Ыам ыйын 19 күнүгэр С. П. Федотов аатынан сүрүн оскуола иһинэн Пионерия күнэ бэлиэтэннэ Бу күн сылын аайы буолар "Сэргэй эбэтин" алааһыгар " айылҕаҕа тэрээһин ыытылынна
Тэрээһин дружиннай сбортан саҕаланна Учууталлар пионер гимнин ыллаатылар Үөрэнээччилэр отрядка арахсан рапорт биэрдилэр
Отрядтар араас оонньууларга оонньоон күөн көрүстүлэр Ол курдук:
🚩Мэһэйдэри туорааһын
🚩Эппилиэт былдьаһыыта
🚩Станциянан оонньуу
🚩"Саамай сытыы, хорсун , түргэн" пионерскай сорудаҕынан -оонньуу
🚩команданан түмсэн хаһыат уруһуйун күрэҕэ
Пионерскай оонньуулар доҕордоһууну, эйэлээх буолууну түмтэ
Кыайыылаах, кыттыбыт командалар бирииһинэн грамотанан наҕараадаланнылар
Түмүккэ ыытыллыбыт тэрээһин үүнэр көлүөнэҕэ патриотическай тыыҥҥа иитиигэ, уопсастыбаннай хамсааһын үтүө үгэстэрин билэллэригэр өйдөтөр ,үөрэтэр суолталаах , туһалаах , үтүө өйдөбүл буолла