📌 "Башҡортса һүҙ уйыны" - бушлай онлайн-тренажёр эшләгәндәр!

Уны АйнаТекст проекты эшләгән. Уйын бик ябай - башҡортса һүҙҙе бирелгән 4 тармаҡтың ҡайһыһына мөнәсәбәтле булыуын билдәләргә кәрәк. Уны смартфонда йәки интерактив таҡтала уйнатыуы уңайлы.

💢 Уҡытыусы өсөн файҙаһы күп, ти эшләүселәр:
🔹 500-ҙән ашыу һүҙ һәм 90-ға яҡын тема («Ғаилә»нән алып «Башҡорт ырыуҙары» һәм «Башҡортостан райондары»на тиклем).
🔹 биш минутлыҡ уйын: дәрес башында телде асыу (разминка) йәки аҙағында теманы нығытыу өсөн шәп тренажер.
🔹 артыҡ мәшәҡәтһеҙ: күсереп алырға ла, теркәлергә лә кәрәкмәй, реклама ла юҡ.

"Дәрестәрҙә ҡулланығыҙ, ата-әсәләр чатына ебәрегеҙ һәм үҙегеҙ ҙә уйнап ҡарағыҙ! Һәр кимәл аҙағында дәртләндереүсе «Афарин!» 🎉 көтә",

- тип яҙған Рөстәм Нурыев.

📍 Уйнау өсөн һылтанма аша күсеү ҙә етә: https://aynatext.ru/games/bashkir-solitaire/