Малдьаҕарга кэскиллээх, кэрэ-бэлиэ күн: эдэр урбаанньыт - Айсиэн Александрович Степанов аныгылыы тутуулаах хотону үлэҕэ киллэрдэ!
Бала5ан ыйын 10 күнэ Ньурба оройуонун Малдьаҕар нэһилиэгин олохтоохторугар уонна бүтүн өрөспүүбүлүкэ тыа хаһаайыстыбатын салаатыгар өрөгөйдөөх, ураты суолталаах күнүнэн буолла.
Манна эдэр, кэскиллээх урбаанньыт Айсиэн Александрович Степанов 50 ынах турар аныгылыы тутуулаах саҥа хотонун үөрүүлээх быһыыга-майгыга арыйда. Бу мааны тутуу — эдэр киһи төрөөбүт дойдутун сайыннарар күүстээх баҕатын, туруу үлэһитин дьоһун туоһута буолар. Үөрүүлээх тэрээһиҥҥэ үрдүк таhымнаах ыҥырыылаах ыалдьыттар кытыннылар. Ол курдук, саҥа объект арыллыытыгар Ньурба улууһун баһылыга Алексей Михайлович Иннокентьев, Саха Өрөспүүбүлүкэтин Государственнай Мунньаҕын Ыччат дьыалаларыгар уонна спортка ситими быспат комитетын бэрэссэдээтэлэ, биллэр спортсмен Георгий Георгиевич Балакшин, бу буолаары турар быыбарга Государственнай Дума депутатыгар кандидат Петр Витальевич, Ньурба оройуонун Тыа хаһаайыстыбатын департаменын салайааччыта Леонид Владимирович Ушканов, тохсус спартакиада оонньууларын дирекциятын салайааччыта - Яковлев Артур Янович аналлаах сиэргэ-туомҥа кыттыыны ыллылар. Салайааччылар бэйэлэрин эҕэрдэ тылларыгар Айсиэн Степанов курдук эдэр дьон тыа сиригэр хаалан, улахан хаһаайыстыбаны тэрийэллэрэ өрөспүүбүлүкэ сайдыытыгар төһүү күүс буоларын бэлиэтээтилэр уонна инникитин да судаарыстыба өттүттэн күүстээх өйөбүл баар буолуоҕун бигэргэттилэр.
Саҥа объект арыллыыта кэлбит дьоҥҥо барыларыгар сылаас, истиҥ иэйиини уһугуннарда. Ордук урукку сылларга сопхуос ферматыгар өр сылларга туруулаһан үлэлээбит, тыа хаһаайыстыбатын тута сылдьыбыт үлэ бэтэрээннэрэ үөрдүлэр-көттүлэр. Кинилэр эдэр урбаанньыкка алгыс тылларын уонна истиҥ эҕэрдэлэрин тиэртилэр, бэйэлэрин бэлэхтэрин туттардылар. Бэтэрээннэр бэйэлэрин солбуйар, үлэлэрин салгыыр маннык эрчимнээх ыччат баарыттан иһирэхтик уонна ис сүрэхтэн киэн тутталларын биллэрдилэр.Бу күн улахан иитиилээх, суолталаах түһүмэҕинэн оскуола оҕолоро кэлиилэрэ буолла.
Оскуола оҕолоро холобур ыллыннар, тыа сиригэр үлэ сыаннаһын өйдөөтүннэр диэн кылаас салайааччыта Саргылана Николаевна Саввинова бэйэтин кылааһын оҕолорун илдьэ кэлэн, саҥа хотонунан анаан-минээн экскурсиялатта. Саҥа үйэ технологиятынан тутуллубут сылаас, сырдык хотону көрөн оҕолор харахтара умайда. Маннык уопут оҕону үлэҕэ, сиргэ-дойдуга тапталы иитэргэ саамай күүстээх холобур буолар. Дьон-сэргэ бэлиэтииринэн, бу саҥа объект нэһилиэк уопсай көрүҥүн уларытар таһымнаах. Инникитин Малдьаҕар нэһилиэгэр киирэн иһэн, бу мааны уонна аныгылыы тутуулаах хотону көрбүт кэлии да, олохтоох да дьон: «Бу нэһилиэккэ чахчы сайдыы баар эбит, олоҕу кытта тэҥҥэ хаамсан, сайдан иһэр нэһилиэк эбит дии» диэхтэрэ диэн киһи үөрэ, киэн тутта саныыр.
Айсиэн Александровичка өссө төгүл уруй-айхал уонна үрдүк ситиһиилэри баҕарабыт! Саҥа хотон иһэ куруук сылаас буоллун, үрүҥ ас дэлэйдин, хотон муҥунан хоро5ор муостаах холбостун диэн ба5а санаабытын тиэрдэбит!
