МКУ «Департамент культуры и молодежной политики» МР «Нюрбинский район» РС(Я)

_*Волонтеры Единого волонтерского корпуса им. Степана Васильева «Ыстапаан ыччата» провели субботник в честь Дня пожилых людей*_

Сегодня добровольцы Единого волонтерского корпуса им. Степана Васильева «Ыстапаан ыччата» приняли участие в экологическом субботнике по адресу: ул. Кузакова, 30. Акция приурочена к Международному дню пожилых людей, который ежегодно отмечается 1 октября.

Цель мероприятия — не только благоустройство придомовой территории, но и проявление внимания и заботы к старшему поколению. Волонтеры привели в порядок двор, собрали мусор и подготовили территорию для проведения ремонтных работ.

Единый волонтерский корпус им. Степана Васильева «Ыстапаан ыччата» благодарит всех участников за активную гражданскую позицию и вклад в общее доброе дело.

_*Культура Нюрбинского района*_

🎉 В честь Дня среднего профессионального образования Департамент культуры и молодежной политики Нюрбинского района провёл для студентов Нюрбинского техникума и Нюрбинского филиала медицинского колледжа увлекательную игровую программу.
Участники проверили эрудицию в викторине, проявили артистизм и смекалку в игре «Крокодил», а в интеллектуальном состязании «Где логика?» искали неожиданные связи и находили нестандартные решения.
Встреча получилась яркой, весёлой и по-настоящему командной: студенты не только отлично провели время, но и зарядились хорошим настроением!
Благодарим всех участников за активность и позитив. С Днём СПО! 💙🎓
#ДеньСПО #МолодёжнаяПолитика #СтуденческаяЖизнь #СПО

_*Культура Нюрбинского района*_

_*Бүгүн Ньурбаҕа ыраас чэппиэр*_

Чэппиэр аайы ыраастаныы, араас субуотунньуктар, тас үлэни үмүрүтүү тиһигин быспакка ыытылла тураллар.
Хас биирдии тэрилтэ, чааһынай бас билии куорат тупсаҕай көстүүлэнэригэр болҕомтотун уурар уонна кыһаллар.

Ыраастык туттуохха, тулалыыр эйгэбитин харыстыахха!

_*Ньурба култуурата*_

_*Ньурба чаҕылхай чабырҕахсыта "Тыый!" чабырҕах күрэҕэр!*_

Саха национальнай көрдөрөр-иһитиннэрэр хампаанньа ыытар *"ТЫЫЙ!" өрөспүүбүлүкэтээҕи чабырҕах күрэҕэр* биир дойдулаахпыт, саха фольклорун өрө туппут, бары көрүҥүн бэркэ баһылаабыт, мааны куолаһынан норуот тапталын ылбыт *ДОРА БУРНАШЕВА* Ньурба оройуонун аатыттан кыттар буолла!👏👏👏

Бу өрөбүлгэ, *балаҕан ыйын 2️⃣0️⃣ күнүгэр, Саха НКИХ ханаалыгар, киэһэ 1️⃣9️⃣.0️⃣0️⃣ чаастан, быһа биэриигэ* күрэҕи көрөргүтүгэр уонна кыттааччылар талба талааннарын көрдөрбүттэрин кэнниттэн бэриллибит 1️⃣0️⃣ мүнүүтэ иһигэр *5️⃣5️⃣3️⃣3️⃣ нүөмэргэ НВК 3️⃣* диэн *СМС ыытан куоластаан*, кыыспытын өйөөн, кыаҕыгар кыах, күүһүгэр күүс, сэниэтигэр сэниэ эбиэххэ диэн Сахабыт дьонун бука барыгытын ыҥырабыт!

_*Ньурба култуурата*_

_*Бүгүн Быыбар күнэ!*_

Быыбар күнэ өрүү бырааһынньык тэҥэ буолар. Ол сиэринэн, бүгүн эмиэ дьоммут-сэргэбит быыбарга биир санаанан салайтаран, учаастактар ааннарын киэргэнэн-симэнэн арыйдылар.

Аар Айыы итэҕэлин 11-с кэрдиистээх Алгысчыта, ЮНЕСКО иһинэн үлэлиир Норуоттар медициналарын магистра, Ньурба оройуонун уонна Таркаайы, Акана нэһилиэктэрин Бочуоттаах олохтооҕо *Алиса Михайловна Иннокентьева* биир бастакынан тиийэн, бэйэтин тус санаатын биллэрэн, куоластаата.

