Бүгүн Исиидэр Бараахап аатынан орто оскуолаҕа Судаарыстыбаннас күнүн көрсө үөрүүлээх линейка буолан ааста. Тэрээһиҥҥэ улуус баһылыга Николаев В.В., үөрэх управлениятын начальнига Огочонов Л.Н. кыттыыны ыллылар. Хотугу кыраайбытыгар уонунан элбэх омуктар сарын- санныларыттан өйөнсөн иллээхтик-эйэлээхтик олороллорун туоһулаан араас омуктуу таҥастаах оҕолор доҕордоһуу түһүлгэтин илии илиилэриттэн ылсан тэҥҥэ хаамыстылар. Кэлбит ыалдьыттар, үлэһиттэр, үөрэнээччилэр Улуу Убайбытын уруйдаан мэҥэ тааһыгар сибэкки дьөрбөтүн ууран төбөлөрүн төҥкөтөн кэриэстээн ыллылар. Эр дьон учууталлар Бараахап туһунан ырыаны доргуччу ыллаатылар. Үбүлүөйдээх оскуола тэлгэһэтэ Өрөгөй ырыатын ньиргиттэ, Үрүҥ күннээх Саха өрөспүүбүлүкэтин былааҕын тэлимнэттэ. Биһиги күүспүт - сомоҕолоһууга🙌👌👏👏👏