Администрация МР «Таттинский улус» РС(Я)

🎶ТААТТА МЕДИКТЭРЭ — ӨРӨСПҮҮБҮЛҮКЭТЭЭҔИ КҮРЭХХЭ 1-КЫ ИСТИЭПЭННЭЭХ ЛАУРЕАТТАР

Тааттатааҕы киин балыыһа (ЦРБ) «Арчылаана» айар ансаамбыла доруобуйа харыстабылын үлэһиттэригэр аналлаах В. Т. Андросов ырыаларын I Өрөспүүбүлүкэтээҕи «Дьиэрэй ырыам» күрэҕэр чаҕылхайдык кыттан, 1-кы истиэпэннээх Лауреат үрдүк аатын сүктэ.

Кэлэктиип ырыатын киин балыыһа сүрүн бырааһа Сардана Кононова уонна Николай Миронов кэрэ үҥкүүнэн арыаллаан, көрөөччүлэр уонна дьүүллүүр сүбэ биһирэбиллэрин ыллылар.

Айар куттаах үрүҥ халааттаах аанньалларбытын бу өрөгөйдөөх кыайыыларынан ис сүрэхтэн эҕэрдэлиибит!

📸Киин балыыһа ТГ каналыттан.

📲МАХ|

🎤✨ ТААТТА КЫЫҺА - ГРАН - ПРИ ХАҺААЙКАТА

Балаҕан ыйын 3 күнүгэр «Новые голоса» өрөспүүбүлүкэтээҕи бырайыак түмүктүүр түһүмэҕэ буолан ааста. Бастыҥ 20 ырыаһыттан Туора Күөл кэрэ куота Мария Кузьмина уһулуччу куолаһынан, удьуор тардыылаах талаанынан муҥутуур кыайыылааҕынан (Гран-при) таҕыста.

Дьүүллүүр сүбэ көрдөһүүтүнэн Мария сахалыы ырыаны акапелла толорон, истээччилэри барытын сөхтөрдө, бэйэтин үрдүк маастарыстыбатын чаҕылхайдык дакаастаата.

Кэнсиэр аныгы уотунан-күөһүнэн, үҥкүү доҕуһуолунан көрөөччү кутун тутта. Бу курдук эдэр ыччат көҕүлээһининэн саҥа саҕалааһыннар олоххо киирэллэрэ кэрэхсэбиллээх.

Мария Кузьминаны өрөгөйдөөх кыайыытынан ис сүрэхтэн эҕэрдэлиибит! Айар суолуҥ өрүү сырдык буоллун!

📲МАХ|

🏓ТААТТА ТЕННИСИСТЭРЭ ӨРӨСПҮҮБҮЛҮКЭ ЧЕМПИОНАТЫГАР МЭТЭЭЛЛЭЭХ УОННА «НЬУРБА-2027» ПУТЕВКАЛААРДААХ ЭРГИЛЛЭН КЭЛЛИЛЭР

Остуол тенниһигэр Саха Өрөспүүбүлүкэтин Чемпионатыгар Таатта улууһун сүүмэрдэммит хамаандалара ураты ситиһиилэнэн, улууспут күрэхтэһэр кыаҕын өссө төгүл дакаастаатылар.

🏆Дьахталларга сүүмэрдэммит хамаандабыт бэйэтин бөлөҕөр эрэллээхтик оонньоон, 2027 сыллаахха Ньурбаҕа ыытыллыахтаах Саха Өрөспүүбүлүкэтин Спортивнай оонньууларыгар анаммыт путевканы ситиһиилээхтик ылла.
🥉 Эр дьоҥҥо сүүмэрдэммит хамаандабыт дьиҥнээх эр санааны уонна тыҥааһыннаах киирсиини көрдөрдө, Мэҥэ Хаҥалас улууһун күүстээх хамаандатын утары киирсэн 3-с бочуоттаах миэстэни (боруонса мэтээли) ыллылар! Ону тэҥэ эмиэ «Ньурба-2027» Спортивнай оонньууларга быһаччы путевкаланнылар.
Сүүмэрдэммит хамаандаларбыт теннисистэрин уонна тириэнньэрдэри бу үрдүк өрөспүүбүлүкэтээҕи ситиһиинэн уонна «Ньурба-2027» оонньууларга киирэринэн ис сүрэхпититтэн итиитик-истиҥник эҕэрдэлиибит!

