📘📗📕📒Бүгүн Г.Н.Чиряев аатынан Хоро орто оскуолатыгар Учуутал күнүгэр анаан ,,Тэтим,, оҕо хамсааһына уонна оскуола быйылгы выпускниктара биир умнуллубат түгэни бэлэхтээтилэр. Сарсыарда учууталлары бэйэ оҥоһуу сакалаат сибэкки дьөрбөтүнэн аан айаҕыттан эҕэрдэлии көрүстүлэр. Үгэскэ кубулуйбут үөрүүлээх линейкаҕа оҕолорго бүгүҥҥү күн суолтатын советник Анна Ефимовна сырдатта. Онтон оҕолорго ,,Дьоһуннааҕы кэпсэтии,, чэрчитинэн Учуутал күнүгэр аналлаах чаастар аастылар. Күнүс ,,Тэтим,, оҕо хамсааһына уонна оскуола выпускниктара оскуола оҕолорун түмэн эҕэрдэ концерт көрдөрдүлэр. Кырачаан маҥнайгы кылаастар, ,,Алаас симэҕэ,, ансаамбыл үҥкүүһүттэрэ, хоһоон ааҕааччы кыргыттар уонна уолаттар бөлөхтөрө үөртүлэр. Эҕэрдэ концерды выпускниктар эрчимнээх ырыанан түмүктээтилэр. Оҕолор учууталларын устан эҕэрдэ ролик бэлэмнээн көрдөрбүттэрэ эмиэ учууталлар сэҥээриилэрин ылла. Бу иннигэр алтынньы 3 күнүгэр выпускниктар самоуправление күнүн олус эппиэтинэстээхтик тэрийбиттэрэ. Учуутал оруолун чиэстээхтик,ирдэбиллээхтик толорбуттарын үөрэнээччилэр сонун оҥостон төрөппүттэригэр,кылаас салайааччыларыгар кэпсээбиттэрэ. Оҕолорбутугар уонна кинилэргэ сүбэ-ама буолбут коллегаларбытыгар махталбытын биллэрэбит. Бары коллегаларбытын,ветераннарбытын өссө төгүл эҕэрдэлиибит,доруобай буолуҥ, өрүү үөрэнээччилэр ситиһиилэринэн кынаттанан үрдүккэ дабайыҥ💐💐💐💐💐💐💐