Бүгүн, балаҕан ыйын 22 күнүгэр,  «Олимпик» спорт оскуолатын «Территория равных: бадминтонный вызов первых» бырайыагын чэрчитинэн В.П. Артамонов аатынан Хамаҕатта саха-француз лиссиэйигэр бадминтоҥҥа  маастар-кылаас тэрилиннэ.

Маастар-кылааһы Нам 2 №-дээх  оскуолатын  физическэй культура учуутала, бырайыагы олоххо киллэриигэ сүрүн тренер Александр Егорович Колосов дьарыктыыр оҕолорун кытта ыытта.
Бу курдук Александр Колосов ааспыт нэдиэлэҕэ Нам 3 №-дээх оскуолатын оҕолорун эрчийбитэ, онтон кэлэр чэппиэргэ Нам 1 №-дээх оскуолатыгар дьарыктаныан баҕалаах оҕолору бадминтон албастарыгар үөрэтиэҕэ.
Бэлиэтээн этэр буоллахха, бырайыак улуус 7 оскуолатын - Нам 1, 2, 3 №-дээх, Хатыҥ Арыы, Хамаҕатта оскуолаларын, Хамаҕатта саха-француз лиссиэйин, улуустааҕы гимназия оҕолорун  - хабан олоххо киирэр.
 
“Нам улууһа” МО пресс-сулууспата