Репост из: Ньурба-Огни Нюрбы | Новости
Марафоҥҥа ситиһиилээхтик кытынна
Балаҕан ыйын 26 күнүгэр Владивосток куоракка Аан дойдутааҕы марафон ыытылынна.
Манна дойду араас муннугуттан барыта 6 тыһыынчаттан тахса уһун тыыннаахтар мустан күрэстэстилэр.
Ньурбаттан чэпчэки атлетикаҕа спорт маастара Ирина Софронова 21 км 095 м сүүрэн 60 сааһыттан үөһэ категорияҕа 8 миэстэни ылан мэтээллээх, дипломнаах кэллэ.
Ол туһунан Ирина Дмитриевна бэйэтэ маннык кэпсиир:
— Сүүрэр трасса ыарахан трассалааҕынан биллэр. Ол курдук, сүүрүү саҕаланыаҕыттан финишкэ диэри эргиччи сыыры дабайыы, түһүү, аны старт ыларбытыгар самыыр ибирдээн саҕалаабыта. Инньэ гынан уустук, сырыынньа суоллаах марафону ардах аннынан сүүрдүбүт. Финишкэ кэлэрбэр олох курулас ардах анныгар фиништээтим. Ол эрэн бу сүүрүүбүттэн астынан, дуоһуйан кэллим. Туһугар экстремальнай улахан сүүрүүнү этэҥҥэ тулуйдум!
Ирина Дмитриевнаны бу маннык уустук марафону, бэйэ кыаҕын дьиҥнээх бэрэбиэркэтин тулуурдаахтык ааспытынан истиҥник эҕэрдэлиибит.
«Ньурба» хаһыат
@gszrtanyurba @ulusmedia
Балаҕан ыйын 26 күнүгэр Владивосток куоракка Аан дойдутааҕы марафон ыытылынна.
Манна дойду араас муннугуттан барыта 6 тыһыынчаттан тахса уһун тыыннаахтар мустан күрэстэстилэр.
Ньурбаттан чэпчэки атлетикаҕа спорт маастара Ирина Софронова 21 км 095 м сүүрэн 60 сааһыттан үөһэ категорияҕа 8 миэстэни ылан мэтээллээх, дипломнаах кэллэ.
Ол туһунан Ирина Дмитриевна бэйэтэ маннык кэпсиир:
— Сүүрэр трасса ыарахан трассалааҕынан биллэр. Ол курдук, сүүрүү саҕаланыаҕыттан финишкэ диэри эргиччи сыыры дабайыы, түһүү, аны старт ыларбытыгар самыыр ибирдээн саҕалаабыта. Инньэ гынан уустук, сырыынньа суоллаах марафону ардах аннынан сүүрдүбүт. Финишкэ кэлэрбэр олох курулас ардах анныгар фиништээтим. Ол эрэн бу сүүрүүбүттэн астынан, дуоһуйан кэллим. Туһугар экстремальнай улахан сүүрүүнү этэҥҥэ тулуйдум!
Ирина Дмитриевнаны бу маннык уустук марафону, бэйэ кыаҕын дьиҥнээх бэрэбиэркэтин тулуурдаахтык ааспытынан истиҥник эҕэрдэлиибит.
«Ньурба» хаһыат
@gszrtanyurba @ulusmedia