Аҕалар түмсүүлэрин салайааччыта Фомин А.К. Сулҕаччы историятын үөрэтэр сыаллаах нэһилиэк оскуолаларын оҕолорун илдьэ «Тимир умаппыт” диэн сиргэ экспедицияҕа баран кэллилэр. Биһиги оскуолаттан 8 кылаас үөрэнээччилэрэ, физкультура учуутала Сутаков С.П. барса сырыттылар. Экспедиция сүрүн сыала – былыр “Тимир умаппыт” диэн сиргэ тимир уһаарыллыбыта диэн сабаҕалааһыны бигэргэтии. Экспедиция кыттыылаахтара тиийэн сиэри туому тутуһан группаларынан арахсан сири үөрэттилэр. Дьаныардаахтык күн аҥаара чинчийэн оһохтор оннуларын булан тимир уустара олоро сылдьыбыттар уонна тимир уһаарбыттар эбит диэн түмүккэ кэллилэр. Онон сүрдээх интэриэһинэй уонна бары өттүнэн туһалаах, таһаарыылаах сырыы буолла. Альберт Константиновичка махтанабыт оҕолор бары өттүнэн сайдалларыгар көмө, сүбэ буола сылдьарыгар.

#НавигаторыДетства #СоветОтцов #Экспедиция #ЕдиныйДеньКраеведческихЭкскурсий