Таркаайы нэҺилиэгэ төрүттэммитэ 190, Хатыҥ СыҺыы 130 үбүлүөйдээх сылбыт түмүктэнэрэ чугаҺаата. Бу үбүлүөйдээх сыл чэрчитинэн ыытыллар тэрээҺиннэргэ кыттыҺан уонна оскуола территориятын тупсарыыга анаммыт бырайыак сүнньүнэн К.Д.Уткин аатынан Марха орто оскуолатын үөрэнээччилэрэ, учууталлара, үлэҺиттэрэ көҕөрдүү үлэтин ыыттылар. Балаҕан ыйын 16, 17 күннэригэр түмэл, оскуола таҺыгар сквердэргэ бииология, химия учуутала Анна Петровна көҕүлээҺининэн уонна оскуолабыт улэhиттэрэ бары кыттыhаннар Дьокуускайдааҕы ботаническай садтан 5 яблоня, 1 рябинокизильник, 4 кизильник, 2 сирень, 4 акация а5алтаран олортулар. Түмэл скверигэр 10, спортплощадка кытыытыгар 25 хатыҥ олордо. Оҕолор бу олордубут мастара барыта силис тардан, аны саас тыллан күп күөҕүнэн суугунуу хамсыахтара, оскуолаларын таҺын тупсарыахтара. Улахан кылаас уолаттарын кытта 35 хатыҥы тракторынан Игорь Николаевич Иннокентьев аҕаллылар. Игорь Николаевич оскуола биир кырдьаҕас үлэҺитэ, хас да көлүөнэ оскуола үөрэнээччилэрин кытта түмэл, оскуола тула баар мастары үксүн олордуспут киҺибит. Бу да сырыыга сүрдээҕин кыҺаллан туран оҕолору үлэлэппитигэр махталбыт муҥура суох. Кэлэн көхтөөхтүк үлэлээбит бары оҕолорго, учууталларга улахан махтал. Инникитин балаҕан ыйын 16,17 күннэрин мас олордуутун күнүнэн анаан, сылын ахсын ыытыахха диэн этиилээхпин. Сылын аайы мас олордон эбэн истэххэ оскуолабыт таҺа тупсуо, күөх суугунунан сууланыа этэ.
Маяровская М.С.- К.Д.Уткин аатынан Марха орто оскуолатын ветеран учуутала.