Орто үөрэх кыһатын күнүн өрөгөйдөөхтүк бэлиэтээтибит.
Бүгүн алтынньы 2 күнүгэр Дойдубутугар орто профессиональнай үөрэхтээһин күнэ бэлиэтэнэр.
Орто анал үөрэхтээһин 1940 сылтан саҕаламмыта. Арассыыйа саамай улахан иэннээх субъегар олоҕу-дьаһаҕы хааччыйыыга, экэниэмикэни сайыннарыыга, идэлээх каадырдары киэҥ далааһыннаахтык, суһаллык бэлэмнииргэ ананан тэриллибитэ. Бу сыллар тухары соругун сүтэрбэккэ, күн бүгүн орто анал үөрэх кыһата - Сахабыт сирин бастыҥ идэлээх дьонун иитэн-үөрэтэн таһаарар. Бу бэлиэ күн дойдубут Президенын 496 нүөмэрдээх ыйааҕынан 2022 сылтан бэлиэтэнэр.
Бүгүн Ньурбатааҕы техникум, Улуу быраас Виталий Антонович Вонгродскай аатын сүгэр Медицинскэй колледж Ньурбатааҕы салаатын устудьуоннара - бу бэлиэ күҥҥэ муһуннулар. Ньурбатааҕы техникум дириэктэрин иитэр-үөрэтэр чааһыгар солбуйааччыта Филиппов Артем Валерьевич үлэ-хамнас, ситиһии туһунан кэпсээтэ, былырыын 65 сылларын өрөгөйдөөхтүк бэлиэтээбиттэрин эттэ. Медицинскэй колледж Ньурбатааҕы отделениетын сэбиэдиссэйэ Валентина Николаевна Ефремова устудьуоннары, үлэһиттэри эҕэрдэлээтэ, күн бүгүн Ньурба филиалыгар 56 устудьуон үөрэнэ сылдьарын эттэ.
Ыҥырыылаах ыалдьыттарынан «Ньурба оройуона» муниципальнай тэриллии дьаһалтатын специалиһа Александрова Т.Е., Ньурбатааҕы үөрэҕирии салалтатын салайааччытын бастакы солбуйааччыта Васильев С.В., Ньурба улууһун култуураҕа уонна ыччат бэлиитикэтин салайааччытын солбуйааччыта Убушаев А.Б буоллулар.
Бу күнү киэргэттилэр Ньурба техникумун 2 курсун устудьуона, оройуоннааҕы «Ыллаа - туой уол оҕо», Өрөспүүбүлүкэтээҕи «Студенческая весна” Гран-При кыайыылааҕа, “Российская студенческая весна” бүтүн Россиятааҕы фестиваль 2 истиэпэннээх лауреата Александр Оппудонов уонна уолаттар ансаамбыллара. Медицинскэй колледж Ньурбатааҕы отделениетын «Лечебное дело» бастакы курсун устудьуоннара ырыа, үҥкүү туруордулар. Ньурба улууһун култуураҕа уонна ыччат бэлиитикэтин салайааччытын солбуйааччыта Убушаев А.Б эдэр ыччакка КВИЗ оонньуу ыытан билиилэрин тургутан үс түһүмэхтээх оонньууга кытыннарда.
Саха сиригэр 42 колледж уонна техникум үлэлиир, манна 24 тыһыынчаттан тахса устудьуон үөрэнэр. Устудьуоннары уонна педагогтары өйөөһүҥҥэ улахан болҕомто ууруллар. 2023 сылтан Саха Өрөспүүбүлүкэтин Ил Дархана Айсен Сергеевич Николаев көҕүлээһининэн үөрэх тэрилтэлэрэ сыллата 40 мөлүйүөн солкуобай кээмэйдээх граннары ылаллар.
Үлэ дьоно диэн кимий? Кинилэр биһиги выпускниктарбыт. Сахабыт сирин суола ииһэ тупсарыгар, оҥорон таһаарыы, тыа хаһаайыстыбата, доруобуйа харыстабыла сайдарын туһугар илиилэрин сылааһын, сатабылларын биэрэн туран үлэлии сылдьар дьон буолаллар. Ол курдук, бүгүн биһиги иннибитигэр –саҥа көлүөнэ үлэһит дьон. Эһиги Сахабыт сирин сарсыҥҥыта буолаҕыт. Идэҕитин чиҥэтэн үөрэтин, мындыр сатабыллары баһылааҥ!