📲МАХ|

✅Эстафета преемственности: Таттинский улус передал Знамя Томпонскому району.

На границе Томпонского района состоялась торжественная церемония передачи знамени, посвящённого 40-летию ветеранского движения Республики Саха (Якутия). Эстафета Знамени Республиканского совета ветеранов войны и труда стартовала 22 июня 2026 года, в День памяти и скорби, в музейном комплексе «Россия — моя история» в Якутске и пройдёт по всем улусам и городам республики до июня 2027 года.

Цель эстафеты — дать новый импульс работе ветеранских организаций, усилить наставническую деятельность и патриотическое воспитание молодёжи, а также напомнить о ценности активного долголетия. Копия знамени побывает в каждом муниципальном образовании республики, объединяя ветеранов, молодёжь и местные власти общим делом памяти.

Мероприятие прошло в торжественной обстановке. Звучали государственные гимны Российской Федерации и Республики Саха (Якутия), напомнив о неразрывной связи поколений и долге памяти перед теми, кто отстоял свободу Родины.

Делегация Таттинского улуса
Знамя от Таттинского улуса передали:
Никифор Никифорович Жерготов — заместитель главы МР «Таттинский улус» по социальным вопросам;
Маргарита Арисовна Попова — председатель Совета ветеранов Таттинского улуса;
начальник управления по делам молодёжи и семейной политики Таттинского улуса Варфоломеев Василий Иванович.

Делегация Томпонского района
Знамя приняли:

Степан Александрович Кривошапкин — первый заместитель главы МР «Томпонский улус (район)»;
Галина Дмитриевна Готовцева — председатель Совета ветеранов Томпонского района;
Олимпиада Афанасьевна Колодезникова — заместитель главы сельского поселения «Мегино-Алданский наслег»;
Мария Васильевна Павлова — начальник отдела по делам молодёжи и семейной политики Томпонского района.
Церемонию также посетили юнармейцы и члены Совета Первых Мегино-Алданской средней общеобразовательной школы имени Е.П. Неймохова. Их присутствие подчёркивает главную идею эстафеты — связь поколений, передачу патриотических традиций от старших к молодым.

Первый наслег в Томпонского районе, принимающий Знамя, СП "Мегино-Алданский наслег". Далее эстафета передается в Баягантайский наслег.

Ытыктабыллаах Афанасий Иванович!

Таатта улууһун дьаһалтатын, тус бэйэм уонна бүтүн улууспут уопсастыбаннаһын аатыттан Эһигини дьоһуннаах 60 саастаах дьоро күҥҥүтүнэн ис сүрэхпититтэн итиитик-истиҥник эҕэрдэлиибит!
Эһиги Саха Өрөспүүбүлүкэтин культуратын уонна духуобунай сайдыытын эйгэтигэр өр сылларга таһаарыылаахтык үлэлээн, норуоппут баай устуоруйатын, төрүт культуратын, уус-уран айымньытын харыстааһыҥҥа уонна сайыннарыыга сүҥкэн кылааккытын киллэрэ сылдьаҕыт. Эһиги муударай салайааччы быһыытынан судаарыстыбаннай таһымҥа ыытар күүстээх үлэҕит, өрөспүүбүлүкэ культуратын эйгэтин туруктаах сайдыытыгар, үүнэр көлүөнэни патриотическай уонна духуобунай өттүнэн иитиигэ бигэ тирэх буолар.
Саха омук духуобунаһын, уус-уран литэрэтиирэтин уонна культуратын ытык биһигэ буолбут Таатта сирин кытта ситимнээх бырайыактары, культурнай саҕалааһыннары куруук күүстээхтик өйүүргүт, суолталаах тэрээһиннэрбитин олоххо киллэрсэргэт иһин улууспут дьоно-сэргэтэ Эһиэхэ махталларын тиэрдэллэр.

