ДИПИ олохтоохторо уонна үлэһиттэрэ сылын ахсын ыытыллар "Ньурба көмүс күһүнэ" литература күннэригэр көхтөөх кыттыыны ыллылар. Тэрээһин хаамыытын бу сигэлэринэн киирэн толору көрүөххүтүн сөп clck.ru/3VoGPA clck.ru/3VoGPB
Олус дириҥ ис хоһоонноох көрсүһүүлэр буоллулар. Сурукка тиһэн ойуулуурга кыах тиийбэт... Арай, икки түгэн интэринээт-дьиэбитигэр быһаччы сыһыаннааҕынан ол туһунан кэпсээн аастахха сатанар. Бастакы түгэн, ДИПИ олохтооҕо Данилов С.Г. Музейга соһуччу бэлэх оҥорон көрөөччүлэри дьикти турукка киллэртээтэ. Ол хайдах диэтэргит - алта уон ордугуна сэттэ сыл анараа өттүгэр поэт Варвара Потапова бииргэ төрөөбүт убайа Семен Потапов биһиги Сэмэммит убайыгар Июнь Даниловка бэлэхтээбит хаартыскатын түмэлгэ туттарда. Хаартыска кэннигэр маннык суруктаах (уларытыыта суох) "Лучшему другу юности Июну! Ты будешь жить на свете десять раз, Тысячекратно в детях повторенный. И вправе будешь в последний час, торжествовать над смертью покоренной. Сеня Потапов. 2/2 1959 г. г.Алдан". Тэрээһин Потаповтар олорон ааспыт тэлгэһэлэригэр буолан эбитэ дуу, саһарбыт хаартыска ааспыт кэмнэри уонна буола турары ураты тыыннаата, айар куттаах дьон бу түгэни Варвара Потапова сүгүрүйээччилэригэр Махталын илдьитин быһыытынан ылыннылар. Семен Григорьевичка саха литературатын бастакы уонна бастыҥ бэйээт-дьахтарын аатын үйэтитиигэ болҕомтоҥ иһин махтанабыт.
Иккис түгэн. Дьиикимдэ бибилэтиэкэтигэр Ньурбаттан бастакы ССРС суруйааччыларын СойууҺун чилиэнэ, суруйааччы, суруналыыс Степан Прокопьевич Федотов аатын иҥэрдилэр. Кини айымньыларын «Кынаттаах олох» (1962) , «Туойуох-ыллыах санаам киирдэ» (2020) хомуурунньуктарынан билсиэххэ сөп. Олох соторутааҕыта "Эргэ чымадаан кистэлэҥнэрэ" диэн суруйааччы архивын сааһылаан, аттаран Л.А.Канаева бэртээхэй кинигэни бэчээттэппитэ. Киирии тылга суруллубутунан "Степан Прокопьевич Федотов убайдаах быраатыттан, аймахтарыттан, табаарыстарыттан, оҕолоруттан суруктарын ууруна сылдьыбыт. Онтон олохтон суох буолбутун кэннэ, кыыһа Сардаана Степановна күн бүгүнүгэр диэри сүтэрбэккэ аҕатын чымадаанын көрөн-харайан илдьэ кэлбит. Аҕатын таптала билиҥҥэ диэри сүрэҕин сылыта сырыттаҕа". Манна ааттанар Сардаана Степановна Федотова ДИПИ поварынан үлэлээбитэ ыраатта. Көрөргүт курдук, кини кыайыылаах-хотуулаах үлэһит эрэ буолбакка, ньурбалар киэн туттар Степан Федотовпыт тапталлаах кыыһа, саха литературатын бастыҥнарын үйэтитиигэ бэйэтин кылаатын киллэрэ сылдьар дьоһун Далбар Хотун.
Ньурба көмүс күһүнэ күннэтэ көрсөр дьоммутун ураты өттүлэриттэн арыйбытыгар Махтал!
#НюрбинскийДИПИ
#Ньурбакөмүскүһүнэ
#ВарвараПотапова
#СтепанФедотов
Олус дириҥ ис хоһоонноох көрсүһүүлэр буоллулар. Сурукка тиһэн ойуулуурга кыах тиийбэт... Арай, икки түгэн интэринээт-дьиэбитигэр быһаччы сыһыаннааҕынан ол туһунан кэпсээн аастахха сатанар. Бастакы түгэн, ДИПИ олохтооҕо Данилов С.Г. Музейга соһуччу бэлэх оҥорон көрөөччүлэри дьикти турукка киллэртээтэ. Ол хайдах диэтэргит - алта уон ордугуна сэттэ сыл анараа өттүгэр поэт Варвара Потапова бииргэ төрөөбүт убайа Семен Потапов биһиги Сэмэммит убайыгар Июнь Даниловка бэлэхтээбит хаартыскатын түмэлгэ туттарда. Хаартыска кэннигэр маннык суруктаах (уларытыыта суох) "Лучшему другу юности Июну! Ты будешь жить на свете десять раз, Тысячекратно в детях повторенный. И вправе будешь в последний час, торжествовать над смертью покоренной. Сеня Потапов. 2/2 1959 г. г.Алдан". Тэрээһин Потаповтар олорон ааспыт тэлгэһэлэригэр буолан эбитэ дуу, саһарбыт хаартыска ааспыт кэмнэри уонна буола турары ураты тыыннаата, айар куттаах дьон бу түгэни Варвара Потапова сүгүрүйээччилэригэр Махталын илдьитин быһыытынан ылыннылар. Семен Григорьевичка саха литературатын бастакы уонна бастыҥ бэйээт-дьахтарын аатын үйэтитиигэ болҕомтоҥ иһин махтанабыт.
Иккис түгэн. Дьиикимдэ бибилэтиэкэтигэр Ньурбаттан бастакы ССРС суруйааччыларын СойууҺун чилиэнэ, суруйааччы, суруналыыс Степан Прокопьевич Федотов аатын иҥэрдилэр. Кини айымньыларын «Кынаттаах олох» (1962) , «Туойуох-ыллыах санаам киирдэ» (2020) хомуурунньуктарынан билсиэххэ сөп. Олох соторутааҕыта "Эргэ чымадаан кистэлэҥнэрэ" диэн суруйааччы архивын сааһылаан, аттаран Л.А.Канаева бэртээхэй кинигэни бэчээттэппитэ. Киирии тылга суруллубутунан "Степан Прокопьевич Федотов убайдаах быраатыттан, аймахтарыттан, табаарыстарыттан, оҕолоруттан суруктарын ууруна сылдьыбыт. Онтон олохтон суох буолбутун кэннэ, кыыһа Сардаана Степановна күн бүгүнүгэр диэри сүтэрбэккэ аҕатын чымадаанын көрөн-харайан илдьэ кэлбит. Аҕатын таптала билиҥҥэ диэри сүрэҕин сылыта сырыттаҕа". Манна ааттанар Сардаана Степановна Федотова ДИПИ поварынан үлэлээбитэ ыраатта. Көрөргүт курдук, кини кыайыылаах-хотуулаах үлэһит эрэ буолбакка, ньурбалар киэн туттар Степан Федотовпыт тапталлаах кыыһа, саха литературатын бастыҥнарын үйэтитиигэ бэйэтин кылаатын киллэрэ сылдьар дьоһун Далбар Хотун.
Ньурба көмүс күһүнэ күннэтэ көрсөр дьоммутун ураты өттүлэриттэн арыйбытыгар Махтал!
#НюрбинскийДИПИ
#Ньурбакөмүскүһүнэ
#ВарвараПотапова
#СтепанФедотов