_Күндү биир дойдулаахтарбытын көхтөөх буоларгытыгар ыҥырабыт!_

_*Ньурба култуурата*_

_*"Ньурба көмүс күһүнэ" тэрээһиҥҥэ иккис сылын "Леттеринг Саха-2026" бырайыак үлэлээтэ.*_

Бу Ньурбатааҕы кииннэммит бибилэтиэкэ ситимин бырайыага оскуола оҕолорун болҕомтотун иккис сылын түмэ тардар. Леттеринг диэн буукубаны кыраһыабайдык киэргэтэн суруйууну ааттыыллар. Быйылгы Леттеринг сорудаҕа үбүлүөйдээх 7 суруйааччыбыт "кынат" тылларын киэргэтэн суруйуу. Ол курдук, оҕолор суруйбут үлэлэрин эрдэттэн хомуйан ылан, хартыына курдук таһааттаран, Варвара Потапова т-мэл-уһаайбатын олбуоругар ыйаан, тэрээһини киэргэттилэр уонна дьон болҕомтотун тартылар.

Күрэх быһыытынан ыытыллар буолан, кыайыылаахтар Добун суруктарынан, өйдөбүнньүк бэлэхтэринэн бэлиэтэннилэр.

Төрөөбүт төрүт тылы таптыырга, айар үлэҕэ оҕону сыһыарарга олус табыгастаах бырайыак диэн мустубут дьон-сэргэ биһирээтэ.

_*Ньурба култуурата*_

_*Бүгүн Ньурбаҕа сонун тэрээһин буолла*_

"Күһүҥҥү киһи күлбүтүнэн" диэн өбүгэлэрбит мээнэҕэ эппэтэхтэрэ. Ол курдук, бүгүн Олоҥхо дьиэтигэр Хаҥалас нэһилиэгин мааны Далбардара, булчут, асчыт Хоһууттара *"Саха төрүт аһа туой иһиттэн"* диэн бырайыактарынан киэһээҥи гастро аһылык диэн тэрээһини тэрийдилэр.

Тэрээһини ытыктабыллаах кэллиэгэбит З.В. Анисимова аал уотун иччитин айах тутан саҕалаата. Ол кэннэ Саха төрүт аһын, ордук балыктан ас арааһын хас биирдиитин суолтатын, ис хоһоонун билиһиннэрэ-билиһиннэрэ кэрэхсээн кэлбит ыалдьыттарыгар утары ууннулар.

Маны сэргэ, Култуура уонна Ыччат бэлиитикэтин департаменын үлэһитэ Кутаахаан Сэргэн Лэкээрин хайа баҕарар омукка барытыгар баар чэй иһиитин церемониятын оҥорон көрдөрдө.

Бэйэ аһа киһи чөл туругар суолтата улаханын, төрүт аспытын эппит-сииммит, буор куппут чэпчэкитик ылынарын, күүһү-күдэҕи, сэниэни, ньэҥири толору биэрэрин хас биирдии түһүмэххэ итэҕэттилэр.

Чэгиэн буолуоҕуҥ, сөпкө иҥэмтэлээхтик аһыахха, саха буоларбытынан киэн туттуохха!

_*Ньурба оройуонун Култуураҕа уонна ыччат бэлиитикэтигэр департамена*_

🍁📚🍂📚🍁📚🍂🍁📚🍂
_*“Ньурба көмүс күһүнэ - 2026” литература күннэрэ саҕаланан, эбиэт кэннэ Ыраах Убайаантан, Саха бастакы бэйэтиэссэтэ Варвара Потапова түмэл уһаайбатыттан айаннаан, кэрэ айылҕалаах Дьиикимдэҕэ тиийэн, М.М.Борисова аатынан “Утум” норуот айымньытын дьиэтигэр кэллибит. Дьиикимдэ бибилэтиэкэтигэр Ньурбаттан бастакы ССРС суруйааччыларын Сойууһун чилиэнэ, суруйааччы, суруналыыс Степан Прокопьевич Федотов аатын иҥэрии үөрүүлээх түгэнин бэлиэтиир киэҥ ис хоһоонноох ураты тэрээһин буолан ааста.*_

