Балаҕан ыйын 25-26 күннэригэр Дьокуускай куоракка биллиилээх политическай деятель И.Е.Винокуров төрөөбүтэ 130 сылыгар анаммыт маҥнайгы ыччат форума ыытылынна. Манна биһиги оскуолабыт эдэр кэскиллээх учууталлара Сахаяна Васильевна Иванова уонна Сардаана Иосифовна Максимова кыттыыны ыллылар. Уонна хамаанданан толкуйдаабыт "Эпоха Винокурова" бырайыактара 13 хамаандаттан, 130 кыттааччыттан бочуоттаах бастакы миэстэни ылары ситистилэр. Бу бырайыак сүрүн сыалынан И.Е.Винокуров олоҕун-дьаһаҕын, үлэтин-хамнаһын кэлэр кэнчээри ыччакка остуол оонньуутун нөҥүө тиэрдии буолар. Дьүүллүүр сүбэ хамаанда бырайыагын олус сэҥээрдэ, кыттааччыларга инникитин ситиһиилэри баҕарда.