Амма улууһун олохтоохторо!
Бүгүн Саха Сирин Өрөспүүбүлүкэтин Төрүт сокуонугар киирэр уларыйыылар туһунан киэҥник дьүүллэһии бара турар. Дьон-сэргэ бу боппуруоска араас санааларын этэллэр, көрүүлэрин үллэстэллэр. Көрүллэр барылга этиллэринэн, Ил Дархан үлэлиир болдьоҕун «икки болдьохтон ордук буолуо суохтаах» диэн хааччахтыыр нуорманы Төрүт сокуонтан устуу былааннанар.
Бу уларытыы Саха Өрөспүүбүлүкэтин Ил Дарханын дуоһунаска иккиттэн элбэх төгүлүн талыллыытын хааччаҕын көтүрэрин туһунан этиини киллэрэр. Федеральнай сокуон 2021 сыллаахха субъеқтарга бэйэлэрэ быһаарар быраабын биэрбитэ. Билигин Арассыыйа үгүс эрэгийиэннэрэ бу быраабы туһаналлар.
Саха Өрөспүүбүлүкэтин Төрүт сокуонугар көннөрүү киллэриллибитэ демократия бириинсиптэрин өссө күүһүрдэр: быыбардааччылар бэйэлэрэ хандьыдаат үлэтин сыаналаан, кинини салгыы дуоһунаска талыллар эбэтэр талыллыбат диэн быһаарыыны ылыналлар.
Бу түгэн ураты суолталаах. Саха сиригэр улахан инфраструктурнай бырайыактар олоххо киириилэрэ, социальнай сайдыы уонна олохтоох дьону өйөөһүн кылгас кэмҥэ эрэ буолбакка уһун болдьоххо ситиһиллэр. Сайдыы хаамыытын хааччыйыы, үлэ сүрүн салааларын өйөөһүн уонна өрөспүүбүлүкэ кэскилин быһаарыы — бу күннээҕи кыһалҕа.
Биһиги, Амма улууһун олохтоохторо, Саха Өрөспүүбүлүкэтин Төрүт сокуонугар уларытыылары киллэрэр туһунан көҕүлээһини өйүүбүт. Бу буола турар ыарахан кэмнэ - Саха Өрөспүүбүлүкэтэ сайдарын, уһун кэмҥэ туруктаахтык уонна утумнаахтык үлэлиирин туhугар биир санааны ылынан олоххо киллэриэх тустаахпыт.
Биир санаанан, биир күүһүнэн — Сахабыт Сирэ сайдарын туһугар! Аммалар бары биирбит!
Амма улууһун баһылыга
Степан Кузьмин
Бүгүн Саха Сирин Өрөспүүбүлүкэтин Төрүт сокуонугар киирэр уларыйыылар туһунан киэҥник дьүүллэһии бара турар. Дьон-сэргэ бу боппуруоска араас санааларын этэллэр, көрүүлэрин үллэстэллэр. Көрүллэр барылга этиллэринэн, Ил Дархан үлэлиир болдьоҕун «икки болдьохтон ордук буолуо суохтаах» диэн хааччахтыыр нуорманы Төрүт сокуонтан устуу былааннанар.
Бу уларытыы Саха Өрөспүүбүлүкэтин Ил Дарханын дуоһунаска иккиттэн элбэх төгүлүн талыллыытын хааччаҕын көтүрэрин туһунан этиини киллэрэр. Федеральнай сокуон 2021 сыллаахха субъеқтарга бэйэлэрэ быһаарар быраабын биэрбитэ. Билигин Арассыыйа үгүс эрэгийиэннэрэ бу быраабы туһаналлар.
Саха Өрөспүүбүлүкэтин Төрүт сокуонугар көннөрүү киллэриллибитэ демократия бириинсиптэрин өссө күүһүрдэр: быыбардааччылар бэйэлэрэ хандьыдаат үлэтин сыаналаан, кинини салгыы дуоһунаска талыллар эбэтэр талыллыбат диэн быһаарыыны ылыналлар.
Бу түгэн ураты суолталаах. Саха сиригэр улахан инфраструктурнай бырайыактар олоххо киириилэрэ, социальнай сайдыы уонна олохтоох дьону өйөөһүн кылгас кэмҥэ эрэ буолбакка уһун болдьоххо ситиһиллэр. Сайдыы хаамыытын хааччыйыы, үлэ сүрүн салааларын өйөөһүн уонна өрөспүүбүлүкэ кэскилин быһаарыы — бу күннээҕи кыһалҕа.
Биһиги, Амма улууһун олохтоохторо, Саха Өрөспүүбүлүкэтин Төрүт сокуонугар уларытыылары киллэрэр туһунан көҕүлээһини өйүүбүт. Бу буола турар ыарахан кэмнэ - Саха Өрөспүүбүлүкэтэ сайдарын, уһун кэмҥэ туруктаахтык уонна утумнаахтык үлэлиирин туhугар биир санааны ылынан олоххо киллэриэх тустаахпыт.
Биир санаанан, биир күүһүнэн — Сахабыт Сирэ сайдарын туһугар! Аммалар бары биирбит!
Амма улууһун баһылыга
Степан Кузьмин