Дьиикимдэ нэһилиэгин бибилэтиэкэтигэр 49 сыл устата кэллиэгэбит Светлана Никандровна Павлова олус ситиһиилээхтик, элбэх тэрээһиннэри тэрийэн үлэлиир. Светлана Никандровна элбэх сыл устата бибилэтиэкэр, кыраайы үөрэтээччи буолан элбэх ахсааннаах баай матырыйаалы, араас тиэмэҕэ мунньан, элбэх ахсааннаах паапкалардаах, хас да библиографическай ыйынньык ааптара буолар. Ону таһынан, коллекционер быһыытынан элбэх баай коллекциялаах, биир Саха сиригэр биллэр коллекциялаах, быыстапкаларга мэлдьи кыттыһар. Светлана Никандровна Степан Федотов аатын үйэтитиигэ бу сыллар усталарыгар элбэх кылаатын киллэристэ, өр сылларга кини аатын бибилэтиэкэтигэр иҥэриигэ, элбэх үлэни ыытан кэллэ. Бүгүн Светлана Никандровна баҕа санаата туолан олоххо киирдэ, үөрүүлээх түгэнэ тосхойдо.
Бэлиэ күҥҥэ ыраахтан-чугастан, куораттан, култуура үлэһиттэрэ, Ньурба түмэлиттэн, Ньурба киин бибилэтиэкэтиттэн биир идэлээхтэрэ, С. Федотов кыыһа, аймахтара, бииргэ алтыспыт дьоно-сэргэтэ муһуннулар.
Тэрээһин үөрүүлээх чааһыгар эҕэрдэ тыллары Дьиикимдэ нэһилиэгин аҕа баһылыга Прокопий Николаевич Осипов, Ньурба оройуонун Култуураҕа уонна ыччат бэлиитикэтигэр департаменын солбуйааччыта Нюргуяна Викторовна Николаева, Ньурбатааҕы кииннэммит библиотечнай ситим дириэктэрэ Юлия Андреевна Васильева, Дьокуускай куораттан Национальнай бибилэтиэкэ үлэһитэ Маргарита Дмитриевна Татаринова, Степан Федотов кыыһа Сардана Степановна Федотова, сиэн балта Валентина Дмитриевна Федотова, ытыктабыллаах Луиза Акимовна Канаева уонна да атыттар тиэртилэр.

Салгыы үөрүүлээх быһыыга-майгыга С. П. Федотов аатынан бибилэтиэкэ вывескатын нэһилиэк баһылыга Прокопий Николаевич Осипов уонна Степан Федотов кыыһа Сардана Степановна, бибилэтиэкэр Светлана Никандровна Павлова арыйдылар.
Бибилэтиэкэ иһигэр Степан Федотов олоҕун көрдөрөр быыстапка көрдөрүүгэ турда.
Быыстапка дириҥ ис хоһоонноох Степан Федотов докумуоннара, үлэтигэр туттубут тэриллэрэ дьон болҕомтотун тартылар.
Кииннэммит бибилэтиэкэ ситимэ үбүлүөйдээх суруйааччыларга анаан ыыппыт “Леттеринг Саха-2026” күрэххэ миэстэлэспит 2 оҕоҕо анал Добун суруктары, туоһу суруктары, бэлэхтэри дириэктэр Юлия Андреевна үөрүүлээх түгэҥҥэ туттарда.
Бу күн Степан Федотов туһунан элбэх үтүө тыллар этилиннилэр, кинини ахтан-санаан аастыбыт.

_*Тимофеева Е.С. Чаппанда нэһ.*_

🍁📚🍂📖🍁📚🍂📖
_*Самаан сайыммыт ааһан, күһүммүт барахсан көмүс дуйунан бүрүнэн турар кэмигэр, Ньурба оройуонугар хас сылын ахсын “Ньурба Көмүс күһүнэ“ литература күннэрэ бэрт тэрээһиннээхтик ыытыллаллар.*_

