❤Бүген танылган шәхес, меңнәрнең сәхнә кумиры, Татарстанның халык, Россиянең атказанган артисты Рамил Төхвәтуллинның гомер бәйрәме.
Хөрмәтле Рамил Чыңгыз улы! Сез булдырган мул иҗат бакчасы күпләр өчен үрнәк, меңнәр өчен тулы бер тормыш университеты, кемнәрдер өчен тормышының кадерле хатирәләре белән бәйле якты истәлекләр дә. Юмор-елмаюны үз эченә алган геройларыгыз, лирик-драматик амплуалы рольләрегез, яшьлекне дә, картлыкны да тигез дәрәҗәдә иярли алган талантыгызга сокланып туймаслык.

Тамашачы һәм хезмәттәшләрегез исеменнән без шул түгәрәк бәхетегезнең гел бөтен булуын телибез. Дөнья яктылыгы, иҗат муллыгы, сәламәтлек ныклыгы, күңел кояшыгызның гел балкып торуын телибез! Юбилеегыз котлы булсын!