Россия Федерациязының Тыва Республика талазы-биле пенсия болгаш социал камгаладылга фондулары 2023 чылдың январь 1-ден эгелеп, чангыс адыр социал фонд кылдыр каттыжа берген. Чөөн-Хемчик кожуунда Россияның социал камгаладылга фондузунуң келген кижилер хүлээп алыр(клиент) албанының удуртукчузу Чодураа Сергеевна Доңгак ажылдап турар.
Чылдың-на социал Камгаладылга албан черинге хөй-хөй кижилер кээп турарын айытпышаан, хоорайның хоочуннар Чөвүлели-биле октябрь 1-де улуг назылыг болгаш хоочуннарның бүгү делегей хүнүнде хөй-ниити массалыг хемчеглерни эрттирип турар. Эрткен 2025 чылда-даа маргылдаага кириштим. .2026 чылдың октябрь 1-де, шыдыраа маргылдаазын дүрген ойнаар хевирге социал камгаладылга фондузунуң улуг назылыгларның чыглып, аргыжар, ажыктыг үе эрттирер төвүнге эрттирген. Хоочун шыдыраачы Сергей Шириндивиевич Куулар шылгараан. Бо удаада ийи дугаар маргылдаага хөй сан албаза-даа ийи удурланыкчы-биле хайымнашкаш, бир шыырак ойнакчыны удуп ап, маргылдаага кириштим. Республиканың шыырак херээжен шыдыраачыларының бирээзи Айлаңмаа Александровна Сат деткикчи болуп, шаңналга акша-хөреңгини өг-бүлезиниң мурнундан берген.Социал албан чериниң удуртукчузу Чодураа Сергеевна тиилекчилерге шаңналдарны тывыскан.
Вячеслав МОНГУШ, "Чаа орук" солуннун кол редактору