Сентябрҙең һуңғы көнө бөгөн,
Ишек ҡағыр иртән октябрь.
Сәғәт-минут, айҙар, йылдар һанап,
Шулай үтә икән был ғүмер.

Октябрҙең тәүге көнөндә,
Ололарҙы ихлас ҡотлайыҡ.
Уларға бит бер йылы һүҙ етә,
Һис тә битараф булмайыҡ.

Мин үҙем дә улар сафында,
Эй, үтә лә икән был ғүмер.
Бөгөн сентябрҙе оҙатабыҙ,
Ә иртәгә тыуыр октябрь.

Эй, Хоҙайым ҡалған ғүмерҙәрҙе,
Матур ҡартлыҡ биреп һөйөндөр!

(ФӘНИЛӘ ЙӘНДӘҮЛӘТОВА.)