Убаастабыллаах Афанасий Иванович!

Бу бэлиэ үбүлүөйдээх күҥҥүгэр Эһиэхэ уонна чугас дьоҥҥутугар чэгиэн туругу, уостубат күүһү-уоҕу, саҥа айар-тутар бырайыактары олоххо ситиһиилээхтик киллэриини, дьиэ кэргэҥҥитигэр ил-эйэни, дьолу-соргуну уонна тапталлаах Сахабыт сирин культурата чэчирии сайдарын туһугар эппиэтинэстээх үлэҕитигэр өссө үрдүк ситиһиилэри ис сүрэхпититтэн баҕарабыт!

Таатта улууһун баһылыга Айаал Бурцев

🇷🇺🇷🇺🇷🇺🇷🇺🇷🇺
Таатта улууһун олохтоохторо СР Төрүт Сокуонун 69 ыст. уларыйыы киирэрин туруорсабыт.
Тоҕо?
Тыа сирин төрдүттэн сайыннарыы уһун кэмнээх былааннаах үлэни ирдиир. Таатта улууһун холобуругар ылан көрдөххө: үгүс улууһу таас чоҕунан хааччыйан олорор "Төлөн" аахсыйалаах общество үгүс ыарахаттары көрсөн олорор, ол эрээри салгыы сайдарыгар чоҕун саппааһа улахан, суоллары аспааллааһын,  оскуола, уһуйаан саҥа дьиэлэрин тутуу, тыа хаһаайыстыбатын сайыннарыы биир тиһиктээх өр сыллаах комплекснай бырайыактар буолаллар. Ил Дархантан саҕалаан салайар уорганнарга  сотору-сотору каадырдар уларыйа турдахтарына саҕаламмыт үлэ атахтанара көстөн турар.
🇷🇺🇷🇺🇷🇺🇷🇺🇷🇺
Билигин Дойду уйана-хатана быһаарыллар былдьаһыктаах кэмигэр Россия модун державатын кытары бииргэ тутуһан кыайыыны уһансарбыт ирдэнэр. Маныаха сахалыы тыыннаах, дьонугар-сэргэтигэр көмүскэл буолуон сөптөөх, салайар уопуттаах, үөһээҥҥи эргимтэҕэ билиитинэн-көрүүтүнэн биллэр, региоммут экономическэй тутулларын, омук быһыытынан уратыбытын иһиттэн билэр Ил Дархан салайыан наада.

Төрүт Сокуон 69 ыст. уларыйыытын – кэм ирдиир. Биһиги норуот уонна омук быһыытынан көмүскэллээх буолуубут Төрүт Сокуонтан быһаччы тутулуктаах. Ыһыллыыны-тоҕуллууну таһаарбат, регион биир кэлим экономикатын тутан олорор, баары харыстыыр, суохтан баар гынар – муударай, бэриниилээх салайааччыбыт тула мустан ыарахан кэмнэри туоруохтаахпыт, норуот быһыытынан тыыннаах хаалыахтаахпыт.

Ил Дархан уһун болдьохтоох боломуочуйата -  тыа сирин сайдыытын мэктиэтэ буолар.

Саха сирэ, иннин хоту!

