Канал МБОУ "Ботулинская СОШ им. Золотарева Н.А."

Боотулуу оскуолатын маҥнайгы директора Миронов Николай Ксенофонтович (1898-1943 сс.).
1919 сыллаахха алтынньы 1 күнүгэр Боотулууга аан бастаан оскуоланы арыйбыт маҥнайгы директор Миронов Николай Ксенофонтович. Кини 1898 с. Ньурба улууһун Малдьаҕар нэһилиэгэр төрөөбүтэ. 1913 с. Бүлүү куорат 4 кылаастаах училищетын бүтэрбитэ. Боотулууга үлэлии кэлэригэр баара эрэ 21 саастааҕа. Боотулуу оскуолатыгар 1919-1920 сс. үлэлээн баран, партийнай үлэҕэ барбыта. 1921-1922 сс. Компартия Ньурба буолаһынааҕы кэмитиэтин сэкиритээринэн үлэлээбитэ. Гражданскай сэрии кэмигэр Ньурба сэлиэнньэтин үрүҥнэртэн обороналааһыҥҥа кыһыл дружина командирын солбуйааччы, политкомиссар этэ. Кэлин компартия (БСКП(б) Алдан уокуругунааҕы кэмитиэтигэр отдел сэбиэдиссэйинэн, онтон секретарынан үлэлии олорон 1941 с. Аҕа дойду сэриитэ саҕаламмытыгар Кыһыл Армияҕа ыҥырыллан барбыта. Брянскай фроҥҥа 217 стр. дивизия 766 стр. полкатыгар Орёл, Брянскай куораттары босхолуур иһин кыргыһыыларга кыттыбыта. 1943 сыл кулун тутарга сураҕа суох сүппүт.
Кэргэнэ - Седалищева Минодора Ивановна.
Миронов Н.К. Алдаҥҥа РИК-кэ үлэлии сылдьан репрессияламмыт эбит. 58 статьянан ( контррев. деят), враг народа. Ыстатыйалара ыарахаттар: 58-3 (организация восстания), 58-11 (шпионаж). Приговора ВМН эбэтэр 3 сылтан үөһэ срок с конфискацией и поражением прав. 1940 с. сууттаммыт. Онтон ааһынан босхоломмут быһыылаах. Армияҕа 1941 с. Алдан райвоенкоматынан ыҥырыллыбыт. 1943 с. кулун тутарга сураҕа суох сүппүт. Орловскай наступательнай операция саҕаланыытын диэки. Кэргэнэ Милодора Ив. Седалищева диэн Якутскайга Дзержинскэй уул. олорбут.

1919 сыл алтвнньы 1 күнүгэр Үөдүгэй улууһун Боотулуу нэһилиэгэр аҕабыыт биэс хостоох дьиэтигэр оскуола арыллыбыт . Учуутал Николай Ксенофонтович Миронов. Тапталлаах оскуолабыт төрөөбүт күнүнэн эҕэрдэ ! 2024 с. балаҕан ыйыгар нэһилиэккэ үөрэҕирии , социальнай - экэнэмиичэскэй сайдыытыгар үтүмэн өҥөлөөх учуутал , дириэктэр, колхоз бэрэстээтэлэ Николай Афанасьевич Золотарев аата иҥэриллибитэ. 2025с. оскуолабыт Өрөспүүбүлүкэ бастыҥ оскуолаларын ахсааныгар киирбитэ. Боотулуу кырдьаҕас оскуолата оҕону үөрэтиигэ , иитиигэ өрүү сонун суолу -ииһи көрдүүр баай уопуттаах , билиилээх учууталларынан, хас биирдии оҕо бэйэтин ис кыаҕын арыйарыгар олук уурар үгэстээҕинэн биллэр. Баҕарабыт үүммүт үөрэх дьыла эһиэхэ үгүс саҥа билиини ,доҕотторгут истиҥ сыһыаннарын , оскуола олоҕун араас хайысхаларыгар ситиһиилэри, үрдүк үөрүүнү бэлэхтээтин!

Боотулуу орто оскуолатыгар сыллата күүтүүлээх, үөрүүлээх «Көмүс күһүн» бырааһынньыктааҕы дьаарбаҥката үрдүк таһымнаахтык ааста.
Бу күн оскуолабыт иһэ араас аһынан, ураты илии оҥоһуктарынан уонна сырдык мичээрдэринэн туолла. Кылаас бүттүүнэ кыһаллан, бэйэлэрин турар сирдэрин күһүҥҥү матыыбынан олус маанытык киэргэппиттэр. Дьаарбаҥка ураты түһүмэҕинэн оҕуруот аһын күрэхтэрэ буоллулар. Манна харах аалан көрүөххэ улахан, ураты көрүҥнээх дьикти-дьиибэ уонна саамай кыракый да буоллар сиппит оҕуруот астара кыттааччылары уонна ыалдьыттары сөхтөрдүлэр.
Хас бирдии кылаас дьаарбаҥка аһыллыытыгар бэйэлэрин талааннарын көрдөрөн, эҕэрдэ нүөмэрдэри бэлэмнээн ууннулар. Бырааһынньыкка нэһилиэкпит олохтоохторо, ыалдьыт буолан кэлэн, оҕолор астарын-оҥоһуктарын көхтөөхтүк атыылаһан ылан үөртүлэр.
Тэрээһин түмүгүнэн оҕолор бары тахсыылаах күн кэнниттэн бэһиэлэй дискотекаҕа көхтөөхтүк үҥкүүлээтилэр, сынньаннылар.

#боотулууортооскуолата
#образование

👍