иллээх-эйэлээх олоҕу баҕарабыт. Ыарыы, сэрии, аччыктааһын суоһаабат буоллаҕына, онтон ордук туох кэлиэй. Бэйэлэрэ сөбүлүүр идэлэринэн үлэлиир кыахтанныннар. Идэни сөпкө талыы – олоххутун оҥосторго тирэххит буоларын умнумаҥ”.
Никифорова Евдокия Алексеевна, 87 саастаах.
Ааспыт үйэ ыччаттара саха классиктарын ааҕан улааппыттара, сиппиттэрэ-хоппуттара. Эрилик Эристиин (Семен Яковлев) «Маарыкчаан ыччаттара», Амма Аччыгыйа (Николай Мординов) «Сааскы кэм» романнарын, Николай Якутскай (Николай Золотарев) «Төлкө» трилогиятын, «Көмүстээх үрэх» романнарын, Суорун Омоллоон (Дмитрий Сивцев) «Күкүр Уус», «Сайсары» айымньыларын геройдарын олус чугастык ылыналлар.
“Киһи барыта бу орто дойдуга үчүгэй доруобуйалаах кэлбэт. Онон эрдэттэн бэйэҥ туруккун билэ сылдьыахтааххын. Мөлтөөрү гыммыккын биллэххинэ эрдэттэн эмтэниэхтээххин. Ыарыы буулаабатын курдук. Оччоҕуна эрэ уһун үйэлэнэҕин. Доруобуйаҕыт бэйэҕит илиигитигэр!
Эдэр ыччакка Айылҕа биэрбит сүдү күүһүн – доруобуйаҕытын, харыстааҥ диэхпин баҕарабын. Арыгыны иһимэҥ, табаахтаамаҥ, үөрэхтээх буолуҥ!”
Павлова Любовь Егоровна, 87 саастаах
Нуучча уонна саха классиктарын сөбүлээн аахпыт. Инники күөҥҥэ тутар суруйааччытынан нуучча биллиилээх суруйааччыта Александр Иванович Куприн буолар. Кини таптал туһунан «Олеся», «Гранатовый браслет» айымньылара элбэх дьахтар аймах кутун туппуттара. Ону таһынан Максим Горькай, Константин Симонов кинигэлэрин олус таттаран аахпыт. Саха классиктара өрүү сүрэҕэр бааллар.
«Уһун үйэлэнии - бэйэни сөпкө көрүнүү түмүгэ. Мин 88-пар бардым. Сүбэм диэн - аһылыгы мээнэ аһыа суохха наада. Сөбүгэр көрөн, туһалааҕын талан сиэҥ. Эчэйбэт курдук куруук сэрэнэн сылдьыҥ. Хайаан да дьоҥҥо үчүгэйдик сыһыаннаһыҥ. Суох буолбут чугас дьоҥҥутун умнубат буолуҥ, айыыһыттаргытыгар өрүү махтана сылдьыҥ. Итэҕэллээх буолуҥ. Үлэни-үөрэҕи тэҥҥэ тутуҥ!”
Тихонов Олег Трофимович, 81 саастаах
Саха литературатын төрүттээччилэр айымньыларын сэргээн улааппыт. А.Е.Кулаковскай “Ойуун түүлэ”, «Саха интеллегенциятыгар сурук”, А.И.Софронов- Алампа “Олох оонньуута”, Платон Ойуунускай “Кыһыл ойуун” аныгы сайдыылаах үйэҕэ суолталарын сүтэрэ иликтэрэ кинини сөхтөрөр.
«Уһун үйэлэнии кистэлэҥэ – чөл олох, эт-хаан дьарыга. Киһи Аар Айылҕаны кытта ситимин быһыа суохтаах. Айылҕаттан күүс ылан доруобуйата тупсар, үчүгэй доруобуйалаах киһи үөрэҕи үчүгэйдик ылынар. Онто идэни таларыгар төһүү күүс буолар. Ол курдук барыта ситимнээх.
