Аҕам саастаахтар декадаларын аһылыгар — дириҥ махтал уонна өрөгөй!
Бүгүн, аан дойду үрдүнэн ыытыллар Аҕам саастаахтар декадалара аһылларынан, Мэҥэ Хаҥалас улууһугар ВКС нөҥүө олус истиҥ, үрдүк таһымнаах видео эҕэрдэлэһии буолан ааста.
Бу өрөгөйдөөх тэрээһиҥҥэ улууспут уонна өрөспүблүкэбит салайааччылара күндү ыалдьыт быһыытынан кыттыыны ыллылар:
• Гаврил Николаевич Толстяков — улуус баһылыгын бастакы солбуйааччыта;
• Галина Николаевна Лебедева — Саха өрөспүблүкэтин бэтэрээннэрин сүбэтин бэрэссэдээтэлэ;
• Иван Иванович Шестаков — Социальнай управление начальнига;
• Октябрина Никитична Кулешова— Ыччат управлениетын салайааччыта.
Видео эҕэрдэлэһиини улуустааҕы бэтэрээннэр сүбэлэрин бэрэссэдээтэлэ Евдокия Саввична Решетникова олус иилээн-саҕалаан, сирдээн ыытта. Тэрээһиҥҥэ улуус элбэх нэһилиэктэрин олохтоохторо көхтөөхтүк кытыннылар. Наардаах уонна сылаас тылларынан Киин балыыһа аатыттан улуус мунньаҕын депутата, профсоюз бэрэссэдээтэлэ Иван Гаврильевич Пивоваров истиҥник эҕэрдэлээтэ.
Биһиги, Киин балыыһа бэтэрээннэрэ, поликлиника актовай заалыгар мустан, бу үөрүүлээх түгэни улахан экраҥҥа сэргээн көрдүбүт, иһиттибит уонна олус астынныбыт. Тэрээһин бүтэһигэр профсоюз бэрэссэдээтэлэ барыбытыгар кэрэ сибэкки дьөрбөтүн туттаран, сүргэбитин өссө үрдэттэ, бары дуоһуйан, көтөҕүллүбүт кайаахтан тарҕастыбыт.
Тэрилтэбит салайааччыларыгар дириҥ махтал!
Доруобуйа харыстабылыгар олохторун анаан, сыралаах үлэлэрин ааспыт убаастабыллаах бэтэрээннэрбит ааттарыттан өрүү күүс-көмө, тирэх буолар тэрилтэбит салайааччыларыгар — кылаабынай быраас Иннокентий Егорович Павловка уонна профсоюз бэрэссэдээтэлигэр Иван Гаврильевич Пивоваровка ис сүрэхтэн дириҥ махталбытын тиэрдэбит!
Эһиги бэтэрээннэргэ уурар улахан болҕомтоҕут, сылаас сыһыанныт уонна ытыктабылгыт биһиэхэ олус сыаналаах. Үлэҕит өрүү ситиһиилээх, тахсыылаах уонна сир дьонугар туһалаах буоллун!
Киин балыыһа бэтэрээннэрин сүбэтин бэрэссэдээтэлэ Лариса Ефремовна Дмитриева.