МБОУ "Мельжехсинская СОШ им. А.В.Чугунова"

Аан дойдутааҕы ырыа күнүнэн! 🎶

Алтынньы 1 күнүгэр, Аан дойдутааҕы ырыа күнүн чэрчитинэн, оскуолабытыгар кылаастар икки ардыларыгар РФ Өрөгөй ырыатын толорууга күрэх ыытылынна. Бу тэрээһин үөрэнээччилэр дойдуларыгар бэриниилээх буола улааталларыгар, өрөгөй ырыатын тылын уонна матыыбын толору билэллэригэр, кини суолтатын өйдүүллэригэр туһуланна.

Күрэх түмүгэ, алын кылаастарга:
🥇 4 кылаас (салайааччы Герасимова А. Н.),
🥈 3 кылаас (салайааччы Ноговицына А. А.),
🥉 2 кылаас (салайааччы Кривогорницына А. В.).

5-7 кылаас үөрэнээччилэригэр:
🥇 5 кылаас (салайааччы Ефимова А. Г.),
🥈 7 кылаас (салайааччы Рожина С. И.),
🥉 6 кылаас (салайааччы Борисова Е. А.).

8-10 кылаастарга:
🥇 8 кылаас (салайааччы Протопопова А. П.),
🥈 9 кылаас (салайааччы Михайлова И. И.),
🥉 10 кылаас (салайааччы Степанова И. Е.).

🇷🇺 Дойдубут Модун Россия Өрөгөй ырыатын толору билии, кини тылын уонна суолтатын өйдөөһүн – хас биирдии киһиэхэ дойдуга таптала уонна бэриниилээҕэ көстөр.
Маннык тэрээһиннэр оҕолор патриотическай тыыннаах, дьоһун киһи буола улааталларыгар улахан көмөнү оҥороллор.

Бүгүн, балаҕан ыйын 29 күнүгэр, Арассыыйаҕа үөрэх ситимигэр Оскуола иннинээҕи үөрэхтээһин сылыгар, Мэҥэ Хаҥаласка оскуола иннинээҕи үөрэхтээһин 100 сылыгар аналлаах Майатааҕы «Сардаана» оҕону сайыннарар кииҥҥэ «Идэ ситимэ – 2026» куонкурус буолла.

Үтүө үгэскэ кубулуйбут тэрээһиҥҥэ Табаҕа, Майа, Нөөрүктээйи, Хара уонна Мэлдьэхси уһуйааннарын иитээччилэрэ кыттыыны ыллылар.
«Бэйэни билиһиннэрии», «Оҕо төрөөбүт тылынан сайдар», «Мин тылым – мин баайым», «Педагогическай мастарыскыай», «Үтүө оонньууллар» түһүмэхтэринэн кыттааччылар күөн күрэстэстилэр. Күрэх түмүгүнэн Павловскайдааҕы "Мичээр" оҕону сайыннарар киин муҥутуур кыайыылаах аатын сүкпүтэ.

Биһиги уһуйааммыт иитээччилэрэ Егорова Таисия Ивановна, Степанова Алена Дмитрьевна "Саҥаны саҕааччылар " анал аатын ылбыттарынан итиитик-истиҥник эҕэрдэлиибит👏👏👏

САХА ӨРӨСПҮҮБҮЛҮКЭТИН СУДААРЫСТЫБАННАҺЫН КҮНҮГЭР АНАММЫТ ТЭРЭЭҺИННЭР ҮРДҮК ТАҺЫМҤА ЫЫТЫЛЫННЫЛАР
 
Сахабыт Сиригэр балаҕа уан ыйын 27 күнэ – үйэлэргэ умнуллубат сүҥкэн суолталаах күн. Бу күн 1990 сыллаахха биһиги өрөспүүбүлүкэбитигэр судаарыстыбаннай суверенитет туһунан Декларация үөрүүлээхтик ылыныллыбыта. Бу Декларация Саха Өрөспүүбүлүкэтин Россия Федерациятын тэҥ бырааптаах субъектынан биллэрбитэ, онон Саха сирэ бэйэтин социальнай-экэниэмикэ сайдыытын, нэһилиэнньэтин олоҕун-дьаһаҕын тупсарыы сүрүн хайысхаларын бэйэтэ быһаарынар улахан кыаҕы ылбыта.