Айаал БУРЦЕВ,
Таатта улууһун баһылыга,
АБДЬ бэтэрээнэ

🏛️СУДААРЫСТЫБАННАС КҮНҮГЭР БЫЛАТЫАН ОЙУУНУСКАЙ СЫРДЫК КЭРИЭҺИГЭР СҮГҮРҮЙДҮЛЭР

Бүгүн, балаҕан ыйын 27 күнүгэр — Саха Өрөспүүбүлүкэтин Судаарыстыбаннаһын күнүгэр — саха омук улуу уола, автономиябыт биир сүрүн тутаах олохтооччута, бөдөҥ государственнай диэйэтэл, суруйааччы Платон Алексеевич Ойуунускай төрөөбүт, киинэ түспүт ытык сиригэр — Чөркөөх сэлиэнньэтин Муҥха Дэлбэрийбит алааһыгар өрөгөйдөөх кэриэстэбил тэрээһинэ буолан ааста.
Улуу киһибит кэриэстэбилигэр уонна сибэкки ууруу үөрүүлээх сиэригэр-туомыгар кыттыыны ыллылар Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччыта Анатолий Семенов, Ил Түмэн дьокутаата Прокопий Рахлеев, Таатта улууһун баһылыга Айаал Бурцев, кэлбит ытыктабыллаах ыалдьыттар, уопсастыбаннас уонна Чөркөөх сэлиэнньэтин олохтоохторо.
Кэлбит делегация уонна биир дойдулаахтарбыт Былатыан Ойуунускай духуобунай уонна судаарыстыбаннай сүдү нэһилиэстибэтигэр барҕа махталы тиэрдэн туран, кини пааматынньыгар уонна бэлиэ сиригэр тыыннаах сибэккилэри уурдулар.
Судаарыстыбаннас күнүгэр тапталлаах Ойуунускайбыт төрөөбүт сиригэр Муҥха Дэлбэрийбиккэ түмсүү — Сахабыт сирин автономиятын олохтообут чулуу уолаттарбыт ааттарын үрдүктүк тутуу, кинилэр хаалларбыт ытык иэстэрин уонна кэскиллээх суолларын салҕааһын чаҕылхай бэлиэтэ буолла.
Улуу Ойуунускайбыт сырдык аата, киэҥ көрүүтэ уонна сүдү аата үйэлэргэ өлбөөдүйбэтин!

📲МАХ|

Күндү биир дойдулаахтарым, Таатта улууһун ытыктабыллаах олохтоохторо!

Таатта улууһун дьаһалтатын уонна тус бэйэм ааппыттан Эһигини — Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибин!
Балаҕан ыйын 27 күнэ — саха омук устуоруйатыгар көҥүл санааны, сайдыыга дьулууру уонна биир сомоҕо буолууну кэрэһэлиир бэлиэ күн. 1990 сыллаахха бу күҥҥэ Суверенитет туһунан Декларация ылыллан, Сахабыт сирин саҥа кэмҥэ эрэллээх сайдыытын акылаата түһэриллибитэ.
Биһиги Тааттабыт сирэ — саха духуобунаһын, уус-уран литэрэтиирэтин уонна судаарыстыбаннаһын ытык биһигэ буоларынан хаһан баҕарар киэн туттабыт. Төрүт Сахабыт сирин автономиятын олохтоспут, өй-санаа өттүнэн салайбыт чулуу уолаттарбыт — Платон Ойуунускай, Өксөкүлээх Өлөксөй, Алампа, ону тэҥэ автономиябыт бастакы салайааччыларыттан биирдэстэрэ, Саха АССР олохтоох хомунаалынай хаһаайыстыбатын бастакы наркома Ананий Андреев сырдык ааттара уонна өҥөлөрө норуоппут өйүгэр-санаатыгар үйэлэргэ өлбөөдүйбэт.
Бүгүн Саха Өрөспүүбүлүкэтэ — Улуу Арассыыйабыт саамай бигэ туруктаах, күүскэ сайдар, кэскиллээх эрэгийиэннэртэн биирдэстэрэ. Бу сүдү ситиһиигэ төрөөбүт Тааттабыт хас биирдии нэһилиэгин, үлэһит дьонун сыралаах үлэтэ, дойдуга бэриниилээх сыһыана сытар.
Билиҥҥи уустук, эппиэтинэстээх кэмҥэ биһиги сомоҕолоһуубут, биир санааланыыбыт өссө ордук күүһүрүөхтээх. Аҕа дойдубут көмүскэлигэр сылдьар хорсун буойуттарбытын өйөөһүн, төрөөбүт улууспут тыатын хаһаайыстыбатын, экономикатын, социальнай эйгэтин сайыннарыы — биһиги ытык сорукпут уонна эбээһинэспит!