"Мальж-сонун" медиа киин эдэр корреспонденнара Элина Саввинова (6 кылаас), Руслан Потапов (7 кылаас).
Бала5ан ыйын 10 күнэ Ньурба оройуонун Малдьаҕар нэһилиэгин олохтоохторугар уонна бүтүн өрөспүүбүлүкэ тыа хаһаайыстыбатын салаатыгар өрөгөйдөөх, ураты суолталаах күнүнэн буолла.
Манна эдэр, кэскиллээх урбаанньыт Айсиэн Александрович Степанов 50 ынах турар аныгылыы тутуулаах саҥа хотонун үөрүүлээх быһыыга-майгыга арыйда. Бу мааны тутуу — эдэр киһи төрөөбүт дойдутун сайыннарар күүстээх баҕатын, туруу үлэһитин дьоһун туоһута буолар. Үөрүүлээх тэрээһиҥҥэ үрдүк таhымнаах ыҥырыылаах ыалдьыттар кытыннылар. Ол курдук, саҥа объект арыллыытыгар Ньурба улууһун баһылыга Алексей Михайлович Иннокентьев, Саха Өрөспүүбүлүкэтин Государственнай Мунньаҕын Ыччат дьыалаларыгар уонна спортка ситими быспат комитетын бэрэссэдээтэлэ, биллэр спортсмен Георгий Георгиевич Балакшин, бу буолаары турар быыбарга Государственнай Дума депутатыгар кандидат Петр Витальевич, Ньурба оройуонун Тыа хаһаайыстыбатын департаменын салайааччыта Леонид Владимирович Ушканов, тохсус спартакиада оонньууларын дирекциятын салайааччыта - Яковлев Артур Янович аналлаах сиэргэ-туомҥа кыттыыны ыллылар. Салайааччылар бэйэлэрин эҕэрдэ тылларыгар Айсиэн Степанов курдук эдэр дьон тыа сиригэр хаалан, улахан хаһаайыстыбаны тэрийэллэрэ өрөспүүбүлүкэ сайдыытыгар төһүү күүс буоларын бэлиэтээтилэр уонна инникитин да судаарыстыба өттүттэн күүстээх өйөбүл баар буолуоҕун бигэргэттилэр.
Саҥа объект арыллыыта кэлбит дьоҥҥо барыларыгар сылаас, истиҥ иэйиини уһугуннарда. Ордук урукку сылларга сопхуос ферматыгар өр сылларга туруулаһан үлэлээбит, тыа хаһаайыстыбатын тута сылдьыбыт үлэ бэтэрээннэрэ үөрдүлэр-көттүлэр. Кинилэр эдэр урбаанньыкка алгыс тылларын уонна истиҥ эҕэрдэлэрин тиэртилэр, бэйэлэрин бэлэхтэрин туттардылар. Бэтэрээннэр бэйэлэрин солбуйар, үлэлэрин салгыыр маннык эрчимнээх ыччат баарыттан иһирэхтик уонна ис сүрэхтэн киэн тутталларын биллэрдилэр.Бу күн улахан иитиилээх, суолталаах түһүмэҕинэн оскуола оҕолоро кэлиилэрэ буолла.
Оскуола оҕолоро холобур ыллыннар, тыа сиригэр үлэ сыаннаһын өйдөөтүннэр диэн кылаас салайааччыта Саргылана Николаевна Саввинова бэйэтин кылааһын оҕолорун илдьэ кэлэн, саҥа хотонунан анаан-минээн экскурсиялатта. Саҥа үйэ технологиятынан тутуллубут сылаас, сырдык хотону көрөн оҕолор харахтара умайда. Маннык уопут оҕону үлэҕэ, сиргэ-дойдуга тапталы иитэргэ саамай күүстээх холобур буолар. Дьон-сэргэ бэлиэтииринэн, бу саҥа объект нэһилиэк уопсай көрүҥүн уларытар таһымнаах. Инникитин Малдьаҕар нэһилиэгэр киирэн иһэн, бу мааны уонна аныгылыы тутуулаах хотону көрбүт кэлии да, олохтоох да дьон: «Бу нэһилиэккэ чахчы сайдыы баар эбит, олоҕу кытта тэҥҥэ хаамсан, сайдан иһэр нэһилиэк эбит дии» диэхтэрэ диэн киһи үөрэ, киэн тутта саныыр.
Айсиэн Александровичка өссө төгүл уруй-айхал уонна үрдүк ситиһиилэри баҕарабыт! Саҥа хотон иһэ куруук сылаас буоллун, үрүҥ ас дэлэйдин, хотон муҥунан хоро5ор муостаах холбостун диэн ба5а санаабытын тиэрдэбит!
"Мальж-сонун" медиа киин эдэр корреспонденнара Элина Саввинова (6 кылаас), Руслан Потапов (7 кылаас).