Күһүҥҥү турукка куустардым...

🍁🍂🍂🍂➖🍁
🍂 Күнэ суох былыттаах сарсыарда
Көмүс өҥ баһыйар айылҕа
Чөчөгөй амтаннаах салгынын
Көбдөҕүм муҥунан тыынаммын,
Чуҥкунуур чуумпуну иһиллээн,
Күһүҥҥү турукка куустардым,
Чысхааннаах кыһыны аҕалар,
Киэҥ куйаар эргиирин манаатым...

🍂 Бөөлүүн түүн кыратык ардаабыт,
Бүгүн да күн көрбөт, былыттаах,
Күһүммүт күлүмэх айанын
Бытаардан, налыйбыт наскыйбыт,
Көйөргө кымыстыы туймаардар
Көмүс өҥ алыптаах эйгэтин
Күн сирин үрдүгэр ыыппытын
Көрөбүн, сөҕөбүн, таптыыбын...

🍂 Саһархай сэбирдэх тэлгэммит
Сымнаҕас ыллыгын батыһан,
Сылаабын таһааран сынньанар,
Сымнаҕас олоҕум киэһэтин
Сандаарар бу көмүс аартыгар,
Сиэдэрэй оһуордаах көбүөргэ
Сыдьаайар сылааска турабын...

Наталья Борисова - Атаскаан Кыыһа.
Хорообут.

20.09.2026

📸: Ааптар түһэриитэ.

@gazetaerkeii
@ulusmedia