Күндү Таатта олохтоохторо!
Бу бырааһынньыктаах күҥҥэ хас биирдигитигэр кытаанах чэгиэн туругу, дьиэ кэргэҥҥитигэр ил-эйэни, дьолу-соргуну, олоххо сарсыҥҥы күҥҥэ бигэ эрэли баҕарабын!
Төрөөбүт Тааттабыт, тапталлаах Сахабыт сирэ
уонна Улуу Арассыыйабыт өссө күүскэ чэчирии сайда турдуннар!

Таатта улууһун баһылыга Айаал Бурцев

♟️🌾 ЧӨРКӨӨХХӨ ТҮРГЭН СААХЫМАККА «ЧЭЭННИЙЭ КҮҮЛЭЙЭ» ӨРӨСПҮҮБҮЛҮКЭТЭЭҔИ УРАТЫ ТУРНИР БУОЛАН ААСТА

Чээнийэ алааһыгар Мэҥэ бэлиэни үөрүүлээхтик аһыы салҕааһынынан, Чөркөөх сэлиэнньэтин П. А. Ойуунускай аатынан орто оскуолатыгар саахымат сэҥээрээччилэригэр аналлаах «Чээнийэ күүлэйэ» диэн өрөспүүбүлүкэтээҕи сонун, ураты турнир үрдүк тэрээһиннээхтик буолан ааста.
Ураты тэрээһиҥҥэ Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччыта Анатолий Аскалонович Семенов бэйэтинэн кэлэн көхтөөх кыттыыны ылбыта турнир суолтатын уонна таһымын өссө үрдэттэ.
Бу өрөспүүбүлүкэтээҕи турнир Саха сирин саахыматын аҕа баһылыга, Аҕа дойду Улуу сэриитин кыттыылааҕа Наум Трифонович Слепцов бэйэтин көҕүлээһининэн уонна быһаччы этиитинэн олоххо киирдэ.
Саха сиригэр аан бастакытын аһаҕас сирэй көрсөн «Арена» систиэмэтинэн түргэн саахымакка (блиц/рапид) маннык таһымнаах улахан күрэхтэһии ыытылынна.

❓ Тоҕо «Чээнийэ күүлэйэ» диэн ааттанна?
Саха төрүт от охсуутун (күүлэй) майгытынан, саахыматчыттар бэриллибит кэм иһигэр дуоскаҕа ким төһө элбэх очукуону «охсон» (хомуйан) ыларынан кыайыылаахтары быһаардылар.
🏆 Турнир олус тыҥааһыннаах, интэриэһинэй уонна доҕордуу быһыыга-майгыга ааста. Кыттааччылар бэйэлэрин маастарыстыбаларын көрдөрөн, чаҕылхай киирсиилээх оонньуулары тартылар.
Маннык сонун, ураты турниры көҕүлээбит ытык кырдьаҕаспытыгар Наум Трифоновичка, бочуоттаах ыалдьыппытыгар Анатолий Семеновка, тэрээһини иилээн-салайан ыыппыт тэрийээччилэргэ уонна киирсибит саахыматчыттарга барҕа махталы биллэрэбит!

📲МАХ|

🎖️🕊️ ЧЭЭНИЙЭ АЛААҺЫГАР ИНИ-БИИ СЛЕПЦОВТАРГА АНАЛЛААХ МЭҤЭ БЭЛИЭ АҺЫЛЫННА

Бүгүн, балаҕан ыйын 26 күнүгэр, Таатта сиригэр сүҥкэн устуоруйа суолталаах, олус долгутуулаах түгэн буолан ааста. Ытык Чээнийэ алааһыгар Аҕа дойду Улуу сэриитигэр Кыайыыны уһансыбыт ини-бии Слепцовтар сырдык кэриэстэригэр анаммыт мэҥэ бэлиэ өрө көтөҕүллүүлээхтик аһылынна.

