Фёдор Щукин мен бириншим тувра линия ноябрь айынынъ 25-нши куьнинде болаяк.
Регион етекшисине янынъыз суьйген соравларынъызды
VoprosGlaveRD.ru порталында, 8 (8722) 98-90-81 номерли телефон ман кызувлы линиясына тел согып, MAX мессенджеринде чат-бот аркалы бермеге боласыз.
📺 Тувра линияды «Дагестан» РГВК телеканалында яде болса, Фёдор Щукиннинъ «ВКонтакте» социаллык тармагында карамага болаяксыз.
Солай ок, «Россия 24», ННТ эм «Прибой-ТВ» каналларында да коьрсетилеек. «Страна Гор», «Радио России», «Ватан», «Диалог FM», «Прибой», «Европа Плюс», «Русское радио» эм «Звезда» радиотрансляция этееклер.
💬 «Сыйлы йолдаслар! Мен сизинъ белсенлигинъизди эм регион уьшин ян авырувынъызды коьрип келемен, сонынъ уьшин сизге сенемен. Биз биргелесип коьп маьселелерди шешип келемиз: регионымызда сув ман байланыслы болган баьле-каза калдыкларын тайдырув эм республикада, авыл ерлеринде маьнели проектлерди яшавга шыгарув.
Мен сизден терен маьнели эм салдарлы соравларды куьтемен», – деп язады Федор Щукин эртеректен.