УУС АЛДАН | МҮРҮ САҺАРҔАТА

Лөгөй нэһилиэгин Даалы бөһүөлэгэр "Үһүс саас оскуолатын" бастакы чуораана чугдаарда

🛎 Алтынньы 3 күнүгэр, Аҕам саастаахтар күннэрин бэлиэтии, алтан чуораан тыаһынан быйылгы үөрэх дьылын арыйыы үөрүүлээх тэрээһинэ буолла. Тэрээһиҥҥэ Варвара Заболоцкая "Эргэни туһаҕа таһаарыы" маастар кылааһы ыытта, оттон кулууп үлэһитэ Мотрена Борисова тарбахтары сайыннарар эрчиллиилэри көрдөрдө.

☕ Ол кэнниттэн итии чэйдээх остуол тула олорон, төһө да аҕыйах буолларбыт санаабытын үллэстэн, инники үлэни былааннаан астынан, сэргэхсийэн тарҕастыбыт.

✍️ Ирина Басыгысова, куратор

@uamurusahargata @ulusmedia

🎶🎵Арыы Тииттэн төрүттээх Аилита Алексеева “НОВЫЕ ГОЛОСА” ырыа куонкурсугар ситиһиилээхтик кытынна👏

Алтынньы 3 күнүгэр Дьокуускай куоракка Гагарин аатынан култуура уонна искусство киинигэр Милена Борисова ааптарскай бырайыагынан “НОВЫЕ ГОЛОСА” ырыа куонкурсун түмүк кэнсиэрэ буолан ааста.

Бу куонкуруска кыттарга өрөспүүбүлүкэбит араас муннугуттан 250 сайаапка киирбит, 80 киһи талыллан түһүмэхтэри ааспыт уонна түмүккэ 20 ырыаһыт талыллан бастыңы быһаардылар.

Дьүүллүүр сүбэ5э СӨ норуодунай артыыһа Алексей Егоров, ырыаһыттар Умсуура, Галина Виноград, продюсер Антон Иванов уонна бырайыак ааптара Милена Борисова үлэлээтилэр.

Кыттааччылар бииртэн биир сонун, чаҕылхай туруоруулардаах нүөмэрдэри көрдөрдүлэр.

Биһиги улуустан бу куонкурус түмүктүүр түһүмэҕэр Арыы Тииттэн төрүттээх Аилита Алексеева ситиһиилээхтик кытынна.

Киниэхэ улууспут, төрөөбүт нэһилиэгин дьонун-сэргэтин аатыттан эҕэрдэбитин тиэртибит уонна биир дойдулаахпыт, СӨ култууратын үтүөлээх үлэһитэ, “Дуораан рекордс” студия салайааччыта Петр Семенович Петров-Бүөккэ Бөтүрүөп олохтообут бирииһин туттардыбыт.

Аилита горнай инженер идэлээх, 3 оҕо күн күбэй ийэтэ, тапталлаах кэргэн, оҕо эрдэ5иттэн ыллыырын сөбүлүүр.

Аилитаҕа ырыа ыллыгар өссө үрдүк ситиһиилэри баҕарабыт!!!
Куонкурус муңутуур кыайыылаа5ынан Таатта улууһуттан Мария Кузьмина буолла.

Улуустааҕы культура управлениета

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

👍 I Өспөх нэһилиэгин, Уһун Күөл бөһүөлэгэр сааһырбыттар декадалара спортивнай тэрээһининэн арылынна.

🎊 Үөрүүлээх түгэҥҥэ нэһилиэк баһылыгын солбуйааччыта Дусиван Жирков, "Аал уот" түмсүү председателэ Дария Сивцева, "Үһүс саас оскуола" салайааччыта Анна Васильева эҕэрдэлээтилэр. Музыка учуутала Андрей Никитин, оскуола оҕолоро музыкальнай эҕэрдэлэринэн күндүлээтилэр.

