Республикатааҕы Олонхо ыһыаҕын кэмигэр ыытыллыбыт атыы-эргиэн дьаарбанкатыгар Тыайа орто оскуолатын 11-с кылааһын үөрэнээччитэ Ньургун Гуляев бэйэтин ураты бырайыагынан ситиһиилээхтик кытынна.Ньургун бу иннинэ «Кэбээйи улууһун кэрэ айылҕата» уонна «Кэбээйи улууһун бэлиэлэрэ» диэн значоктар, магниттар уонна брелоктор бырайыагын Улуус баһылыгын Харыйатыгар бэрт итэҕэтиилээхтик көмүскээбитэ. Кини айар үлэтин, көрдөрбүт сатабылын уонна интэриэһин улуус баһылыга И. И. Левин үрдүктүк сыаналаан, республика таһымнаах улахан ыһыах кэмигэр атыы-эргиэн дьаарбанкатыгар кыттан бэйэтин бородууксуйатын дьон дьүүлүүгэр таһаарарыгар тирэх буолар этиини киллэрбитэ. Бу үрдүк итэҕэли эдэр чинчийээччи ситиһиилээхтик олоххо киллэрдэ. Икки кун устата Ньургун улэлэрин дьон-сэргэ хамагатык ылан, уеруутэ уксээтэ.