МБДОУ "Детский сад "Колосок"

🌾Көмүс күһүн күлүмүрдээн уйгу-быйаҥ арыалланан ситэн-хотон турар кэмэ.
Алтынньы ый 6 күнүгэр уһуйааммытыгар "Көмүс күһүн" тэрээһин чэрчитинэн, ас-үөл дьаарбаҥката тэриллиннэ. 🍁🍂🍄‍🟫🫑🥕
Саала иһэ минньигэс ас сытынан дыргыйда. Төрөппүттэр олус бэрткэ кыһаллан бэлэмнэммиттэр, атыы-тутуу дьаарбаҥката бэрт көхтөөхтүк буолан ааста. 😊Дьаарбаҥкаҕа кэлбит дьон-сэргэ, киэһээҥҥи аһылыктарыгар баай астаах остуолунан дьиэ-кэргэттэрин күндүлээри хамаҕатык атыыластылар.
Бу атыыттан киирбит үптэрин бөлөх иһинэн ыытыллар тэрээһиннэригэр оҕолорго анаан туттуохтара.
Түгэнинэн туһанан, күндү төрөппүттэрбитигэр көхтөөх кыттыыгыт иһин, уһуйаан аатыттан махталбытын тириэрдэбит.🥰🙌🏻

🔆Аммаҕа "Оскуола иннинээҕи үөрэхтээһин" тэрилтэлэригэр, сылын ахсын ыытыллар "Волна успеха-2026" диэн улуустааҕы бэстибээл буолан ааста.🙌🏻
Бэстибээлгэ бастыҥ үлэлээх педагогтары уонна уһуйаан үлэһиттэрин чиэстээтилэр, улуус уонна республика наҕараадаларын туттардылар.
Маны таһынан, иитээччилэр уонна уһуйаан үлэһиттэрин айар-тутар дьоҕурдарын арыйар быыстапка "Хобби-фест" турда.
💃🏻Салҕыы, ырыа, үҥкүү күрэҕэр Сомоҕолоһуу уонна Оскуола иннинээҕи үөрэхтээһин сылыгар анаан, араас норуот үҥкүүтүн көрдөрдүлэр.
Ол курдук биһиги уһуйааммыт иитээччилэрэ М. М. Баишева уонна С. Я. Березкина "Лучший сценический образ" номинация хаһаайыттара буоллулар.
Онтон "Хобби фест" быыстапкаҕа биһиги уһуйаантан 9 үлэһит кыттыыны ылан, туоһу сурук ыллылар, тарбаҕар талааннаах, Г.Г. Никифоров маһынан уһанар үлэтэ, сөбүлүүр дьарыга "От идеи до предмета" уонна МБДОУ "Колосок" "Педагогическая ценность" коллективная работа "Кукла народов мира" диэн төрөппүттэрбит үлэлэрэ номинациялары ылары ситистилэр.
Бары ситиһиилээх, көхтөөх кыттыыны ылбыт дьоммутугар, төрөппүттэрбитигэр муҥура суох махтанабыт. 💐
Күндү төрөппүттэрбит! Эһиги оҥорбут үлэҕитин хас быыстапканы сэргии кэлбит дьон барыта көрүү-сөҕүү буоллулар, бары норуот түмсүүтүн көрдөрөр уопсай "Народы мира" үлэбитин үрдүктүк сыаналаатылар, онон инникитин даҕаны маннык таһаарыылаах үлэ үксүү турдун, ситиһии кэлэ турдун🫶🏻👏🏻👏🏻👏🏻👏🏻👏🏻

🔅Балаҕан ыйын 27 күнэ-Саха Өрөспүүбүлүкэтин Судаарыстыбаннаһын күнэ!
Бу бэлиэ күнү көрсө, уһуйааммытыгар үөрүүлээх линейка буолан ааста.
Линейкабыт Сахабыт Өрөспүүбүлүкэтин өрөгөй ырыатын, бары бииргэ мунньустан ыллааһынынан арылынна. Онтон бэлэмнэнии бөлөх оҕолоро Березкин Айсар, Егорова Мичийэ, Охлопкова Миранда Саха Сирин былааҕын тутан линейкаҕа хааман киирдилэр.
Ону таһынан, линейкабыт кэннэ Чуораанчык уонна Ньургуһун улахан,бэлэмнэнии бөлөх оҕолоругар иитээччилэр Өрөспүүбүлүкэ Судаарыстыбаннаһын туһунан бэсиэдэлэри, толкуйдатар оонньуулары ыыттылар.
Бу дьоро күн оҕолорбутугар төрөөбүт дойдуларын, култууратын уонна үгэстэрин ытыктыырга иитэр сыаллаах бэлиэтээтибит.
Сахабыт Сирэ үүнэ-сайда, чэлгийэ турдун!🙌🏻👏🏻👏🏻👏🏻👏🏻

🌈 «Оҕо көмүскэлин күнүнэн» 🌸

🌞Үтүө-мааны күҥҥүтүнэн оҕолорбутун эһигини бырааһынньыккытынан итиитик-истиҥник эҕэрдэлиибит!🌈🌸🌼🌺
…Бу баардыы саныыбыт
Кып-кырачааннар кэлбит күннэрин,
Оҕуруолуу сүүрэр харах-ууларын
Сүүс араас ыйытыыны.
Күн аайы кинилэргэ ыксыырбыт,
Дууһалыын сүрэхтиин иэйэммит.