🛎 Салгыы "Үһүс саас оскуола" үөрэнээччилэрэ Флэшмоб киэбинэн үҥкүүлээн, саҥа үөрэх дьылын арыйарбыт бэлиэтин алтан чуорааммытын чугдаарда лыҥкынаттыбыт. Ону тэҥэ "Үһүс үгэспит быһыытынан саламаат оҥорон көрдөрдүбүт, бар дьоммутун айах туттубут.

🎯 Ол кэннэ икки хамаандаҕа арахсан дартска уонна хабылыкка күрэхтэстибит.

Итиэннэ түмэл үлэһитэ Мариянна Алексеева нэһилиэк түмэлигэр саҥа киирбит экспонаттары билиһиннэрдэ.

✍Анна Васильева, улуустааҕы "Үһүс саас оскуола" Уһун Күөллээҕи филиалын салайааччыта

@uamurusahargata @ulusmedia

🪗 Россияҕа Култуура сылынан, Найахы кулуубугар өр сылларга дириэктэринэн үлэлээн, хоровой ускуустуба, култуура сайдыытыгар сүҥкэн кылаатын киллэрбит Илья Иванович Артамонов төрөөбүтэ 100 сылыгар аналлаах "Дойдуга махтал" диэн дьоро киэһэ Найахы олохтоохторун түмтэ.

📚Бибилэтиэкэр Айталина Готовцева, сынньалаҥ киинин уус-уран салайааччыта Анисия Гаврильева уонна оскуола үөрэнээччилэрэ Илья Ивановичка анаммыт дириҥ ис хоһоонноох быыстапканы кэпсээтилэр.

🎤 Киэҥ программалаах кэнсиэргэ Александра Трофимова, Станислав Луковцев дьүрүһүтэр музыкаларын, Дмитрий Готовцев, Александр Ушницкай, Евдокия Фомина, Наталья Бочкарева, Степанида Антонова ылбаҕай ырыаларын, артыыстар Матрена Готовцева, Мария Лебедкина, Михаил Яковлев, Евдокия Фомина, Дьулустан Гаврильев көрүдьүөс сценкаларын, Мария Лебедкина балтынаан Алена Гаврильевалыын уонна кэрэчээн кыргыттара Наталья Лебедкина, Анастасия Соловьева имигэс үҥкүүлэрин дохсун ытыс тыаһынан астына көрдүбүт.

👏 Найахыбыт талааннаах култуура ветераннарыгар, үлэһиттэригэр айар үлэҕитигэр ситиһиини, бар дьоҥҥо кэрэни-сырдыгы бэлэхтии, үйэлээҕи үксэтэ туруҥ, айа-тута үлэлээҥ, этэҥҥэ буолуҥ!

✍️ Светлана Петрова, бэтэрээн учуутал, Найахы

@uamurusahargata @ulusmedia

Иискэ дьолу булбут Любовь Саввина

Олох хаамыытынан сааһырыы, кырдьыы сааһа – кырдьар сааска тиийэр, толору олоҕу билэр дьылҕалаах дьоллоох дьоҥҥо кэлэр!
Оттон хас биирдии кырдьыы боруогар чугаһаабыт киһи кыраһыабайдык, сэнэхтик кырдьар баҕа санаалаах. Төһөнөн элбэх киһини кытта кэпсэтэҕин, төһө кинилэри кытта алтыһаҕын да, кырдьыбат буолуу кистэлэҥэр биир суол баарын өйдүүгүн – ол кырдьар сааскар олоҕу оҕолуу таптыырыҥ буолар.

Эн кэннигэр олоххун төһөлөөх да буурҕа-силлиэ ытыйбыт буоллун – күн сирэ эйиэхэ күндү буолуохтаах. Оттон ол олоххо таптал барыта дьарыктаах булуугар түмүллэр. Дьарыктаах буоллаххына, күн-дьыл былдьаһык, дьону кытта алтыһаҕын, бэйэҕин сыаналыыгын, таптыыгын уонна иннигэр куруук туох эрэ умсугута угуйар!