Баҕа санаам. Үлэлээҥ-хамсааҥ, сэриитэ суох үчүгэй олоххо олороргутугар баҕарабын. Үчүгэй үлэлээх буоллуннар. Уопсастыба олоҕор көхтөөхтүк кытынныннар. Саастарын ситтилэр да хайаан да ыал буоллуннар. Дьиэ-уот тэринэн бигэ туруктаах дьиэ кэргэн аатын ыллыннар. Элбэх оҕолоннуннар. Оҕолорун кыра эрдэхтэриттэн үлэҕэ уһуйдуннар. Олох эргиирэ оннук. Киһиэхэ онтон ордук туох кэлиэй. Арыгы, табаах ыраах сырыттын!»
Семенова Сусанна Семеновна, 86 саастаах
Эдэр эрдэҕиттэн Николай Якутскай кинигэлэрин сөбүлээн аахпыт. Кини айымньыларын геройдара – киниэхэ үтүө холобур буолбуттар. Суруйааччы биир үтүө өрүтүн бэлиэтиир – Саха сиригэр алмаас хостооһунун литературнай айымньы көмөтүнэн сырдаппыта буолар. Алмаастаах сиргэ олорор дьон Николай Якутскай “Көмүстээх үрүйэ”, “Алмааһы көрдөөччүлэр”, “Алмаас уонна таптал” айымньыларын хайаан да ааҕыахтаахтар дии саныыр.
«Уһуннук олоруоххутун баҕарар буоллаххытына куһаҕан дьаллыктан тэйиччи сылдьыҥ. Үрдүк Айыылар биһиэхэ сирдээҕи олоҕу утары ууммуттара, орто дойдуга чэгиэн туруктаах ыыппыттара. Таҥара бэлэҕин доруобуйабытын оҕо эрдэхтэн харыстыахтаахпыт. Эдэр ыччакка дириҥ билиини, туһалаах үөрэҕи, үчүгэй баай-талым олоҕу, чэгиэн доруобуйаны баҕарабын”.
#ЖиваяИсторияНюрбы
#ВетераныНюрбинскогорайона
#СпасибоЗаТруд
#ДеньПожилыхЛюдей
Никифорова Евдокия Алексеевна, 87 саастаах.
Ааспыт үйэ ыччаттара саха классиктарын ааҕан улааппыттара, сиппиттэрэ-хоппуттара. Эрилик Эристиин (Семен Яковлев) «Маарыкчаан ыччаттара», Амма Аччыгыйа (Николай Мординов) «Сааскы кэм» романнарын, Николай Якутскай (Николай Золотарев) «Төлкө» трилогиятын, «Көмүстээх үрэх» романнарын, Суорун Омоллоон (Дмитрий Сивцев) «Күкүр Уус», «Сайсары» айымньыларын геройдарын олус чугастык ылыналлар.
“Киһи барыта бу орто дойдуга үчүгэй доруобуйалаах кэлбэт. Онон эрдэттэн бэйэҥ туруккун билэ сылдьыахтааххын. Мөлтөөрү гыммыккын биллэххинэ эрдэттэн эмтэниэхтээххин. Ыарыы буулаабатын курдук. Оччоҕуна эрэ уһун үйэлэнэҕин. Доруобуйаҕыт бэйэҕит илиигитигэр!
Эдэр ыччакка Айылҕа биэрбит сүдү күүһүн – доруобуйаҕытын, харыстааҥ диэхпин баҕарабын. Арыгыны иһимэҥ, табаахтаамаҥ, үөрэхтээх буолуҥ!”
Павлова Любовь Егоровна, 87 саастаах
Нуучча уонна саха классиктарын сөбүлээн аахпыт. Инники күөҥҥэ тутар суруйааччытынан нуучча биллиилээх суруйааччыта Александр Иванович Куприн буолар. Кини таптал туһунан «Олеся», «Гранатовый браслет» айымньылара элбэх дьахтар аймах кутун туппуттара. Ону таһынан Максим Горькай, Константин Симонов кинигэлэрин олус таттаран аахпыт. Саха классиктара өрүү сүрэҕэр бааллар.