Бүгүн балаҕан ыйын 11 күнүгэр Ыраах Убайааҥҥа музыка ыҥырар дорҕооно ыраахтан иһиллэр, бу манна Саха бастакы бэйэтиэссэтэ Варвара Потапова түмэл уһаайбатыгар поэзияны таптааччылар, сэҥээрээччилэр, литературнай түмсүүлэр, бибилэтиэкэ, түмэл, култуура үлэһиттэрэ бары мусталлар. Ньурба улууһа барыта 19 суруйааччылаах, быйыл ыытыллар
“Ньурба көмүс күһүнэ - 2026” “Ньурба уоттара” литературнай түмсүү 55 сылыгар, Антоновка нэһилиэгин “Кыраһа“ литературнай түмсүүтэ 35 сылыгар, ону таһынан, 7 үбүлүөйдээх суруйааччыларбытыгар: Сиэн Чолбодук (95), Пр.Чуукаар (85), Варвара Потапова (80), Дылбаны (80), Май Емельянов (80), Ахмед Дмитриев (75), Сахса Тар (60) ананан ыытылынна.
Бу тэрээһини өр сылларга култуура эйгэтигэр таһаарыылаахтык үлэлии сылдьар, бибилэтиэкэр Маргарита Романовна Ноева иилээн-саҕалаан тэрийэн ыытта. Варвара Потапова “Үчүгэйиэн, бу сиргэ” хоһоонун, бу аҕыйах сыллааҕыта “Ньурба уоттара”түмсүү хоһоонньута Гаврил Монастырев матыып айан ырыа гынан көтүппүтэ, бу ырыаны Чаппандаттан “Дьоҕур“ норуот айымньытын уус-уран салайааччыта Саргылана Семенова сылын ахсын “Ньурба Көмүс күһүнэ“ литература күннэригэр кэлэн, кыттан, кэрэ куолаһынан ыллаан киэргэттэ. Антоновкаттан Валериан Петрович салайар уоланнара кэлэннэр, Варвара Потапова хоһооннорун дорҕоонноохтук аахтылар.
Бүгүн, төһө да халлаан былыттаах, кыратык ибирдээн да ыллар, бэрт сэргэх тэрээһин Саргылана Стручкова -Маалыкай “Дууһам хаппахчытын арыйабын” сабыс-саҥа буруолуу сылдьар кинигэтин уонна ырыанньыгын сүрэхтэниитинэн саҕаланна. Мин Саргылаана Стручкова хоһооннорун хаһыакка, ватсаап ситимигэр эрэ ааҕарым, ааптары бэйэтин бу сылдьар диэн көрө илик этим. Саргылана Стручкова диэн ыҥырбыттарыгар, тахсан кэлбитигэр, олох хаһан эрэ, ханна эрэ элбэхтэ көрбүт эбиппин, ханна кинини көрбүт эбиппиний?, - диэн санаан көрбүтүм, Саха НКИХ ханаалыгар хоһоонньуттар күрэхтэригэр кыттан бастаабытын билэр эбиппин уонна “Өркөн өй“ күрэҕэр кыттыбытын көрбүт эбиппин. Бүгүн кинигэбит ааптарыгар үөрүүлээх, ураты күн буолбут, кини төрөөбүт күнэ эбит, онон, икки бүк үөрүүлээх күн үүммүт. Ыытааччы Маргарита Романовна: “Былырыын биһиэхэ “Ньурба Көмүс күһүнэ“ Үөһээ Бүлүү оройуонугар ыытыллар “Тобуруокап күһүнэ“ тэрээһини кытары биир кэмҥэ ыытыллыбыта. Онон, биһигиттэн кытта барар киһи суох этэ. Онно хоһоон айааччылар күрэхтэригэр биһигиттэн соҕотох Саргылана Стручкова-Маалыкай баран кыттан, бастакы үрдэли ылан, босхо кинигэ таһааттарар туоһу суругу туппута, онон, кини бу кинигэтэ, босхо бэчээттэнэн таҕыста”, диэн ахтан ааста. Тэрээһин кэмигэр Саргылаана-Маалыкайга анаан элбэх эҕэрдэ, үтүө тыллар этилиннилэр. Вера Никитина, Александра Стручкова Саргылаана-Маалыкай хоһооннорун аахтылар.
“Ньурбабыт көмүс күһүнэ“ Ыраах Убайаантан бу курдук үрдүк тэрээһиннээхтик, элбэх тыл этиилээх саҕаланан, хоһоон хонуутун устун айаннаан, салгыы Дьиикимдэҕэ айаннаатыбыт. Куруук маннык бииргэ түмсэн, поэзия кэрэ эйгэтигэр бииргэ буолуоҕуҥ…
_*Тимофеева Е.С. Чаппанда нэһ.*_