Итинник санаалаах, улууспутугар сааһырбыттар декадаларын чэрчитинэн, ити курдук умсугутуулаах дьарыктаах дьонтон биирдэстэрэ, биир тарбахха баттанар актыбыыс, “Үһүс саас оскуолатын” педагог-волонтера, “Мүрү нэһилиэгин сайдыытыгар кылаатын иһин” бэлиэ хаһаайына, Уус Алдан норуотун маастара Любовь Саввиналыын кэпсэтиибэр ыҥырабын.

✍️Мария Аргунова

Сиһилии ↩️

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

Алтынньы 2 күнүгэр Бороҕон нэһилиэгэ Тумул бөһүөлэгэр "Түмсүү" норуот айымньытын киинигэр, култуура үлэһиттэрин көҕүлээһиннэринэн "Олоҕум көмүс күһүнэ" республикаҕа Култуура уонна дойдуга Норуоттар сомоҕолоһууларын сылларыгар анаммыт Аҕам саастаахтар күннэрэ буолла.

Тэрээһин үөрүүлээх чааһыгар социальнай үлэһит Анна Парникова , "Аал уот" кырдьаҕастар түмсүүлэрин салайааччыта Петр Черкашин аҕам саастаахтары эҕэрдэлээн туран, 80 сааһын бэлиэтээбит ытык кырдьаҕас Мария Афанасьевна Габышеваҕа өйдөбүнньүк бэлэҕи туттарда.

"Көмүлүөк" үһүс саас оскуола салайааччыта, бибилэтиэкэр Светлана Прудецкая истиҥ эҕэрдэтин тиэрдэн туран, "Култуура духуобунас сайдыыта" - кинигэ быыстапкатын сырдатта, биктэриинэ оонньотто. Кыайыылаахтар Акулина Сокольникова, Василий Новоприезжай ааттанан анал бириистэринэн бэлиэтэннилэр.

Бу күн үгэс быһыытынан
"Көмүлүөк" үһүс саас оскуола үөрэх дьылын арыйар алтан чуорааннара лыҥкыныы тыаһаата.

Салгыы, литературнай ааҕыыга, айар куттаах биир дойдулаахтарбыт Александра Гаврильева, Евгения Габышева хоһуйбут хоһооннорун Акулина Сокольникова хомоҕойдук ааҕан иһитиннэрдэ.
Норуоттар сомоҕолоһууларын сылынан култуура үлэһиттэрэ аҕам саастаахтарга интэриэһинэй күрэстэри ыыттылар. Ол курдук араас дойду норуоттарын бүлүүдэлэригэр, таҥастарыгар, ону таһынан көрдөөх оонньууларга, сэбиэскэй кэминээҕи үҥкүүлэри, ырыаһыттары, ырыалары таайыыга көхтөөх оонньуу таҕыста.

Итии чэйдээх, минньигэс астаах сандалы тула олорон, санаа атастастыбыт. Күрэс кыайыылаахтарыгар бириистэри туттардыбыт. Күһүҥҥү фотозонаҕа өйдөбүнньүк хаартыскаҕа түһүү, култуура үлэһиттэрин эҕэрдэ нүөмэрдэрэ тэрээһини киэргэттилэр. Аҕам саастаахтар тэрээһинтэн астынан-дуоһуйан тарҕастылар.

✍️Светлана Прудецкая, общ.корр. Тумул.

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

#билиэнкөрүөнбаҕалаахтарга

🌐Алтынньы 4 күнэ — Арассыыйаҕа электроннай промышленность үлэһитин күнэ

Бу микроэлектрониканы, процессордары уонна үрдүк технологиялаах компоненнары айар дьон идэлээх күннэрэ.

📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

📆 Алтынньы 4 күнэ. Өрөбүл күн

‎🌤️ Бүгүн сарсыарда 6 чааска Бороҕоҥҥо 5 кыраадыс тымныы буолбут. Күнүс 0 кыраадыс.
‎
‎☀️Соҕуруулуу арҕааттан сөкүүндэҕэ 2-3 м түргэннээхтик үрэр тыаллаах, былыттаах, киэһэнэн силбиктээх күн.
‎
‎📸 Афанасий Мигалкин, Дьокуускай

‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

Бүтүн Арассыыйатааҕы “Миссис Фехтование” куонкуруска
биһиги кыыспыт инники күөҥҥэ!