Бу бэлиэ күн чэрчитинэн, оскуолабытыгар нэдиэлэ устата элбэх кэрэхсэбиллээх тэрээһиннэр ыытылыннылар:
алын сүһүөх оҕолоругар “Тапталлаах Сахам сирэ” Саха Өрөспүүбүлүкэтин былааҕын оҥоруутугар күрэс. Оҕолор төрөөбүт дойдуларыгар тапталларын, киэн туттууларын өҥүнэн-дьүһүнүнэн көрдөрдүлэр. Түмүгэр: 1-2 кылаас үөрэнээччилэригэр 1 миэстэни Влад Протопопов (2 кыл.), 2 миэстэни Тамерлан Белолюбскай (2 кыл.) уонна 3 миэстэни Толя Иванов (1 кыл.) ылан үөрдүбүттэрэ. 3-4 кылаас икки ардыларыгар 1 миэстэ – Мичийэ Егорова (4 кыл.), 2 миэстэ – Айна Тарасова (4 кыл.), 3 миэстэ – Вилена Михайлова (4 кыл.) буолан, дьүүллүүр сүбэ үрдүк сыанабылын ыллылар. Кыайыылаах оҕолору эҕэрдэлиибит!

Маны таһынан, балаҕан ыйын 25 күнүгэр 5-11 кылаас үөрэнээччилэригэр “Төрөөбүт түөлбэбит кэрэтэ: алгыстаах айан” туристическай маршрут куонкуруһа ыытылынна. Бу куонкурус оҕолор төрөөбүт дойдуларын кэрэтин, историятын дириҥник билэллэригэр, айылҕаны харыстыырга үөрэнэллэригэр уонна айылҕаҕа сөптөөхтүк сылдьарга сүбэлииргэ туһуланна.

Балаҕан ыйын 28 күнүгэр оскуола бары үлэһиттэрэ, учууталлара сахалыы сайбаччы таҥнан кэллибит.
Үөрэх күнүн хас биирдии кылаас Дьоһуннааҕы кэпсэтииттэн саҕалаата. Бу кылаас чаастарыгар СӨ судаарыстыбаннаһын уруогун кылаас салайааччылара үөрэнээччилэргэ ыыттылар.
Бу күн Россия Федерациятын уонна Саха Өрөспүүбүлүкэтин өрөгөй ырыаларыттан саҕалаан үөрүүлээх линейканы ыыттыбыт. Бу өрөгөйдөөх түгэҥҥэ учууталлары, үөрэнээччилэри бэлиэ күнүнэн нэһилиэк аҕа баһылыга Валерий Никифоров уонна оскуолабыт дириэктэрэ Кирилл Титов истиҥник эҕэрдэлээтилэр.
Бу күн өссө биир ураты, долгутуулаах түгэнэ буолла. Ол курдук, “Дьулуур” оҕо хамсааһынын 2026-2027 үөрэх дьылыгар иккис болдьоххо талыллыбыт Арылхан Сокольников оскуола кэлэктиибин, үөрэнээччилэр иннилэригэр мэктиэ тылын эттэ. Кини кэлэр кэмҥэ үөрэнээччилэр көхтөөх позицияларын өйүүргэ, сайдыыга дьулуһарга ыҥырда. Арылханы бүгүҥҥү үөрүүлээх күнүгэр кылааһын салайааччыта Изабелла Степанова уонна оскуола дириэктэрэ Кирилл Титов үөрэн-көтөн эҕэрдэлээтилэр.
Төрөөбүт дойдубут туруктаах буоларын туһугар күргүөмнээхтик үөрэниэҕиҥ, үлэлиэҕиҥ, үүнүөҕүҥ-сайдыаҕыҥ, айыаҕын-тутуоҕун!
Чэлгийэ, чэчирии тур тапталлаах Сахабыт Сирэ!

