🦌 Әгерҗе районында боланнар барлыгын күпләр белмидер дә әле. Ә без – редакция хезмәткәрләре алар янында үзебез булдык.

📅 Узган елның апрелендә Әгерҗе районындагы Красный бор аучылык хуҗалыгына 5 ата, 50 ана, 20 яшь затлы болан (благородная олень) кайтартыла. Узган ел 20 болан баласы туган. Быел аларның саны тагын шуның кадәр арткан.

🌲 Боланнар аучылык хуҗалыгының Саклау авылыннан ерак түгел нарат урманында яшиләр. Алар өчен 1,5 гектар мәйдандагы территория тимерчыбыклар белән әйләндереп алынган.

– 💬 Боланнар безнең якларга тиз ияләштеләр. Җәйге чорда яшел печәннән өзгәнебез юк. Кышлык печән запасын үзебез әзерләдек. Хәзер дә берничә урынга рулонлы печән куябыз. Махсус савытларга солы салабыз. Аны да 80 гектарда үзебез үстердек. Ел әйләнәсе тоз, минераль кушылмалар куябыз. Савытларга суны да тутырып торабыз. 🍎 Көз көне үзләрен алма белән сыйладык, – ди аларны тәрбияләүче Рәис Яхин.

✍️ Автор: Миләүшә Ягъфәрова

#Татмедиа #Әгерҗеинформ