📚_*"Ньурба көмүс күһүнэ" тэрээһин чэрчитинэн, бүгүн Ньурбатааҕы кииннэммит бибилэтиэкэ ситимин Дьиикимдэтээҕи филиалыгар СССР суруйааччыларын сойууһун чилиэнэ, прозаик Степан Прокопьевич Федотов аатын иҥэрэр үөрүүлээх тэрээһин буолан ааста.*_

_Дьиикимдэ нэһилиэгин дьаһалтата, Дьиикимдэтээҕи бибилэтиэкэ бибилэтиэкэрэ Светлана Никандровна Павлова, "Ньурба уоттара" айар түмсүү, Степан Федотов дьоно-сэргэтэ ылсаннар, оройуон салалтатын биһирэбилинэн, Степан Федотов аатын үйэтитиигэ биир улахан үлэ олоххо киирдэ._

_Кэнчээри ыччат, инникитин даҕаны, чулуу дьоммутун кэрэ кэпсээн оҥостон, үйэлэргэ ааттаатын диэн баҕа санаабытын тириэрдэбит!_

_*Ньурба култуурата*_

🍂🍂🍂🍂🍂🍂🍂🍂🍂🍂

*"Ньурба көмүс күһүнэ"* тэрээһин, өрүү буоларын курдук, саха бастакы поэтессата Варвара Потапова түмэл уһаайбатыттан саҕаланна.

Тэрээһин үөрүүлээх арыллыытын кэнниттэн *Саргылана Стручкова "Дууһам хаппахчытын арыйабын"* кинигэтин сүрэхтиир дьоһун түһүлгэтэ тэрилиннэ.

_*Ньурба култуурата*_

🍂*"НЬУРБА КӨМҮС КҮҺҮНЭ-2026"*🍂
торума:

_Балаҕан ыйын 11 күнэ_

🍂10:00 Ыраах Убайаан, В.Потапова түмэл дьиэтэ

· “Ньурба уоттара” 55, “Кыраһа” 35 сылларыгар аналлаах *“НЬУРБА КӨМҮС КҮҺҮН-2026”* аһыллыыта

· Варвара Потапова төрөөбүтэ 80 сылыгар “Ньурба уоттарын” билиҥҥи кэминээҕи бастыҥ хоһоонньута Саргылана Стручкова “Дууһам хаппахчытын арыйабын” кинигэтин сүрэхтэниитэ

🍂14:00 Дьиикимдэ, бибилэтиэкэ

· “Дьоһун киһи дьолун үлэ үөрүүтүттэн сомсубута”. Ньурба бастакы суруйааччыта Степан Федотовка сүгүрүйүү, олохтоох бибилэтиэкэҕэ аатын иҥэрии

· Гаврил Монастырев -Уйусхан “Иэйиим кыымнара” саҥа кинигэтин сүрэхтэниитэ, Дьөттүн алааһа

🍂15:00 Киин бибилэтиэкэ

*"ЛеттерингСаха: Нарисуй Слово»* үбүлүөйдээх суруйааччылар кынаттаах тылларын уруһуйугар күрэх быыстапката

🍂18:00 Ньурба, Олоҥхо дьиэтэ

· *“Суруллубут-суоруллубат”* Билиҥҥи кэм бөлүһүөк суруйааччыта А.П.Александров -Сахса Тар 60 сааһыгар санааны сайа этинэр түһүлгэ

· “Ньурба күһүнэ” тэрээһин түмүгэ

Тэрийэр бөлөх

_*Үгэс быһыытынан ыытыллар "Ньурба көмүс күһүнэ" литература күннэрин чэрчитинэн, "Үйэлээх ааттар: Ньурба үбүлүөйдээх суруйааччылара" оройуон оскуолаларынан литературнай уруоктар ыытылыннылар.*_

_Биир сэргэх уруок Ньурба элбэх хайысхалаах гимназиятыгар буолла. Саха тылын уонна литературатын учуутала *Сандаара Игоревна Тобонова* Ньурба биир киэн туттар суруйааччыта *Иннокентий Аксентьевич Дмитриев-Сиэн Чолбодук* туһунан уруок ыытта._

