Билии күнэ – саҥа үөрэх дьыла саҕаланна!
Бүгүн, балаҕан ыйын 1 күнүгэр, оскуолабытыгар үөрүүлээх Билии күнүгэр аналлах тэрээһин буолла. Оскуола саалата үөрэнээччилэринэн, учууталларынан, төрөппүттэринэн уонна ыалдьыттарынан туолан сэргэхсийэ түстэ. Тэрээһин Арассыыйа уонна Саха сирин былааҕын киллэриитинэн уонна өрөгөй ырыатынан саҕаланна.
Быйылгы 2026-27 үөрэх дьылыгар оскуола боруогун атыллаан маҥнайгы кылааска сибэккии дьөрбөтө тутуурдаах Софрон Иванов үөрэнэ киирдэ. Маҥнайгы учууталынан биһиги ытыктыыр учууталбыт Валентина Николаевна Осипова ананна. Билии күнүнэн эҕэрдэ тылларын эттилэр оскуолабыт дириэктэрэ Георгий Иннокентьевич, нэһилиэкпит баһылыга Семен Самуилович.
Үөрүүлээх тэрээһиммитигэр олус кэрэхсэбиллээх ыалдьыт, быйылгы «Дыгын оонньуутун” кыайыылааҕа Артем Дьяконов кэлэн э5эрдэ тылын эттэ. Бу түгэн үөрэнээччилэрбитигэр улахан үөрүүнү, долгуйууну аҕалла. Артем Дьяконов үөрэнээччилэри үөрэхтэригэр, спортка дьулуурдаах буоларга, ситиһиилэри дабайарга ыҥырда. Кини бэйэтин холобурунан оҕолорго эр киһи күүһүн, дьулуурун, тулуурун уонна төрөөбүт дойдуга тапталы көрдөрдө.
Үөрэнээччилэрбитигэр билиигэ тардыһыыны, дьулууру уонна инники кэскиллэригэр улахан ситиһиилэри баҕарабыт. Учууталларбытыгар кыһамньылаах үлэҕитигэр ситиһиилэри, төрөппүттэргэ оҕолоргут үөрүүлэринэн үөрэргитин баҕарабыт!
Саҥа үөрэх дьыла барыбытыгар саҥа кыайыылары, арыйыылары аҕаллын!
Оскуола администрацията.
Бүгүн, балаҕан ыйын 1 күнүгэр, оскуолабытыгар үөрүүлээх Билии күнүгэр аналлах тэрээһин буолла. Оскуола саалата үөрэнээччилэринэн, учууталларынан, төрөппүттэринэн уонна ыалдьыттарынан туолан сэргэхсийэ түстэ. Тэрээһин Арассыыйа уонна Саха сирин былааҕын киллэриитинэн уонна өрөгөй ырыатынан саҕаланна.
Быйылгы 2026-27 үөрэх дьылыгар оскуола боруогун атыллаан маҥнайгы кылааска сибэккии дьөрбөтө тутуурдаах Софрон Иванов үөрэнэ киирдэ. Маҥнайгы учууталынан биһиги ытыктыыр учууталбыт Валентина Николаевна Осипова ананна. Билии күнүнэн эҕэрдэ тылларын эттилэр оскуолабыт дириэктэрэ Георгий Иннокентьевич, нэһилиэкпит баһылыга Семен Самуилович.
Үөрүүлээх тэрээһиммитигэр олус кэрэхсэбиллээх ыалдьыт, быйылгы «Дыгын оонньуутун” кыайыылааҕа Артем Дьяконов кэлэн э5эрдэ тылын эттэ. Бу түгэн үөрэнээччилэрбитигэр улахан үөрүүнү, долгуйууну аҕалла. Артем Дьяконов үөрэнээччилэри үөрэхтэригэр, спортка дьулуурдаах буоларга, ситиһиилэри дабайарга ыҥырда. Кини бэйэтин холобурунан оҕолорго эр киһи күүһүн, дьулуурун, тулуурун уонна төрөөбүт дойдуга тапталы көрдөрдө.
Үөрэнээччилэрбитигэр билиигэ тардыһыыны, дьулууру уонна инники кэскиллэригэр улахан ситиһиилэри баҕарабыт. Учууталларбытыгар кыһамньылаах үлэҕитигэр ситиһиилэри, төрөппүттэргэ оҕолоргут үөрүүлэринэн үөрэргитин баҕарабыт!
Саҥа үөрэх дьыла барыбытыгар саҥа кыайыылары, арыйыылары аҕаллын!
Оскуола администрацията.