Ефросиния Волынкина (Вензель) – Уус Алдан улууһун Танда сэлиэнньэтиттэн төрүттээх. ХИФУ физкультура институтун бүтэрэн баран, Новосибирскайынан, Москубанан эбии үөрэхтээһини ааһан Саха сиригэр, Дьокуускайга биир сэдэх спорт көрүҥүнэн, фехтование тренеринэн 2018 сылтан үлэлиир.

Быйыл Арассыыйатааҕы фехтование Федерациятыттан эрийэн күрэххэ кытын диэбиттэригэр бастаан утаа сөбүлэспэтэх эбит.

Ефросиния Волынкина:

- Бүтүн Арассыыйатааҕы куонкурус буолан олус долгуйбутум. Бары спортсменкалар кытталлар, ол иһин спортивнай тыын, күрэхтэһии баар буолуо диэн эмиэ толло санаабытым даҕаны, олох оннук буолбатах эбит, бары бэйэ-бэйэбитин өйөһөн, куонкурус үрдүк таһымҥа ыытыллан, өрө көтөҕүллээхтик ааста. “Миссис Фехтование” диэн титул иһин Арассыыйа араас регионуттан 20 кыыс кыттыбыта, ол иһиттэн 4 финалиһы талбыттара, миигин ааттаабыттарыгар бастаан утаа итэҕэйбэтэҕим. “Көрөөччү биһирэбилин бирииһэ” диэҥҥэ куоластааһын саҕаламмытыгар Сахам сириттэн күүстээх өйөбүл кэлэн, ити анал аакка тигистим! Куонкурус биир түһүмэҕэр талларбыттара – олорор куораккар сүрүн туох сайдыы баарын көрдөрөр эбэтэр национальнай көстүүмү кэтэн хаамыахтаах этибит. Мин национальнай көстүүмү талбытым уонна “Хотой” бреҥҥэ үлэлиир Сүбэ Чэлгийэ оҥорон таһаарбыт сахалыы таҥаһын кэтэн дьүүллүүр сүбэни сөхтөрбүтүм. “Уаай!” диэтэхтэрин аайы долгуйуум ааһан сирэйбэр мичээрим биллэн барбыта. Муода көрдөрүү судургу курдук эрээри, хас биирдии хардыы улахан үөрэҕи ирдиир эбит, олус ыарахан. Бары спортсменкаларбыт, бары кэрэлэр, олор истэригэр биһиги сахалар хаалсыбат эбиппин диэн бигэ эрэллэнним.

Куонкурус түмүгүнэн Ефросиния “Көрөөччү биһирэбилин бирииһэ” анал ааты ылан кыайыы кынаттанна. Кыыспытыгар фехтование диэн Саха сиригэр сэдэх көрүҥү сайыннара сылдьар үлэтигэр ситиһиини!

✍️ Анатолий Кириллин

📸 Ефросиния Волынкина хаартыскалары тиксэрдэ

📲Мах-каналбытыгар сурут
⬇️
https://max.ru/channel_ua_murusahargata

https://мюрюгазета.рф/

✅ @uamurusahargata @ulusmedia

Байыаннай оскуолаҕа үөрэммит уус алданнар

1926 сылтан 1941 сылга диэри үлэлии сылдьыбыт национальнай байыаннай оскуолаҕа үөрэммит Уус Алдан уолаттарын туһунан сырдатыыбытын салгыыбыт. Бүтэһигин “Мүрү саһарҕата” хаһыат атырдьах ыйын 14 күнүгэр тахсыбыт балаһаҕа Бэрт Ууһа уонна Курбуһах нэһилиэктэриттэн баран үөрэммит курсааннары билиһиннэрбиппит. Бүгүҥҥү нүөмэргэ I Хоро, II Байаҕантай, Баатаҕай, Бороҕон уонна Хоро нэһилиэктэриттэн үөрэммит курсааннар туһунан сырдатыахха.