🌾 Бу мэҥэ бэлиэни убайдарыгар анаан ини-бии Слепцовтар бырааттара — билигин 102 сааһын туолбут сэрии кыттыылааҕа, ытык бэтэрээммит Наум Трифонович Слепцов бэйэтэ төрөөбүт, оҕо сааһа ааспыт Чээнийэтин алааһыгар туруорда.

Ытык кырдьаҕас бу бэлиэни туруоруутун туһунан:

«Кэлэр көлүөнэ ыччакка, оҕолорго, сиэннэргэ патриотическай иитиини иҥэрээри, ааһан иһэр айанньыт дьон көрдүннэр, саллаат дьон хорсун сырыыларын уонна эйэлээх олох сыанатын куруук билэн, өйдөөн аастыннар диэн туруордум», — диэн дириҥ ис хоһоонноохтук быһаарда.

Үөрүүлээх сиэргэ-туомҥа Таатта улууһун баһылыга Айаал Бурцев, Тыараһа уонна Чөркөөх нэһилиэктэрин олохтоохторо, ытык кырдьаҕас үөрэппит үөрэнээччилэрэ, аймахтара уонна биир дойдулаахтара кэлэн үтүө саҕалааһын иһин барҕа махталларын тиэртилэр.

Улуус баһылыга Айаал Семенович бэйэтин эҕэрдэ тылыгар Наум Трифонович 102 сааһыгар сылдьан көлүөнэлэр ситимнэрин тутан, улуу сэрии кыттыылаахтарын ааттарын үйэтитиигэ бэйэтин кылаатын киллэрэ олороро — хас биирдиибитигэр холобур буоларын тоһоҕолоон бэлиэтээтэ уонна ытык сэрииһит иннигэр төбөтүн төҥкөтөн махтанна.
Тэрээһин саамай долгутуулаах түгэнинэн 102 саастаах сэрии кыттыылааҕа Наум Трифонович кэлбит дьоҥҥо-сэргэҕэ, төрөөбүт улууһугар уонна үүнэр көлүөнэҕэ анаабыт сырдык, дириҥ ис хоһоонноох алгыһа буолла.

Эйэлээх олоҕу көмүскээбит ини-бии Слепцовтар сырдык ааттара Чээнийэ алааһыгар үйэлэргэ ааттана, кэлэр көлүөнэ ыччакка өрүү патриотизм суолдьута буола туруоҕа!

Ытык бэтэрээммитигэр чэгиэн туругу, уһун дьоллоох олоҕу баҕарабыт!

📲МАХ|

🏆🌟 ТААТТА ЧИЭҺИН ҮРДҮКТҮК ТУППУТ ДЬОММУТУГАР — УЛУУС БАҺЫЛЫГЫН ИСТИҤ ЭҔЭРДЭТЭ УОННА ҮРДҮК НАҔАРААДАЛАРА

Бүгүн, балаҕан ыйын 25 күнүгэр, Таатта улууһун баһылыга Айаал Бурцев Кэбээйи сиригэр ыытыллыбыт Өрөспүүбүлүкэтээҕи Олонхо ыһыаҕар улууспут аатын үрдүктүк көмүскээбит олоҥхоһуттары, тойуксуттары, оһуохайдьыттары, уус-уран айар маастардары уонна спортсменнары үөрүүлээхтик эҕэрдэлээтэ.

Айаал Семенович биир дойдулаахтарбыт дьулуурдарын, бэриниилээх үлэлэрин уонна ситиһиилэрин үрдүктүк сыаналаан, улуус дьонун-сэргэтин аатыттан дириҥ махталын тиэртэ. Кини муниципальнай бэлиэлэри уонна Бочуоттаах грамоталарын айар кэлэктииптэр салайааччыларыгар, олоҥхоһуттарга, оһуохайдьыттарга, төрүт уустарга уонна спортсменнарга өрө көтөҕүллүүлээх быһыыга-майгыга туттарда.

