Балаҕан ыйын 27 күнүгэр, Саха Өрөспүүбүлүкэтин Судаарыстыбаннаһын күнэ бэлиэтэнэр. М.Н.Анисимов аатынан Сиэйэ орто интернат-оскуолатыгар бу күҥҥэ аналлаах линейка буолан ааста. Дириэктэр Вячеслав Васильевич бэйэтин эҕэрдэтин, сомоҕолоһон Сахабыт сирин сайдыытыгар төһүү күүс буолуоххайыҥ диэн баҕа санаатын эттэ. Маны таһынан, оскуолабыт үөрэнээччилэрин салайыныыларын саҥа президеныгар, Афанасьева Эвелинаҕа, президент буолбутун туоһулуур дөкүмүөн туттарылынна. Эвелина бу үрдүк ааты чиэстээхтик сүгүөм диэн анадаҕар тылын уонна эрэммит үөрэнээччилэргэ, учууталларга махтал тылын эттэ.
Төрөөбүт-үөскээбит Өрөспүүбүлүкэбит саргыта сайыннын, дойдубут өссө чэчирээн, тупса турдун! Быйылгы үөрэх дьыла саҥа ааттары, саҥа чыпчааллары арыйдын!