"Кулубалар суолларынан" экспедиция 🧭 🏕️

Бу сайын бэс ыйын 5 күнүттэн А.В. Чугунов аатынан Мэлдьэхси орто оскуолатын биэс үөрэнээччитэ - Окорокова Саяна, Степанова Айгылаана, Степанова Айсена, Сокольникова Сайнаара, Протопопова Юлиана уонна салайааччыбыт Сайын Ивановна Рожина буолан "Кулубалар суолларынан" 5 күннээх экспедицияҕа сылдьан кэллибит.

Экспедиция Уус Алдан улууһун И.В. Пухов аатынан Окоемовка сүрүн оскуолатын бырайыага буолар. Ааптар, салайааччы, история учуутала Геннадий Дмитриевич Пестряков биһигини арыаллаан Уус Алдан бэлиэ сирдэринэн илдьэ сырытта.

Сиһилии видео-репортажка көрөргүтүгэр 👇🏻

“Хатыҥчаан” уһуйаан – кэлэр кэскил кэрэһитэ.👶👦🧸

Балаҕан ыйын 25-30 күннэригэр Мэҥэ Хаҥалас улууһугар оскуолаҕа киириэн иннинээҕи үөрэҕирии төрүттэммитэ 100 сылыгар анаммыт педагогическай декада чэрчитинэн, А.В. Чугунов аатынан Мэлдьэхси орто оскуолатын "Хатыҥчаан" уһуйаанын историятын быыстапката үөрүүлээхтик турда. Бу быыстапкаҕа оҕо саада маҥнай тэриллиитин, ааспыт үлэни сырдатар буклеттар, олох араас кэрчиктэрин кэрэһилиир хаартыскалар, выпускниктар альбомнара уонна бириэмэ тыынын биэрэр араас экспонаттар турдулар.

"Хатыҥчаан" уһуйаан историята 1959 сыллаахтан саҕаланар. Ол сыл Мас Булгунньахха аан маҥнайгы уһуйаан оҥоһуллан, бастакы сэбиэдиссэйинэн ытык-мааны Клара Петровна Канаева ананан үлэлээбитэ. Оччотооҕу кэмҥэ Суолаттан, Бэдьимэттэн, Хорообуттан, Сыымахтан, Бөдьөлөктөн 5-тии оҕо сылдьан саҕалаабыттара. Бу оҕолор Мэлдьэхси оҕолорун үөрэҕириитин бастакы хараҥаччылара буолбуттара.
Онтон 1969 сыллаахха уһуйаан Суола бөһүөлэгэр көһөн тахсар. Суола маҥнайгы уһуйаанын сэбиэдиссэйинэн  Екатерина Дмитриевна Сивцева үлэлээбитэ. Кини кэнниттэн элбэх бэриниилээх, талааннаах педагогтар уһуйаан сайдыытыгар үлэлээбиттэрэ. Хас биирдии сэбиэдиссэй уонна иитээччи уһуйаан олоҕор умнуллубат бэлиэни хаалларбыта.

Бүгүҥҥү күҥҥэ "Хатыҥчаан" уһуйаан инникилии сайдан иһэр. Сэбиэдиссэй Елена Альбертовна Антонова салалтатынан иитээччилэр оҕолору саҥаҕа уһуйаллар, кинилэр кэлэр олохторун маҥнайгы олугун уураллар. Оҕолор төрөөбүт тылларынан иитиллэллэр, үөрэххэ тардыһыыларын күүһүрдэллэр, киэҥ эйгэҕэ киирэргэ бэлэмнэнэллэр.

Маннык быыстапкалар оскуолаҕа киириэн иннинээҕи үөрэҕирии суолтатын үрдэтэллэр, кэлэр көлүөнэҕэ ааспыт кэми сырдатарга уонна төрөөбүт дойду историятын билиһиннэрэргэ көмөлөһөллөр. "Хатыҥчаан" уһуйаан өссө даҕаны элбэх сылларга оҕо-аймах үөрүүтүн, сайдыытын төрүтүнэн буоллун!

