Виталий Андросов төрөөбүтэ 75 сыла: «Миигин тоҕо ыллаппаккыт»
🎼Айылҕаттан ураты айдарыылаах, алмаас таас күлүмнүү кыыһар кырыыларыныы эргиччи талааннаах дьон баар буолаллар. Кинилэр сырдык суоллаах олохторун омооно кэннилэриттэн кэрэкэ кэпсээннэри, ылбаҕай ырыалары, махталынан сыдьаайар ахтыылары хаалларар уратылаах… Оннук бар дьоҥҥо ытыктанар үтүө киһиннэн мэдиссиинэ билимигэр, муусука ускуустубатыгар, саха норуотун уопсастыбаннай олоҕор дириҥ силистээх нэһилиэстибэни хаалларбыт учуонай, мелодист, норуот сүрэҕин туппут сахалыы ырыаны айааччы, суруналыыс СӨ култууратын үтүөлээх үлэһитэ Виталий Тимофеевич Андросов буолар.
🎵Талааннаах мелодист Иван Федосеев тылларыгар суруйбут «Туундара» ырыата тохсунньу томороон туманынан туналыта кууһар бытарҕан тымныылаах хотугу дойдубутун, хоһуун дьоммутун аан дойду таһымыгар ааттаппыта, чаҕылыччы тыгар чолбон сулустуу киэҥ түһүлгэҕэ дуораһыйан норуоттары сомоҕолообута.
❇️Дьону түмэр Хотой Айыы ыйа истээччи сүрэҕин туппут айымньылардаах мелодист Виталий Андросов төрөөбүтэ 75 сылыгар аналлаах айар түһүлгэлэртэн саҕаланна. Алтынньы 1 күнүгэр – Аан дойдутааҕы муусука туонатыгар кэккэлэһиннэрэ Өксөкүлээх Өлөксөй аатынан Норуоттар доҕордоһууларын дьиэтигэр «Миигин тоҕо ыллаппаккыт» Виталий Андросов айар суоллаах олоҕун ахтыы истиҥ-иһирэх тэрээһинэ ыытыллыбыта. Оттон бүгүн, алтынньы 4 күнүгэр, Дьокуускай куоракка «Сэргэлээх уоттара» култуура киинигэр «Алааһым арылы кустуга» ырыа дьоро киэһэтигэр ускуустуба маастардара, эстрада сулустара Виталий Андросов ылбаҕай ырыаларын дьиэрэччи ыллыахтара. Айар түһүлгэ туруорааччы режиссерунан РФ, СӨ култууратын үтүөлээх үлэһитэ Василий Винокуров – Кыталык Баһылай буолар.
Ахтыы киэһэлэрэ арыйаллар умнуллубат үтүө түгэннэри, сүрэҕи үөрдүбүт сүппэт өйдөбүллэри, хаһан да ааспат иэйиилэри… Виталий Андросов «Миигин тоҕо ыллаппаккыт» олоҕун, айар үлэтин ахтар-саныыр түһүлгэ улуустааҕы култуура салалтатын көҕүлээһининэн буолла. Өксөкүлээх Өлөксөй аатынан норуоттан доҕордоһууларын дьиэтин сахалыы тыыннаах көстүүнэй саалатыгар Виталий Тимофеевич чугас дьоно, мэдиссиинэ, билим, култуура эйгэлэригэр бииргэ үлэлээбит доҕотторо, айар үлэтин сүгүрүйээччилэрэ тоҕуоруһа муһуннулар. Бэлиэ күнү бэйиэт, уопсастыбанньык Ульяна Скрябина – Умсулҕан Хотун устар ууну сомоҕолуур уус-уран тылынан иилээн-саҕалаан ыытта.
Сиһилии⏪
@ulusmedia
@gazetaerkeii
🎼Айылҕаттан ураты айдарыылаах, алмаас таас күлүмнүү кыыһар кырыыларыныы эргиччи талааннаах дьон баар буолаллар. Кинилэр сырдык суоллаах олохторун омооно кэннилэриттэн кэрэкэ кэпсээннэри, ылбаҕай ырыалары, махталынан сыдьаайар ахтыылары хаалларар уратылаах… Оннук бар дьоҥҥо ытыктанар үтүө киһиннэн мэдиссиинэ билимигэр, муусука ускуустубатыгар, саха норуотун уопсастыбаннай олоҕор дириҥ силистээх нэһилиэстибэни хаалларбыт учуонай, мелодист, норуот сүрэҕин туппут сахалыы ырыаны айааччы, суруналыыс СӨ култууратын үтүөлээх үлэһитэ Виталий Тимофеевич Андросов буолар.
🎵Талааннаах мелодист Иван Федосеев тылларыгар суруйбут «Туундара» ырыата тохсунньу томороон туманынан туналыта кууһар бытарҕан тымныылаах хотугу дойдубутун, хоһуун дьоммутун аан дойду таһымыгар ааттаппыта, чаҕылыччы тыгар чолбон сулустуу киэҥ түһүлгэҕэ дуораһыйан норуоттары сомоҕолообута.
❇️Дьону түмэр Хотой Айыы ыйа истээччи сүрэҕин туппут айымньылардаах мелодист Виталий Андросов төрөөбүтэ 75 сылыгар аналлаах айар түһүлгэлэртэн саҕаланна. Алтынньы 1 күнүгэр – Аан дойдутааҕы муусука туонатыгар кэккэлэһиннэрэ Өксөкүлээх Өлөксөй аатынан Норуоттар доҕордоһууларын дьиэтигэр «Миигин тоҕо ыллаппаккыт» Виталий Андросов айар суоллаах олоҕун ахтыы истиҥ-иһирэх тэрээһинэ ыытыллыбыта. Оттон бүгүн, алтынньы 4 күнүгэр, Дьокуускай куоракка «Сэргэлээх уоттара» култуура киинигэр «Алааһым арылы кустуга» ырыа дьоро киэһэтигэр ускуустуба маастардара, эстрада сулустара Виталий Андросов ылбаҕай ырыаларын дьиэрэччи ыллыахтара. Айар түһүлгэ туруорааччы режиссерунан РФ, СӨ култууратын үтүөлээх үлэһитэ Василий Винокуров – Кыталык Баһылай буолар.
Ахтыы киэһэлэрэ арыйаллар умнуллубат үтүө түгэннэри, сүрэҕи үөрдүбүт сүппэт өйдөбүллэри, хаһан да ааспат иэйиилэри… Виталий Андросов «Миигин тоҕо ыллаппаккыт» олоҕун, айар үлэтин ахтар-саныыр түһүлгэ улуустааҕы култуура салалтатын көҕүлээһининэн буолла. Өксөкүлээх Өлөксөй аатынан норуоттан доҕордоһууларын дьиэтин сахалыы тыыннаах көстүүнэй саалатыгар Виталий Тимофеевич чугас дьоно, мэдиссиинэ, билим, култуура эйгэлэригэр бииргэ үлэлээбит доҕотторо, айар үлэтин сүгүрүйээччилэрэ тоҕуоруһа муһуннулар. Бэлиэ күнү бэйиэт, уопсастыбанньык Ульяна Скрябина – Умсулҕан Хотун устар ууну сомоҕолуур уус-уран тылынан иилээн-саҕалаан ыытта.
Сиһилии⏪
@ulusmedia
@gazetaerkeii