Сылын аайы ыытыллар "Ахтан, санаан ааһыаҕыҥ" диэн олус истиҥ тэрээһиммит буолан ааста. Оскуолабыт түмэлин салайааччыта Таисия Семеновна уонна Анастасия Андреевна туруорбут быыстапкатын сэргии көрдүлэр. Ольга Анатольевна, Анастасия Андреевна оҥорбут "Назад в прошлое" диэн фотозоналарыгар хаартыскаҕа хатаннылар. Аҕам саастаах дьоммутун оскуола директора Сидоров А.В., социальнай педагог Алексеева Л.М., оҕо тэрилтэтин президенэ Яковлев Айылаан эҕэрдэлээтилэр. Оскуола үөрэнээччилэрэ: Никифоров Витя, Иванова Далаана, Тихонов Федя, Яковлев Айылаан ырыанан киэргэттилэр. Ол кэннэ, Людмила Михайловна нейрогимнастика оҥоттордо, Саргылаана Семеновна сөпкө тыынарга үөрэттэ уонна Денис Дмитриевич, Наталья Гаврильевна кислороднай коктейль оҥорон иһэртилэр. Бу кэннэ ыалдьыттарбыт 4 хайысханан маастар-кылаастарга сырыттылар. Ол курдук: Ольга Анатольевна магниттаах фоторамка, Матрена Валериевна оҕуруонан браслет, Людмила Михайловна воздушнай пластилинтан араас кыыллары, Любовь Прокопьевна лазернай гравировканан магнит оҥоттордулар. Оскуола үлэһиттэрэ астаабыт минньигэс астаах остуол тула олорон ырыа ыллаатылар, урукку кэмнэрин ахтан, санаан аастылар. Анна Влиандровна, Валерия Владимировна, Николь-Мария Дмитрьевна, Надежда Владимировна, Елена Даниловна оонньуу оонньоттулар. Тэрээһини Наталья Гаврильевна, Татьяна Николаевна иилээн-саҕалаан ыыттылар. Сыл аайы биһиги тэрээһиммитин, Тойбохойтон күндү ыалдьыппыт, Клара Степановна киэргэтэр. Аҕам саастаах дьоммутун Иван Александрович, Тимофей Тимофеевич, Ньургун Семенович уонна Наталья Гаврильевна массыынанан илтилэр-аҕаллылар.