«Биһиги өрүү этэрбит курдук, Таатта — саха омук духуобунаһын, уус-уран тылын уонна төрүт спорт ускуустубатын ытык биһигэ буолар. Эһиги өрөспүүбүлүкэ таһымнаах улахан күрэхтэһиилэргэ уонна күөн көрсүүлэргэ ситиһиилээхтик кыттан, Тааттабыт аатын өссө төгүл үрдэттигит. Бу — хас биирдигит сыралаах үлэтин уонна улууспут биир сомоҕо күүһүн чаҕылхай көрдөрүүтэ буолар!» — диэн улуус баһылыга бэйэтин эҕэрдэ тылыгар тоһоҕолоон бэлиэтээтэ.

Төрөөбүт Тааттабыт аатын өрөспүүбүлүкэ үрдүнэн чаҕылхайдык ааттатар дьоммутугар өссө да үрдүк ситиһиилэри, бараммат айар күүһүн уонна чэгиэн туругу ис сүрэхпититтэн баҕарабыт!

📲МАХ|

🏢🏛️ ЫТЫК КҮӨЛГЭ САҤА АНЫГЫ ТААС ЭБИЙИЭККЭ ҮЛЭ ХОСТОРУН КҮЛҮҮСТЭРИН ТУТТАРДЫЛАР

Бүгүн, балаҕан ыйын 25 күнүгэр, Ытык Күөл килбэйэр киинигэр улууспут олоҕун тупсарар, олохтоохторбут духуобунай уонна социальнай сайдыыларыгар туһаайыллыбыт аныгы саҥа таас эбийиэк аһылыытын үөрүүлээх сиэрэ-туома буолан ааста.

🌀Саҥа эбийиэккэ киирэр тэрилтэлэр үлэһиттэрин уонна кэлбит ыалдьыттары сахалыы сиэринэн-туомунан алгыс баһын сылааһынан угуттаан, уот уматан, арчыланыы сиэрин ыыттылар. Бу сүдү тутуу уһун үйэлээх, үлэһиттэригэр айымньылаах, Таатта дьонугар-сэргэтигэр куруук аһаҕас уонна туһалаах буоларыгар баҕардылар.

Арчыланыы кэнниттэн Таатта улууһун баһылыга Айаал Бурцев бэйэтин тылыгар саҥа эбийиэк улуус сайдыытыгар улахан хардыы буоларын уонна инфраструктура тупсара тыа сиригэр олох таһымын үрдэтэрин тоһоҕолоон бэлиэтээтэ:

«Бүгүн биһиги улууспут киинигэр өссө биир кэрэ, аныгы таас эбийиэк үлэҕэ киирэр өрөгөйдөөх күнэ үүннэ. Бу — соҕотох киһи буолбакка, улууспут олохтоохторун, тутууну ыыппыт маастардарбыт уонна судаарыстыбабыт биир күүстээх, сомоҕо үлэтин ситиһиитэ буолар. Инникитин да бары биир сомоҕо буолан, илии-илииттэн сиэттиһэн, төрөөбүт Тааттабыт сайдарын, чэчириирин туһугар күүскэ үлэлэһиэҕиҥ!» — диэн ыҥырда.

🔑 Саҥа таас эбийиэк символическай күлүүһүн тутууну үрдүк таһымнаахтык уонна хаачыстыбалаахтык ыыппыт «Монтажник» производственнай кооператив прораба Семен Эляков үөрүүлээхтик уонна эрэллээхтик туттарда.

Ол кэннэ улуус баһылыга Айаал Бурцев саҥа эбийиэккэ киирэр тэрилтэлэр салайааччыларыгар өрө көтөҕүллүүлээх быһыыга-майгыга саҥа үлэ хосторун күлүүстэрин туттартаата.

Саҥа таас эбийиэк улууспут дьонугар-сэргэтигэр уһун сылларга эрэллээхтик сулууспалыаҕа, үлэ саҥа кыымнарын уонна духуобунай сайдыы ситимин өссө үрдүк таһымҥа таһаарыаҕа диэн эрэниэҕиҥ!

📲МАХ|