Матырыйаалы улуустааҕы Сэһэн Ардьакыап аатынан түмэл экскурсовода Айаал Бурцев бэлэмнээбитэ. Санатан эттэххэ, испииһэккэ киирбит дьон ахсаана толору уонна чопчу диэн этэр табыллыбат, кэлин өссө архыып көстөн кэлэн ким эмит эбиллиэн сөп.

✍️ Анатолий Кириллин

СИҺИЛИИ ↩️

📲Мах-каналбытыгар сурут
⬇️
https://max.ru/channel_ua_murusahargata

https://мюрюгазета.рф/

✅ @uamurusahargata @ulusmedia

Учуутал күнүн көрсө

Быйыл Дмитрий Васильев – Очинскай төрөөбүтэ 120 сылын туолар

Үөрэх салаата сайдарыгар олоҕун анаабыт үтүө киһи аата умнуллуо, сүтүө суохтаах.

Уус Алдан оройуонун үөрэҕириитигэр 1931-1958 сылларга үлэлиир кэмигэр үөрэхтээһиҥҥэ улахан кылааты киллэрбит, Орто Эбэ, Мүрү, Дүпсүн, Суотту ситэтэ суох орто оскуолаларыгар, 1942 сыл сэтинньититтэн 1951 сыл балаҕан ыйыгар диэри, төхтүрүйэн кэлэн 1953-1956 сс. норуот үөрэҕириитин салаатын (РОНО) сэбиэдиссэйинэн, кэлин 1956-1958 сылларга Мүрү орто оскуолатыгар саха тылын уонна литэрэтиирэтин учууталынан үлэлээбит кылгас кэмигэр саха оҕолоро тылы баһылыылларыгар, сөпкө саҥарар, суруйар  дьоҕурдарын сайыннарыыга  Дмитрий Иванович Васильев – Очинскай ураты суолу-ииһи хаалларар гына үлэлээн ааспыта.

✍️Елена Сыроватская, уоспас.кэрэсп.

Сиһилии ↩️

📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

💐Быйыл республикаҕа оҕо библиотеката тэриллибитэ 85 сылынан ыытыллыбыт “Республикаҕа оҕо библиотекатын бастыҥ үлэһитэ” күрэскэ улуустааҕы оҕо библиотекатын кылаабынай библиотекара Надежда Васильевна Гоголева кыайыылаах тахсан 1-кы миэстэ буолла уонна “Уопсастыбаннай билинии” анал аатынан бэлиэтэннэ.

Кинини тэҥэ улуустааҕы оҕо библиотекатын сэбиэдиссэйэ Вера Алексеевна Портнягина “СӨ библиотечнай тиһигин сайдыытыгар кылаатын иһин” анал бэлиэни тутта. Үүнэр көлүөнэ сайдыытыгар кылааттарын киллэрэн, айымньылаахтык үлэлии сылдьар биир дойдулаахтарбытыгар үрдүк ситиһиилэринэн эҕэрдэ!

📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

Япония Нагоя куоратыгар ХХ төгүлүн ыытылла турар "Азия оонньууларыгар" биир дойдулаахпыт Уйбаан Белолюбскай уола көҥүл тустууга 57 киилэ ыйааһыннаахтарга кытта сылдьар. Айаал Белолюбскай кэриэй бөҕөһүн Ким Сунг Гвоны кыайан полуфиналга таҕыста! Хомойуох иһин, аһаҕас биэриигэ тустууну көрдөрбөтүлэр, ол эрээри 6:2 ахсааҥҥа эрэллээхтик кыайда дэстилэр.

Салгыы ыйааһыҥҥа 4 буолан хааллылар. Айаал 13.14 чааска миэстэҕэ тиксэр иһин тустуоҕа.