Онтон бүгүн олус долгуйа,
Эһиги ойор-тэбэр күннээх оҕо сааскыт дьиэтиттэн арахсан,билии-көрүү аартыгар-оскуола дьиэтигэр маҥнайгы кылааска киириэххит.Онно баран элбэх билиини-көрүүнү,саҥаны-кэрэни сомсон ылан үөрэхтээх дьон буоларгытын баҕарабыт!Үөрэх аартыгар дьоллоох айаны баҕарабыт!👏🏻👏🏻👏🏻👏🏻🥰

🌼🌞🪷🌿Ыам ыйын 26 күнүгэр Колосок уһуйааммытыгар "Оҕо көмүскэлин күнүн" көрсө,Самаан сайын салаллан кэлбитин уруйдуу🌷 "Оҕо ыһыаҕын" 🌱үөрүүлээх быһыыга-майгыга тэрийдибит.
Маннык үтүө куҥҥэ, самаан сайыммыт салаллан кэлбитинэн бары бөлөх оҕолоро, уһуйааммыт иитээччилэрэ,үлэһиттэрэ уйгу- быйаҥ ыһыаҕынан эҕэрдэлээн ыллам ырыа ыллаатылар, үнкүү үҥкүүлээн кэнсиэр тэрийдилэр.🤩
Тэрээһиммит түмүгэр бары күргүөмүнэн илиилэртэн ылсыһан, оһуохайдаан ыллаатыбыт,үҥкүүлээн дуоһуйдубут.☺️
Ол кэннэ,оҕолор бары бииргэ түһүлгэлээн олорон, уруҥ тунах ыһыахпыт маанылаах,амтаннаах сахалыы астарын аһаатылар. 🧇🫕🥛
Салҕыы, "Чуораанчык" уонна "Ньургуһун" улахан бөлөх уолан уолаттара, кыталык кыргыттара күөн көрсөн күрэхтэстилэр. 🥇🥈🥉Оҕолорго "Сыал быраҕыы", "Ырааҕы ыстаныы", "Сүүрүү", "Мас тардыһыы" өбүгэлэрбит төрүт оонньууларын оонньоттубут.
Түмүккэ: "Ньургуһун" бэлэмнэнии бөлөх оҕолоругар. "Сыал быраҕыы" кыргыттарга
1 миэстэ-Егорова Мичийэ,
2 миэстэ-Саввина Таня. Уолаттарга 1 миэстэ-Филиппов Арылхан, 2 миэстэ-Пермяков Айаал.
"Ырааҕы ыстаныы" кыргыттарга 1 миэстэ-Кривошапкина Валерия,
2 миэстэ- Баишева Ангелия. Уолаттарга 1 миэстэ- Ефремов Коля, 2 миэстэ- Никитин Витя.
"Сүүрүү" кыргыттарга 1 миэстэ- Филиппова Күбэйэ, 2 миэстэ- Романова Алианна,
3 миэстэ-Саввина Таня. Уолатттарга 1 миэстэ- Пермяков Айаал, 2 миэстэ- Ефремов Коля.
"Мас тардыһыы" 1 миэстэ- Пермяков Айаал,Ефремов Коля
2 миэстэ- Филиппов Арылхан, Никитин Витя.
"Чуораанчык" улахан бөлөх оҕолоругар.
"Сыал быраҕыы" 1 миэстэ- Ефремов Байдам,
2 миэстэ-Осипов Эрхан.
"Ырааҕы ыстаныы" кыргыттарга 1 миэстэ- Кузьмина Динара,
2 миэстэ- Иванова Айыллаана, 3 миэстэ- Филиппова Алита.
Уолаттарга 1 миэстэ-Березкин Айсаар, 2 миэстэ-Филиппов Антон, 3 миэстэ-Степанов Эрэл.
"Сүүрүү" кыргыттарга 1 миэстэ- Кузьмина Динара, 2 миэстэ- Иванова Айыллаана, 3 миэстэ- Филиппова Алита. Уолаттарга 1 миэстэ- Филиппов Антон, 2 миэстэ- Софронов Ньургун.
"Мас тардыһыы" 1 миэстэ- Березкин Айсаар, 2 миэстэ- Степанов Эрэл, 3 миэстэ- Пермяков Айаал буоллулар.👏🏻👏🏻👏🏻👏🏻👏🏻
Кыайыылаахтарга уонна бары кыттыбыт оҕолорго грамоталары туттардылар.
Күндү кэнчээри ыччаттарбыт,инники кэскиллэрбит дьоһун дьон буола улаатын. Эһиги үрдүгүтүгэр куруутун сырдык күн сыдьаайа тыктын. Сайын устата дуоһуйа сынньанан,үөрэн-көтөн,оонньоон-көрүлээн,күүс-уохта ылынаарын.🌺🌸🌼🪷🌞🌈✨