Идэ устунан айан

А.Е.Мординов аатынан Таатта лицейин тохсус биоинженернай кылааһа Дьокуускай куоракка профтур сырытта. ХИФУ кылаабынай куорпуһугар баар факультеттарынан, ЕНК куорпуһугар сылдьан устудьуон үөрэнэр олоҕун суолунан хаамтылар. Ордук медицинскэй институтун анатомия кафедратын түмэлигэр лаппа үчүгэйдик сиһилии билистилэр. Үрдүк үөрэх кыһатыгар киирэргэ күүстээх бэлэм, үгүс литератураны ааҕыы булгуччулаахтык ирдэниллэрин өйдөөтүлэр. Медицинскэй үлэһит бастатан туран киһи туругун билиэхтээх, холкутук кэпсэтиэхтээх эбит. Укуолу, бастакы суһал көмөнү, сөпкө бэрэбээскэлиир ньымалары боруобалаан көрдүлэр. Ас буһарар уорганнар буортулаах астартан, аҥаардас паартаҕа көнөтүк олорботоххо, киһи этэ-сиинэ хайдах уларыйарын илэ харахтарынан көрдүлэр. Тыа хаһаайыстыбатын идэлэрин лабораторнай технологиятын наллаан көрдүлэр-иһиттилэр. Манна үөрэх сэттэ уон бырыһыанын дьиҥ олоххо сыһыаран үөрэтэллэрин кэрэхсээтилэр. Бу профтурбутугар выпускниктарбыт Миша Чашкин, Аина Никонова, Саша Герасимов үөрэх тэрилтэлэрин кытта көрсөргө сүрүн өйөбүл буоллулар. Айаммыт түмүгүнэн оҕолор ОГЭ-ҕа туттарар эксээмэннэрин, инники талбыт идэлэрин чопчулаатылар.

@Сандаара

@taattagazeta