Тустуу биэриитэ бу сигэлэринэн көстө турар:
📱ВК: https://vk.com/iron_collection_sport

📱ТЕЛЕГРАМ: https://t.me/iron_sport_tula

📱ЧАТ ТЕЛЕГРАМ: https://t.me/+nTruGRcMsnwxMmEy

📱Чат Ватсап: https://chat.whatsapp.com/HbOmRtfTJBL6C83pLcDpbQ?mode=gi_t

Артем Матвеев Москваҕа урбаанньыттар слеттарыгар кыттыаҕа

Доруобуйатын туругунан хаампат, 22 саастаах Артем Матвеев балаҕан ыйын 22-26 күннэригэр доруобуйаларынан хааччахтаах урбаанньыттарга уонна биирдиилээн дьоҥҥо аналлаах, Дьокуускайга буолбут "Инвастартап: Якутия" слет эригийиэннээҕи түһүмэҕэр, "Бизнес-экспо" күрэскэ ийэтинээн оҥорбут хас да бизнес-былааны көмүскээтэ.

Ол түмүгэр "Дьиэ кэргэн бастыҥ бырайыага" хайысхаҕа кыайыылаах тахсан, 30 тыһыынча солк. харчынан, төлөпүөнүнэн наҕараадаланна уонна эһиил Москваҕа ыытыллар урбаанньыт, бэйэ дьарыктаах дьон слеттарыгар кыттар чиэскэ тигистэ.

Артем ийэтэ Оксана Протопопова:

- Улуустааҕы инбэлииттэр уопсастыбаларын бэрэссэдээтэлэ Елизавета Васильева көҕүлээн икки күннээх улахан тэрээһин форумугар кыттан элбэҕи билэн-көрөн кэллибит. Бизнес-план суруйуутугар биһирэнэн, ситиһиилэнэн үөрүүбүт муҥура суох. Түгэнинэн туһанан улууспут аҕа баһылыгар Василий Петровичка уонна социальнай управление суоппарыгар Юрий Румянцевка, Елизавета Николаевнаҕа барҕа махталбытын тиэрдэбит"

Ону сэргэ бу күрэс быыстапка-дьаарбаҥкатыгар биһиги улуустан көрбөттөр-истибэттэр уопсастыбаларын бэрэссэдээтэлэ Ирина Басыгысова салайааччылаах Уус Алдан норуотун маастара Любовь Саввина уонна Зоя Петрова кытыннылар.

Любовь Николаевна быыстапкалыыр остуолун киэргэтэн тэрийиитин иһин кэрэхсэнэн, "Лучшее оформление" анал аакка тиксэн, 20 тыһыынча солк. суумалаах сертификатынан бэлиэтэннэ.

Салгыы күрэс туһунан улуустааҕы инбэлииттэр уопсастыбаларын бэрэссэдээтэлэ Елизавета Васильева маннык эттэ:

- Наһаа улахан таһымнаах, сэргэх тэрээһиҥҥэ ситиһиилээхтик кыттан үөрэн-көтөн кэллибит. Икки күннээх тренинг үөрэхтээһиҥҥэ сылдьан инбэлиит дьон бэйэ дьыалатын арыналларыгар элбэх кыах, хайысха, өйөбүл баарын биллибит. Республикабыт араас муннуктарыттан кэлбит интэриэһинэй дьарыктаах, идеялаах дьону кытта билистибит, санааларын иһиттибит. Маннык тэрээһиҥҥэ кыттыбыппыт наһаа туһалаах буолла. Тэрээһиҥҥэ кэлиибитин- барыыбытын өйөөн, массыына биэрэн ыыппыт улууспут баһылыга Василий Алексеевка, улуустааҕы нэһилиэнньэ көмүскэллээх буолуутун биир кэлим киинин салайааччыта Иннокентий Сергеевка, тэрээһин устата олох тэбис-тэҥҥэ көтөхсөн, тиэйсэ сылдьыбыт суоппарбытыгар Юрий Румянцевка улахан махталбытын тиэрдэбит. Бу курдук өрүү түмсүүлээх буолуохха!

✍️Мария Аргунова

📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia