🍂🍁Балаҕан ыйын 18 күнүгэр көмүс күһүн тиһэх күннэрин былдьаһа, Сиэйэ орто оскуолатыгар күүтүүлээх күһүҥҥү дьаарбаҥка буолан ааста. Быйылгы дьаарбаҥкабыт быыбар күнүн тэҥҥэ тутан, спорт баараҕай дьиэтин иннигэр ыытылынна. Хас биирдии кылаас “Көмүс күһүн бэлэҕэ” ас-үөл арааһыгар, остуол киэргэтиитигэр күөн көрүстүлэр. Кырдьык да саха өс хоһоонугар этиллэринии, күһүҥҥү ас арааһа дэлэйэ сөхтөрдө. Маны таһынан «Күһүҥҥү киэргэллэр» корзина, саппыкы, пугало киэргэтиитигэр күрэх буолан ааста. Кылаастар бары эрдэттэн бэлэмнэнэн, араас тупсаҕай киэргэтиилээх корзиналары, саппыкылары, пугалолары көрдүбүт. Сылын аайы ыытыллар улахан оҕуруот аһа, дьикти оҕуруот аһа күрэхпит дьон болҕомтотун тарта. Үөрэнээччилэр ас арааһын атыылаан, көрдөөх оонньууларга кыттыһан бары да, олус астынан тарҕастыбыт.