Бүттүүн норуот киэн туттар биир дойдулаахпыт Сахаттан бастакы Сэбиэскэй Сойуус Дьоруойа Федор Кузьмич Попов хорсун быһыыны оҥорбут күнүгэр төрөөбүт нэһилиэгэр турар пааматынньыгар тэрилтэлэр салайааччылара уонна кадетскай кылаас иитиллээччилэрэ сибэкки дьөрбөтүн уурдулар, сүгүрүйдүлэр.
1943 с. алтынньы ыйын 3 күнүгэр Любечь оройуонун, Черниговскай уобалаһын, Любечь куоратын арҕаа өттүгэр бастакылартан биирдэстэринэн ууга ыстанан Днепр өрүс арҕаа кытылыгар тахсан, өстөөх траншеятыгар ыстанан, бэйэтин саатынан уонна хабыр хапсыһыыга 23 өстөөх эписиэрин уонна саллаатын кыдыйбыта, өстөөх пулеметун былдьаан ылан контратакалаан эрэр өстөөх пехотатын күүстээх уоту аһан көрсүбүтэ, этэҥҥэ бэйэтин ротатын арҕаа кытылга туораппыта. Кимэн киирии кыргыһыыга - Днепр өрүһү харбаан туорааһыҥҥа, Ф.К. Попов бэйэтин эр санаатын, хорсун буойунун көрдөрөн Сэбиэскэй Сойуус Дьоруойун аатын ылбыта.
Кини хорсун быhыыта Ийэ дойдуга бэриниилээх буолуу холобурун көлүөнэттэн көлүөнэҕэ суолдьут сулус буолан сирдии туруоҕа.

"Баатара нэһилиэгэ" тыа сирин түөлбэтин дьаһалтата, алтынньы ыйын 3 күнэ 2026 с.