«Уһун үйэлэнии - бэйэни сөпкө көрүнүү түмүгэ. Мин 88-пар бардым. Сүбэм диэн - аһылыгы мээнэ аһыа суохха наада. Сөбүгэр көрөн, туһалааҕын талан сиэҥ. Эчэйбэт курдук куруук сэрэнэн сылдьыҥ. Хайаан да дьоҥҥо үчүгэйдик сыһыаннаһыҥ. Суох буолбут чугас дьоҥҥутун умнубат буолуҥ, айыыһыттаргытыгар өрүү махтана сылдьыҥ. Итэҕэллээх буолуҥ. Үлэни-үөрэҕи тэҥҥэ тутуҥ!”
Тихонов Олег Трофимович, 81 саастаах
Саха литературатын төрүттээччилэр айымньыларын сэргээн улааппыт. А.Е.Кулаковскай “Ойуун түүлэ”, «Саха интеллегенциятыгар сурук”, А.И.Софронов- Алампа “Олох оонньуута”, Платон Ойуунускай “Кыһыл ойуун” аныгы сайдыылаах үйэҕэ суолталарын сүтэрэ иликтэрэ кинини сөхтөрөр.
«Уһун үйэлэнии кистэлэҥэ – чөл олох, эт-хаан дьарыга. Киһи Аар Айылҕаны кытта ситимин быһыа суохтаах. Айылҕаттан күүс ылан доруобуйата тупсар, үчүгэй доруобуйалаах киһи үөрэҕи үчүгэйдик ылынар. Онто идэни таларыгар төһүү күүс буолар. Ол курдук барыта ситимнээх.
Баҕа санаам. Үлэлээҥ-хамсааҥ, сэриитэ суох үчүгэй олоххо олороргутугар баҕарабын. Үчүгэй үлэлээх буоллуннар. Уопсастыба олоҕор көхтөөхтүк кытынныннар. Саастарын ситтилэр да хайаан да ыал буоллуннар. Дьиэ-уот тэринэн бигэ туруктаах дьиэ кэргэн аатын ыллыннар. Элбэх оҕолоннуннар. Оҕолорун кыра эрдэхтэриттэн үлэҕэ уһуйдуннар. Олох эргиирэ оннук. Киһиэхэ онтон ордук туох кэлиэй. Арыгы, табаах ыраах сырыттын!»
Семенова Сусанна Семеновна, 86 саастаах
Эдэр эрдэҕиттэн Николай Якутскай кинигэлэрин сөбүлээн аахпыт. Кини айымньыларын геройдара – киниэхэ үтүө холобур буолбуттар. Суруйааччы биир үтүө өрүтүн бэлиэтиир – Саха сиригэр алмаас хостооһунун литературнай айымньы көмөтүнэн сырдаппыта буолар. Алмаастаах сиргэ олорор дьон Николай Якутскай “Көмүстээх үрүйэ”, “Алмааһы көрдөөччүлэр”, “Алмаас уонна таптал” айымньыларын хайаан да ааҕыахтаахтар дии саныыр.
«Уһуннук олоруоххутун баҕарар буоллаххытына куһаҕан дьаллыктан тэйиччи сылдьыҥ. Үрдүк Айыылар биһиэхэ сирдээҕи олоҕу утары ууммуттара, орто дойдуга чэгиэн туруктаах ыыппыттара. Таҥара бэлэҕин доруобуйабытын оҕо эрдэхтэн харыстыахтаахпыт. Эдэр ыччакка дириҥ билиини, туһалаах үөрэҕи, үчүгэй баай-талым олоҕу, чэгиэн доруобуйаны баҕарабын”.
#ЖиваяИсторияНюрбы
#ВетераныНюрбинскогорайона
#СпасибоЗаТруд
#ДеньПожилыхЛюдей