#СвоихНеБросаем

Үбүлүөйдээх И.Н.Барахов аатынан 1-кы нүөмэрдээх орто оскуола аһымал аахсыйа тэрийдэ

Кылаастары сүһүөхтэринэн арааран, байыастарга анаан гуманитарнай көмөнү хомуйан тиксэрдилэр.

Маннык хомуур олус табыгастааҕын бэлиэтиэххэ наада. Ол курдук, 1-2-с кылаастар суунар тэрили, 3-4-стэр сылаас, халыҥ наскы, 5-6-с кылаастар минньигэс арааһын, 7-8-стар оробуочай бэрчээкки, үрдүкү кылаастар ис таҥас хомуйдулар. Оттон учууталлар суһал көмө буолар эмп-томп мустулар.

Санатар буоллахха, гуманитарнай көмөнү алтынньы ортотугар диэри "Үөһээ Бүлүү" хаһыат редакциятыгар, Ленин аатынан уулусса 10 "а" нүөмэрдээх дьиэтигэр тутабыт.

Кыайыыны уопсай күүспүтүнэн чугаһатар курдук сананан, ойуурдаах куобах охтубат дииллэринии, уолаттарбытыгар анаан, кыра да буоллар, көмөбүтүн аныахха. Кыра да кэһиини дойдуларыттан туттахтарына төһөлөөх үөрэллэрэ буолуой...

@uoheebuluu