Оҥхой нэһилиэгин С.П. Федотов аатынан сүрүн оскуолатыгар, учуутал күнүн тэрээһинэ бэрт сэргэхтик ааста. Үөһээ Бүлүүбүт улууһугар үөрэҕирии систиэмэтэ төрүттэммитэ 150 сыллааҕы үбүлүөйүн чэрчитинэн, оскуолабыт Саха Өрөспүүбүлүкэтин үөрэҕириитин туйгуннара 5 учуутал РФ уонна РС(Я) былааҕын киллэрдилэр.
"Үрдэл" оҕо хамсааһын түмсүүтүн оҕолоро, учууталларга анаан "Эҕэрдэ, эйиэхэ учуутал" тэрээһини ыыттылар. Оскуолабыт президенэ 9 кылаас үөрэнээччитэ Антон Иванов учууталлары эҕэрдэлээтэ. Бэйэлэрин илиилэрин сылааһынан ис дууһаларыттан оҥорбут эҕэрдэ открыткаларын, бары учууталлары кыһыл дорожканан хаамтаран үөрүүлээх быһыыга туттарбыттара ураты долгутуулаах түгэн буолла. Эҕэрдэ концертка кылаас үөрэнээччилэрэ, ырыа, хоһоон, сыанка бэлэх ууннулар. "Учуутал күнүнэн эҕэрдэ" диэн олус үчүгэй ис хоһоонноох хаһыаттары, кылаастар айан- уруһуйдаан оҥорбуттара бары учууталлары үөртэ, долгутта. Алын сүһүөх үөрэнээччилэригэр "Мин учууталым" уруһуй күрэҕэ, 5-9 кылаас үөрэнэччилэригэр "Мин тапталлаах учууталым" өйтөн суруйуу күрэх тэрилиннэ. "Үрдэл оҕо хамсааһын" кыргыттара ветеран учууталларга, бэйэлэрэ буһарбыт минньигэс туортарын уонна оскуола коллективын аатыттан эҕэрдэ сурук туттартаатылар. Ветеран учууталлар махталларын ыллылар. Учууталлары кытта үөрэнээччилэр волейболга күрэхтэстилэр, күрэҕи иилээн ыытта оскуола иитэр үлэ советника Екатерина Лукинична уонна физрук Лариса Дмитриевна, судьуйалар 8-9 кылаас үөрэнээччилэрэ Волейбол күрэҕэ тыҥааһыннаах, сэргэх буолла. Биһиги оскуолалабытыгар учуутал күнүн тэрээһиннэрэ сэргэхтик, истиҥник аастылар "Үрдэл" оҕо хамсааһын "Бастакы хардыы" активистара түмсүүлээхтэрин, тэрийэр дьоҕурдаахтарын көрдөрдүлэр. Учууталга махталларын тириэрдэр чиэстиир тэрээһин үрдүк таһымнаахтык ааста.