Арылхан Сокольников, 10 кылаас үөрэнээччитэ, «Үктэл» медиа-киин

Балаҕан ыйын 23 уонна 24 күннэригэр оскуолабытыгар үөрэнээччилэр уонна үлэһиттэр куттала суох буолууларын хааччыйыыга туһуламмыт тэрээһиннэр ыытылыннылар. Бу күннэргэ Баһаарынай сулууспа уонна Суолга сэрэхтээх буолуу сулууспатын үлэһиттэрэ кэлэн, оҕолорго уонна улахан дьоҥҥо олус туһалаах профилактическай бэсиэдэлэри, дьарыктары ыыттылар.

Үлэһиттэр ыксаллаах быһыы-майгы үөскүүр түгэнигэр киһи хайдах хамсаныахтааҕын, бэйэни уонна атыттары хайдах быыһыахтааҕын туһунан сиһилии кэпсээтилэр, ыйытыыларга хоруйдаатылар. Итиэннэ, суолга сэрэхтээх буолуу ирдэбилин эмиэ тоһоҕолоон бэлиэтээтилэр. Ол курдук, суол быраабылатын тутуһуу, сатыы дьон уонна суоппардар бэйэ-бэйэлэригэр ытыктабыллаахтык сыһыаннаһыылара, оҕолор оскуолаҕа кэлэр уонна оскуолаттан барар суолларын куттала суох оҥоруу суолталааҕын быһаардылар.

📢Балаҕан ыйын 21 күнүгэр Мэлдьэхси орто оскуолатын «Дьулуур» оҕо хамсааһынын 2026-2027 үөрэх дьылыгар лиидэрин талыы ыытылынна.
Уопсайа 79 бюллетень киирдэ, ол иһигэр 48 үөрэнээччи, 31 педагог бэйэлэрин куоластарын биэрдилэр.
Куоластааһын түмүгүнэн:
✅Сокольников Арылхан - 46 куолаһы
✅Сокольникова Сайнаара - 33 куолаһы ыллылар.

2026-2027 үөрэх дьылыгар «Дьулуур» оҕо хамсааһынын лиидэринэн Арылхан Сокольников буолла.

Балаҕан ыйын 17-18 күннэригэр Мэлдьэхситтэн төрүттээх, оскуолабытыгар үөрэнэ сылдьыбыт Наташа Александрова ыарахан ыарыыны кыайарыгар аһымал аахсыйа чэрчитинэн тэрээһиннэр ыытылыннылар.

Балаҕан ыйын 17 күнүгэр А.В. Чугунов аатынан Мэлдьэхси орто оскуолатын үөрэнээччилэрин «Көмүс күһүн бэлэҕэ» атыы-эргиэн дьаарбаҥката ыытылынна. Кылаастар «Саамай, саамай улахан» күрэххэ кыттан, бэйэлэрин оҕуруоттарын аһын көрдөрөн кыайыылаах буоллулар.
Дьарбааҥкаҕа киирбит үп-харчыттан кылаастар Наташаҕа бэйэлэрин көмөлөрүн оҥордулар.

Балаҕан ыйын 18 күнүгэр «Үтүө санаа кыната» аахсыйа-кэнсиэр ыытылынна. Кэлбит ыалдьыттары Бэдьимэттэн, Мэлдьэхситтэн квартеттар, «Далбар», «Тэлээрис» үҥкүү бөлөхтөрө, Мотрена Сыромятникова, Полина Аргунова, СӨ үтүөлээх артыыһа, аан дойду виртуоз хомусчута Варвара Степанова-Арчыына, Мэлдьэхси оскуолатын үлэһиттэрэ, уолаттарын ансаамбыла, 3 кылаас кыргыттара Маша Баишева, Күннэй Дьяконова, Алисия Иванова, 7-с кылаас үөрэнээччитэ Ярик Петров эҕэрдэлээтилэр.
Кэнсиэр олус истиҥник уонна иһирэхтик ааста.
Тэрээһин түмүктүүр чааһыгар ааҕар-суоттуур хамыыһыйа бэрэссэдээтэлэ Анна Николаевна Герасимова нэһилиэк олохтоохторугар аһымал аахсыйа чэрчитинэн уопсайа 76 тыһыынча харчы көмөҕө киирбитин туһунан иһитиннэрдэ уонна киирбит үбү Наташа ийэтигэр Күннэй Семеновнаҕа туттарда, улахан махталын тиэртэ.