Бүгүн алтынньы 2 күнүгэр Дойдубутугар орто профессиональнай үөрэхтээһин күнэ бэлиэтэнэр.
Орто анал үөрэхтээһин 1940 сылтан саҕаламмыта. Арассыыйа саамай улахан иэннээх субъегар олоҕу-дьаһаҕы хааччыйыыга, экэниэмикэни сайыннарыыга, идэлээх каадырдары киэҥ далааһыннаахтык, суһаллык бэлэмнииргэ ананан тэриллибитэ. Бу сыллар тухары соругун сүтэрбэккэ, күн бүгүн орто анал үөрэх кыһата - Сахабыт сирин бастыҥ идэлээх дьонун иитэн-үөрэтэн таһаарар. Бу бэлиэ күн дойдубут Президенын 496 нүөмэрдээх ыйааҕынан 2022 сылтан бэлиэтэнэр.
Бүгүн Ньурбатааҕы техникум, Улуу быраас Виталий Антонович Вонгродскай аатын сүгэр Медицинскэй колледж Ньурбатааҕы салаатын устудьуоннара - бу бэлиэ күҥҥэ муһуннулар. Ньурбатааҕы техникум дириэктэрин иитэр-үөрэтэр чааһыгар солбуйааччыта Филиппов Артем Валерьевич үлэ-хамнас, ситиһии туһунан кэпсээтэ, былырыын 65 сылларын өрөгөйдөөхтүк бэлиэтээбиттэрин эттэ. Медицинскэй колледж Ньурбатааҕы отделениетын сэбиэдиссэйэ Валентина Николаевна Ефремова устудьуоннары, үлэһиттэри эҕэрдэлээтэ, күн бүгүн Ньурба филиалыгар 56 устудьуон үөрэнэ сылдьарын эттэ.
Ыҥырыылаах ыалдьыттарынан «Ньурба оройуона» муниципальнай тэриллии дьаһалтатын специалиһа Александрова Т.Е., Ньурбатааҕы үөрэҕирии салалтатын салайааччытын бастакы солбуйааччыта Васильев С.В., Ньурба улууһун култуураҕа уонна ыччат бэлиитикэтин салайааччытын солбуйааччыта Убушаев А.Б буоллулар.
Бу күнү киэргэттилэр Ньурба техникумун 2 курсун устудьуона, оройуоннааҕы «Ыллаа - туой уол оҕо», Өрөспүүбүлүкэтээҕи «Студенческая весна” Гран-При кыайыылааҕа, “Российская студенческая весна” бүтүн Россиятааҕы фестиваль 2 истиэпэннээх лауреата Александр Оппудонов уонна уолаттар ансаамбыллара. Медицинскэй колледж Ньурбатааҕы отделениетын «Лечебное дело» бастакы курсун устудьуоннара ырыа, үҥкүү туруордулар. Ньурба улууһун култуураҕа уонна ыччат бэлиитикэтин салайааччытын солбуйааччыта Убушаев А.Б эдэр ыччакка КВИЗ оонньуу ыытан билиилэрин тургутан үс түһүмэхтээх оонньууга кытыннарда.
Саха сиригэр 42 колледж уонна техникум үлэлиир, манна 24 тыһыынчаттан тахса устудьуон үөрэнэр. Устудьуоннары уонна педагогтары өйөөһүҥҥэ улахан болҕомто ууруллар. 2023 сылтан Саха Өрөспүүбүлүкэтин Ил Дархана Айсен Сергеевич Николаев көҕүлээһининэн үөрэх тэрилтэлэрэ сыллата 40 мөлүйүөн солкуобай кээмэйдээх граннары ылаллар.
Үлэ дьоно диэн кимий? Кинилэр биһиги выпускниктарбыт. Сахабыт сирин суола ииһэ тупсарыгар, оҥорон таһаарыы, тыа хаһаайыстыбата, доруобуйа харыстабыла сайдарын туһугар илиилэрин сылааһын, сатабылларын биэрэн туран үлэлии сылдьар дьон буолаллар. Ол курдук, бүгүн биһиги иннибитигэр –саҥа көлүөнэ үлэһит дьон. Эһиги Сахабыт сирин сарсыҥҥыта буолаҕыт. Идэҕитин чиҥэтэн үөрэтин, мындыр сатабыллары баһылааҥ!