Саха толкуйугар кырдьыыны сор-муҥ курдук көрбөттөр, төттөрүтүн, олоҕу чиэстээхтик олорон, күн өйгүн ыһыктыбакка дьон ортотугар сылдьарыҥ дьиҥнээх дьолунан ааҕаллар.

Эдэр эрдэҕинээҕиҥ курдук туолар-туолбат соруктары ситиһэ сатаан өрө мөхсүбэккэ, киһи бэйэтэ бэйэтин уонна тулалыыр эйгэни кытта эйэлэһэр, хас биирдии күнү сыаналыыр кэмэ буолар. Киһи олоҕун кэрдиис кэмнэрэ туспа кэрэлээх, кырдьыы дьоло – кэлэр көлүөнэҕэ үтүө үгэстэри, олох аһыытын-ньулуунун аһарынар ураты ньымалары тириэрдии буолар.

Кырдьыыны үөрэ-көтө, махтана көрсөр — бу улуу дьол. Ньурбатааҕы кырдьаҕастар дьиэлэригэр ураты ытыктабылга сылдьар дьоннордоохпут.

Кинилэр сэрии уонна сэрии кэннинээҕи ыарахан кэмнэргэ оҕо саастара ааспыт буолан, олоххо сыһыаннара олох ураты, муҥатыйан мунчаардыбаттар, үчүгэйи бэлиэтээн өрүү махталлаах дьон.

Аан дойдутааҕы аҕам саастаахтар күннэрин көрсө Ньурбатааҕы интернат-дьиэҕэ олорор аҕыс уон саастарын ааспыт бэтэрээннэргэ үс ыйытыгы биэрдибит: саха литературатын ханнык айымньытын кытта олоххун дьүөрэлии көрөҕүн; ытык сааска тиийии кистэлэҥэ; кэлэр көлүөнэ ыччакка баҕа санааҥ.

Сиһилии саайтка киирэн ааҕыҥ:
https://xn--90adptbcs3gya.xn--p1ai/duu%d2%bba-holkutujar-keme/

@hazetanyurba @ulusmedia