Наташа үтүөрэригэр күүс-көмө буолбут нэһилиэкпит олохтоохторугар, кэнсиэргэ кыттыыны ылбыт бар дьоммутугар улахан махталбытын тиэрдэбит.
Эһиги үтүө санааҕыт бэйэҕитигэр сүүс төгүл эргиллэн кэлиэҕэ.

кэнсиэри сиһилии бу сигэнэн киирэн көрүҥ: https://rutube.ru/video/decd2cfbaa8e77c611bbc0b713fef968/?r=wd

📅 Дата: 21 сентября
📍 Место: актовый зал школы.
🕰 Время: перемены после 2-го, 3-го, 4-го урока.


#ДвижениеПервых #ВыборыПредседателя #ДОДьулуур

📢Внимание, учителя, учащиеся! 📢

21 сентября состоятся выборы председателя первичного отделения «Движения Первых» в МБОУ «Мельжехсинская СОШ» ДО «Дьулуур»

На пост председателя выдвинуты:
✅Сокольников Арылхан, 10 класс.
✅Сокольникова Сайнаара, 9 класс

Приходителя на голосование - ваш голос важен!

📅 Дата: 21 сентября
📍 Место: актовый зал школы.
🕰 Время: перемены после 2-го, 3-го, 4-го урока.

Давайте вместе выберем того, кто будет представлять интересы школьников и развивать проекты «Движения Первых» в нашей школе✊🏻

#ДвижениеПервых #ВыборыПредседателя #ДОДьулуур

Тимуровскай хамсааһын үлэтэ саҕаланна 🌾🪓

Оскуолабыт үөрэнээччилэрэ Тимуровскай хамсааһыны хортуоска орооһунуттан саҕалаатылар.

Балаҕан ыйын 9 күнүгэр оскуолабыт 10-с кылааһын үөрэнэччилэрэ нэһилиэк олохтооҕор Владимир Егорович Колесовка, балаҕан ыйын 10 күнүгэр 8-с, 9-с, 11-с кылаас уолаттара Зоя Афанасьевна Куприяноваҕа Тимуровскай хамсааһын чэрчитинэн хортуоска хостооһун субуотунньугар көмө оҥордулар.

Оҕолор үлэни күргүөмүнэн, биир киһи курдук ыыттылар.

Арылхан Сокольников, 10 кылаас, «Үктэл» медиа-киин

Хортуоска хостооhуна 🥔

Бүгүн, балаҕан ыйын 11 күнүгэр, оскуолабыт бары үлэһиттэрэ, үөрэнээччилэрэ сайыны быһа көрбүт-истибит хортуоскабыт хостооһунун субуотунньугар бары бииргэ үөрэ-көтө таҕыстыбыт.

Үлэ күргүөмүнэн биир киһи курдук сэргэхтик ааста. Күммүт даҕаны туран биэрдэ!

Сокольникова Сайнаара, 9 кылаас,
Окорокова Саяна, 8 кылаас
«Үктэл» медиа-киин

УЧУУТАЛБЫТ СИТИҺИИТЭ📚👏🏻

Балаҕан ыйын 9-10 күннэригэр Майа нэһилиэгэр улуус үөрэҕириитин тиһигин бары үлэһиттэригэр балаҕан ыйдааҕы Сүбэ мунньах ыытылла турар.

