Авылымның таңнары.

Матур ата авылымда таңнар,
Кояш нурларына күмелеп.
Иртәнге чык тамчыларын эчеп,
Үлән үсә күзгә күренеп.

Кычкырыша башлый әтәчләре,
Уяныгыз инде, дигәндәй.
Әкрен генә көтү чыгып китә,
Яңа көнгә сәлам биргәндәй.

Чырык-чырык килеп чыркылдашып,
Җылы комда коена чыпчыклар.
Капка төпләренә әкренләп,
Җыелыша әби-карчыклар.

Авылдашлар тиз-тиз йөгерешә,
Алар шулай эшкә ашыга.
Хуҗаларын озатырга чыгып,
Песи менгән капка башына.

Чут-чут итеп кошлар суза җырын,
Моң таратып авыл өстенә.
Яңа көнгә зур өметләр биреп,
Күңелләрдән шатлык бөркелә.

Гүзәл Галимова.