Бүгүн, балаҕан ыйын 30 к., Хаҥалас улууһун Чапаево сэлиэнньэтигэр «Норуоттар сомоҕолоһуулара – Уһук Илин уонна Арктика сайдыытын стратегията» IV Николаевскай пуорум саҕаланна. Тэрээһин Арассыыйа норуоттарын сомоҕолоһууларын сылын чэрчитинэн, СӨ Бастакы Бэрэсидьиэнэ Михаил Николаев сырдык кэриэһигэр ананан ыытыллар.
Саха сирин бары улуустарыттан, итиэннэ Москваттан, Карелияттан, Магадантан, Сахалинтан уонна Еврейскэй автономнай уокуруктан – барыта 100 бастыҥ эдэр лиидэр кытта сылдьар. Ол иһигэр улууспут дэлэгээссийэтин састаабыгар улуустааҕы култуура уонна ыччат бэлиитикэтин департаменын салайааччытын солбуйааччыта Ньургуйаана Николаева, Марха нэһилиэгин баһылыгын солбуйааччыта Анастасия Аммосова, Д.И.Павлов аатынан Өҥөлдьө орто оскуолатын дириэктэрин э.т. Саида-Куо Архан, Социалистическай Үлэ Дьоруойа М.Ф.Алексеев аатынан Өҥөлдьөтөөҕү «Сэргэ» НАДь үлэһитэ Александра Григорьева, К.Д.Уткин аатынан Норуоттар доҕордоһууларын түмэлин түмэл-үөрэхтээһин отделын сэбиэдиссэйэ Александра Иннокентьева уонна «Айти-куб» оҕону эбии үөрэхтээһин киинин үлэһитэ Мичил Игнатьев бааллар. Кинилэр бүгүн Михаил Ефимовичка сүгүрүйэн кини мэҥэ өйдөбүнньүгэр гирлянда уурдулар.
Пуорум кыттыылаахтарын 3 күннээх үлэ күүтэр: стратегическай сиэссийэ, федеральнай экспертэри кытта үлэ уонна «Росмолодежь. Гранты» граннар куонкурустарыгар бырайыактары көмүскээһин. Кыайыылаах бырайыактар федеральнай үбүлээһиҥҥэ тиксиэхтэрэ.
Пуорум сүрүн сиэссийэтигэр эдэр лиидэрдэр өрөспүүбүлүкэ салайааччыларын: СӨ Бырабыыталыстыбатын Бэрэссээдээтэлэ Кирилл Бычкову, Ил Түмэн Бэрэссэдээтэлин солбуйааччыта Афанасий Владимировы, Ил Түмэн сис кэмитиэтин бэрэссэдээтэлэ Георгий Балакшины кытта көрүстүлэр. Көрсүһүүнү СӨ Ил Дарханын уонна Бырабыыталыстыбатын Дьаһалтатын информационнай бэлиитикэҕэ департаменын салайааччыта Антон Васильев иилээн-саҕалаан ыытта.
Биир дойдулаахтарбытыгар эрэгийиэннэр икки ардыларынааҕы таһымнаах улахан тэрээһиҥҥэ ситиһиилээхтик кытталларыгар баҕарабыт!
Геннадий АНТОНОВ
@gszetanyurba @ulusmedia
Саха сирин бары улуустарыттан, итиэннэ Москваттан, Карелияттан, Магадантан, Сахалинтан уонна Еврейскэй автономнай уокуруктан – барыта 100 бастыҥ эдэр лиидэр кытта сылдьар. Ол иһигэр улууспут дэлэгээссийэтин састаабыгар улуустааҕы култуура уонна ыччат бэлиитикэтин департаменын салайааччытын солбуйааччыта Ньургуйаана Николаева, Марха нэһилиэгин баһылыгын солбуйааччыта Анастасия Аммосова, Д.И.Павлов аатынан Өҥөлдьө орто оскуолатын дириэктэрин э.т. Саида-Куо Архан, Социалистическай Үлэ Дьоруойа М.Ф.Алексеев аатынан Өҥөлдьөтөөҕү «Сэргэ» НАДь үлэһитэ Александра Григорьева, К.Д.Уткин аатынан Норуоттар доҕордоһууларын түмэлин түмэл-үөрэхтээһин отделын сэбиэдиссэйэ Александра Иннокентьева уонна «Айти-куб» оҕону эбии үөрэхтээһин киинин үлэһитэ Мичил Игнатьев бааллар. Кинилэр бүгүн Михаил Ефимовичка сүгүрүйэн кини мэҥэ өйдөбүнньүгэр гирлянда уурдулар.
Пуорум кыттыылаахтарын 3 күннээх үлэ күүтэр: стратегическай сиэссийэ, федеральнай экспертэри кытта үлэ уонна «Росмолодежь. Гранты» граннар куонкурустарыгар бырайыактары көмүскээһин. Кыайыылаах бырайыактар федеральнай үбүлээһиҥҥэ тиксиэхтэрэ.
Пуорум сүрүн сиэссийэтигэр эдэр лиидэрдэр өрөспүүбүлүкэ салайааччыларын: СӨ Бырабыыталыстыбатын Бэрэссээдээтэлэ Кирилл Бычкову, Ил Түмэн Бэрэссэдээтэлин солбуйааччыта Афанасий Владимировы, Ил Түмэн сис кэмитиэтин бэрэссэдээтэлэ Георгий Балакшины кытта көрүстүлэр. Көрсүһүүнү СӨ Ил Дарханын уонна Бырабыыталыстыбатын Дьаһалтатын информационнай бэлиитикэҕэ департаменын салайааччыта Антон Васильев иилээн-саҕалаан ыытта.
Биир дойдулаахтарбытыгар эрэгийиэннэр икки ардыларынааҕы таһымнаах улахан тэрээһиҥҥэ ситиһиилээхтик кытталларыгар баҕарабыт!
Геннадий АНТОНОВ
@gszetanyurba @ulusmedia