_Кэлэр кэнчээри ыччаппыт төрөөбүт тылы таптыы, дойдубут киэн туттар чулуу дьонун билэ, киэн тутта улааттыннар_

_*Ньурба култуурата*_

_*Работники культуры Нюрбинского района определили задачи на новый сезон*_

_Сегодня в Нюрбинском государственном драматическом театре состоялся семинар *«Актуальные вопросы развития деятельности учреждений культуры»*. В нем приняли участие сотрудники культурно-досуговых центров, районной библиотеки, музея, детской школы искусств, а также гости._

_Ключевой темой встречи стала стратегическая сессия по планированию работы на предстоящий сезон. Участники обсудили:_

* _подготовку к IX Спортивным играм народов Республики Саха (Якутия) — учреждениям предстоит насыщенная программа культурного сопровождения главного спортивного события;_
* _развитие проектной деятельности и поиск новых форматов привлечения финансирования;_
* _усиление работы в рамках молодежной политики;_
* _взаимодействие с некоммерческими организациями (НКО) для реализации совместных социокультурных инициатив._

_Впереди у нюрбинских работников культуры — ответственный и продуктивный год!_

_*Культура Нюрбинского района*_

_*Уважаемые коллеги, работники сферы культуры Нюрбинского района!*_

_Приглашаем Вас на семинар *«Актуальные вопросы развития деятельности учреждений культуры»*_.

_Встреча пройдет *8 сентября 2026 года* в стенах Нюрбинского государственного передвижного драматического театра._

_*Дата и время*: 8 сентября 2026 г. в 10:00ч._
_*Место*: г. Нюрба, НГПДТ._

_Будем рады видеть Вас для конструктивного диалога и обмена опытом!_

_*Бүгүн Октябрьскай нэһилиэккэ «Маһы ыллатар уран тарбах» мас уустарын үс күннээх күрэҕэ саҕаланна.*_

*Тааттаттан, Мэҥэ Хаҥаластан, Нам, Томпоттон, Ньурбаттан* маһы ыллатар уран тарбахтаах, ураты талааннаах Уус дьоммут муһуннулар.

Тэрээһин арыллыытыгар Ньурба оройуонун Култуураҕа уонна ыччат бэлиитикэтигэр департаменын салайааччыта *Розалия Михайловна Тихонова* эҕэрдэ тыл эттэ, ситиһиилэри баҕарда.

_*Култуура сонуннара*_

_*Ура! Статус получен: Департамент культуры и молодежной политики верифицирован на Добро.рф!*_

_Зачем нам это нужно?_
_— Чтобы ваши волонтерские смены шли в официальный стаж;_
_— Чтобы копить баллы и тратить их на призы и обучение;_
_— Чтобы привлекать больше крутых ребят в нашу команду._

_Уже чувствуем, как растет шкала добрых дел ✨_ _Спасибо нашим волонтерам за то, что вы с нами. Впереди — новые мероприятия и новые баллы!_

*Стать волонтером можно на сайте*
*Наш профиль на добро.рф:*
https://dobro.ru/organizations/10185966/about?utm_source=dobroru&utm_medium=organic&utm_campaign=pagerepost&utm_content=organization

_*Департамент культуры и молодежной политики Нюрбинского района*_

_*СӨ култууратын уонна духуобунай сайдыытын миниистирин бастакы солбуйааччыта М.В. Турантаеваны кытары көрсүһүү.*_

_Бүгүн Ньурба оройуонун баһылыгын социальнай боппуруостарга солбкйааччыта *Н.С. Петрова* уонна Ньурба оройуонун култуураҕа уонна ыччат бэлиитикэтигэр департаменын салайааччыта *Р.М. Тихонова* миниистир бастакы солбуйааччыта *М.В. Турантаеваны* кытары үлэ хаамыытын, тутуу боппуруостарын тула кэпсэттилэр._

_Эһиил Ньурбаҕа ыытыллар IX спортивнай оонньуулар буолара 1 сыл баарынан кэккэ боппуруостары быһаарар көрсүһүүлэр тиһигин быспакка ыытылла тураллар._

_*Ньурба оройуонун култуураҕа уонна ыччат бэлиитикэтигэр департамена*_