төгүлүн кыайдыбыт!

🔹Бүгүн Дьокуускай куорат ипподромугар 38-с төгүлүн ыытыллыбыт Дерби ат сүүрдүүтүн күрэҕэр, Михаил Михайлович Емельянов төрөтөн, сыратын биэрэн улаатыннарбыт Күндүмэн диэн соноҕоспут, кыайыы өрөгөйүн улууспутугар 18-с төгүлүн аҕалла!

🔹Бу үөрүүлээх түгэнинэн улууспут олохтоохторун, ат спордун таптааччыларын барыгытын истиҥник эҕэрдэлиибин!

🔹Бу ситиһиини аҕалбыт тренербытыгар Станислав Тимофеевка, жокейбытыгар Семен Гаврильевка, федерациябыт салайааччытыгар Аркадий Лукиҥҥа махталбын, истиҥ эҕэрдэбин тиэрдэбин.
Бу ситиһиинэн кынаттанан саҥа кыайыылар кэлэ турдуннар!

📱@dmitriytikhon0v

📲МАХ сыһыарыыга суруттар- https://max.ru/id1415008873_gos2

ТУТААЧЧЫ КҮНҮНЭН!
 
🔹Атырдьах ыйын иккис өрөбүлүгэр дойду үрдүнэн Тутааччы күнэ бэлиэтэнэр. Бу бэлиэ күнүнэн тутуу эйгэтин бары үлэһиттэрин, бэтэрээннэрин, инженердэри, бырайыактааччылары, архитектордары, тутуу исписэлиистэрин бүгүҥҥү идэлээх күҥҥүтүнэн улууспут дьонун-сэргэтин, салалта ааттарыттан ис сүрэхпиттэн эҕэрдэлиибин!
 
🔹Ытыктабыллаах тутааччылар! Эһиги сыралаах, улахан эппиэтинэстээх үлэҕитинэн дьоҥҥо табыгастаах эйгэни тэрийэн, олохпутун-дьаһахпытын саҥа таһымҥа таһаараҕыт. Тутуллар бары ирдэбилгэ эппиэттиир саҥа эбийиэктэр улууспут сайдыытыгар төһүү күүс буолаллар, дьон олоҕун тупсараллар.
Эһиэхэ барыгытыгар чэгиэн доруобуйаны, уһун үйэни, этэҥҥэ буолууну, бигэ туругу баҕарабын!

🔹Тапталлаах улууспут, өрөспүүбүлүкэбит, дойдубут туһугар инникитин да бииргэ түмсүүлээхтик үлэлиэҕиҥ-хамсыаҕыҥ, айыаҕыҥ-тутуоҕуҥ!

📱@dmitriytikhon0v

📲МАХ сыһыарыыга суруттар- https://max.ru/id1415008873_gos2

🔹Бүгүн Сулустар үлэлээбиттэрэ биир сыл буолла, уолаттарбытыгар махтанан туран таһаарыылаах үлэни баҕарыаҕыҥ!

🔹Кынаттаах Сулус!

Өлүөнэ эбэбит
Долгунун үрдүнэн,
Күүс-уох ылынан дайдаран,
Норуот туһугар тэриллэн,
Сулустар ааллара усталлар.

Уонунан сылларга
Эбэни уҥуордуур
Түспэтэх сыананы
Сулустар кэлэннэр
Түһэрэн үөртүлэр.
Айанньыт махталын
Ылыаҕын ыллылар.

Дьон-сэргэ туһугар
Үлэлиир эрэттэр
Атыннык,
Үтүөтүк,
Хамсанар эбиттэр!

Бар дьоммут алгыһын,
Тирэҕин ылаҥҥыт,
Үлэлээҥ уолаттар
Үлэлээҥ хотойдор,
Бу кэмҥэ көрдөрүҥ
Олохпут хаамыытын
Оҥорор кыахпытын.
Кэскили түстэһэр
Түмсүүбүт ис кыаҕын!

📱@dmitriytikhon0v

📲МАХ сыһыарыыга суруттар- https://max.ru/id1415008873_gos2