Үлэтигэр өрүү үрдүк көрдөрүүлээх, бастыҥ таһымнаах, баай уопуттаах, дириҥ билиилээх математикаҕа учууталбыт, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин үөрэҕирии тиһигин бочуоттаах бэтэрээнэ Татьяна Николаевна Колесова хас да сыллаах үтүө түмүктэрдээх үлэтин түмүгүнэн Саха Өрөспүүбүлүкэтин "Учууталлар учууталлара" бочуоттаах ааты ылары ситистэ.

Татьяна Николаевнаны үрдүк ситиһиитинэн эҕэрдэлиибит!
Сыралаах үлэн махтабыллаах, айымньылаах үлэн таһаарыылаах буоларыгар баҕарабыт!

Арылхан Сокольников, 10 кылаас,
«Үктэл» медиа-киин

ОСКУОЛАБЫТЫГАР СҮҮРҮҮ КҮРЭҔЭ ЫЫТЫЛЫННА🏃‍♂️🏃‍♀️
 
Балаҕан ыйын 8 күнүгэр Мас Булгунньах сиригэр А.В. Чугунов аатынан Мэлдьэхси орто оскуолатын үөрэнээччилэрин икки ардыларыгар “Кросс Нации – 2026” сүүрүү күрэҕэ тэрилиннэ.

Оҕолор Мас Булгунньахха дылы сатыы хааман тиийэн күөн күрэхтэстилэр, сүүрүүгэ бастыыр иһин кииристилэр, бастыҥнары ааттаатылар.
Күүстээх киирсии кэннэ алын сүһүөхтэргэ Степанова Айлана (1 кылаас) , Дьяконова Күннэй (3 кылаас), Баишев Айыллаан (1 кылаас), Окороков Эрсан (4 кылаас) бастыҥнар буоллулар. 5-7 кылаастарга бастакы миэстэни Степанова Айталыына (6 кылаас) уонна Баишев Радомир (7 кылаас) ыллылар. 8-11 кылаас үөрэнээччилэригэр муҥутуур кыайыылаахтарынан Сокольникова Сайнаара (9 кылаас) уонна Неустроев Артем (11 кылаас) ааттанылар.

Бары миэстэлэспит, кыттыыны ылбыт оҕолору эҕэрдэлиибит!
Успуортунан утумнаахтык дьарыктанын, чөл туруктаах олохтонун!

хаартыскалары сиһилии бу сигэнэн киирэн көрүҥ: https://disk.yandex.ru/d/6W30B4iIkfF1zg

ОСКУОЛАБЫТЫГАР МАҤНАЙГЫ ЧУОРААН ЧУГДААРДА📚🔔
 
🎓Балаҕан ыйын 1 күнэ – Билии күнэ. А.В. Чугунов аатынан Мэлдьэхси орто оскуолатыгар маҥнайгы чуораан лыҥкынас тыаһынан 5 оҕо оскуола боруогун маҥнай атыллаан, үөрэнээччи буолар дьолун биллилэр.
Маҥнайгы кылааска киирэр кырачаан оҕолору оскуола дириэктэрэ Кирилл Титов, Мэлдьэхси нэһилиэгин баһылыга Валерий Никифоров, Мэҥэ Хаҥалас улууһун физическэй култуураҕа уонна спортка салалтатын салайааччыта Алексей Попов уонна Майатааҕы үөрэтэр-оҥорон таһаарар киин дириэктэрэ Эдуард Захаров эҕэрдэлээтилэр, сэмэй бэлэхтэрин туттардылар.

👩‍🏫Бастакы кылааска үктэммит кырачаан оҕолор маҥнайгы учууталларынан хас да оҕону олох киэҥ аартыгар үктэнэригэр маҥнайгы олугу уурбут, ситиһиилэргэ сирдээбит Лена Афанасьевна Сивцева буолла.
Маҥнайгы кылааска үктэммит оҕолорго, оскуола бары үөрэнээччилэригэр, учууталларыгар саҥа үөрэх дьылыгар ситиһиилэри, саҥа саҕахтары арыйаҥҥыт олоххут дьоллоох буоллун.