Ньурба улууһугар 2022 сыл  балаҕан ыйын  29 күнүгэр "Көмүскэл" диэн  анал байыаннай дьайыыга сылдьар байыастарга  көмө буолар сыаллаах иис сыаҕа тэриллибитэ. Уонна күн бүгүҥҥэ диэри тохтобула, өрөбүлэ суох  сыах тигинэччи  үлэлии-хамсыы турар. 

Ньурбатааҕы бизнес инкубатор аактабай саалатыгар иистэнэр массыыналар тыастара-уустара тохтообот. Хас күн ахсын манна  эбээлэр, ийэлэр түмсэннэр эйэ-дэмнээхтик иистэнэллэр.

Улуус дьаһалтатын пресс-сулууспата.