Саха төрүт өйдөбүлүнэн балаҕан ыйын 26 күнэ — Күһүнү көрсүү, Кыһыны тоһуйуу, айылҕа уларыйар ураты кэмэ. Бу күн сырдык уонна хараҥа, күн уонна түүн тэҥнэһэллэр, ону кытта күһүҥҥү кэм бүтэн, кырыа кыһын боһоомо саҕаланар. Махтаныы уонна арчыланыы күнэ. Бу күнтэн ыла кыс ортото кэлиэр диэри хараҥа кэм уһуур. Онон Саха сирин олохтоохторо уһун, тымныы кыһыны этэҥҥэ туоруурга, күүс-уох, тулуур көрдөһөн үҥэллэр-сүгүрүйэллэр.
Бүгүн биһиги ыалдьыппыт Алексеева Мира Никитична — биллэр норуот уус-уран оҥоһуктарын маастара, иистэнньэҥ. Иискэ сөбүлүүр хайысхата: ордук «кыбытык тигии» (лоскутное шитье) техникатынан чаппараахтары, ураты паннолары, саха төрүт таҥаһын (халадаайдары, соннору) уонна ат симэҕин тигэринэн киэҥник биллэр. Ситиһиилэрэ: Россия уонна аан дойду таһымнаах тэрээһиннэр кыттыылааҕа. Сахалиҥҥа ыытыллыбыт РФ Култууратын министиэристибэтэ тэрийбит «Душа России» лоскуй иис бэстибээлигэр Саха сирин маастардарын кытта баран кыттан кэлбитэ. Казахстаҥҥа буолан ааспыт Саха сирин күннэригэр «Культ коня в культуре народов Евразии» бырайыакка кини «Сүктэр кыыс суорҕана» диэн үлэтэ талыллан быыстапкаҕа турбута. Марха улууһа төрүттэммитэ 200 сыллаах үбүлүөйдээх ыһыаҕар кини тикпит «Ат симэҕэ» үлэтэ кылаан чыпчаал (Гран-при) аатын ылбыта. Аммаҕа Олоҥхо ыһыаҕар «Бастыҥ барҕа иис» анал аат хаһаайката буолбута. 2021 сыллаахха «Манчаары оонньууларын» чэрчитинэн ыытыллыбыт быыстапкаҕа бочуоттаах 3-с миэстэни ылбыта. Мира Никитична оҥорбут үлэлэрэ Саха сирин маастардарын «Декоративно-прикладное искусство Якутии» диэн улахан каталог-кинигэтигэр киллэриллибиттэрэ.
Мира Никитична ДИПИ олохтоохторугар үлэтин, таптыыр дьарыгын, сонун иистэрин туһунан сиһилии кэпсээтэ. Аҕыйах ураты үлэлэрин аҕалан көрдөрдө. Дьэ, уонна баҕалаахтарга мозаика технологиятын туһанан "Харысхал" оҥорорго мастер-класс ыытта. Эчи, кэпсиирэ өйдөнүмтүөтүн, быһаарара ылыннарыылааҕын, саха Далбар Хотуна диэх курдук. Биир уруок кэриҥэ үлэлээн а5ам саастаахтар олус үчүгэй харысхаллары оҥостон кырыа кыһыны этэҥҥэ туоруурга бэлэм буоллулар. Махтал, Мира Никитична!
#НюрбинскийДИПИ
#мастеркласс
#лоскутноешитье
#харысхал
Бүгүн биһиги ыалдьыппыт Алексеева Мира Никитична — биллэр норуот уус-уран оҥоһуктарын маастара, иистэнньэҥ. Иискэ сөбүлүүр хайысхата: ордук «кыбытык тигии» (лоскутное шитье) техникатынан чаппараахтары, ураты паннолары, саха төрүт таҥаһын (халадаайдары, соннору) уонна ат симэҕин тигэринэн киэҥник биллэр. Ситиһиилэрэ: Россия уонна аан дойду таһымнаах тэрээһиннэр кыттыылааҕа. Сахалиҥҥа ыытыллыбыт РФ Култууратын министиэристибэтэ тэрийбит «Душа России» лоскуй иис бэстибээлигэр Саха сирин маастардарын кытта баран кыттан кэлбитэ. Казахстаҥҥа буолан ааспыт Саха сирин күннэригэр «Культ коня в культуре народов Евразии» бырайыакка кини «Сүктэр кыыс суорҕана» диэн үлэтэ талыллан быыстапкаҕа турбута. Марха улууһа төрүттэммитэ 200 сыллаах үбүлүөйдээх ыһыаҕар кини тикпит «Ат симэҕэ» үлэтэ кылаан чыпчаал (Гран-при) аатын ылбыта. Аммаҕа Олоҥхо ыһыаҕар «Бастыҥ барҕа иис» анал аат хаһаайката буолбута. 2021 сыллаахха «Манчаары оонньууларын» чэрчитинэн ыытыллыбыт быыстапкаҕа бочуоттаах 3-с миэстэни ылбыта. Мира Никитична оҥорбут үлэлэрэ Саха сирин маастардарын «Декоративно-прикладное искусство Якутии» диэн улахан каталог-кинигэтигэр киллэриллибиттэрэ.
Мира Никитична ДИПИ олохтоохторугар үлэтин, таптыыр дьарыгын, сонун иистэрин туһунан сиһилии кэпсээтэ. Аҕыйах ураты үлэлэрин аҕалан көрдөрдө. Дьэ, уонна баҕалаахтарга мозаика технологиятын туһанан "Харысхал" оҥорорго мастер-класс ыытта. Эчи, кэпсиирэ өйдөнүмтүөтүн, быһаарара ылыннарыылааҕын, саха Далбар Хотуна диэх курдук. Биир уруок кэриҥэ үлэлээн а5ам саастаахтар олус үчүгэй харысхаллары оҥостон кырыа кыһыны этэҥҥэ туоруурга бэлэм буоллулар. Махтал, Мира Никитична!
#НюрбинскийДИПИ
#мастеркласс
#лоскутноешитье
#харысхал