▶️Таатта улууһун тэрээһиннэрэ Арассыыйа Үөрэҕириитин министиэристибэтин федеральнай испииһэгэр киирдилэр!

📚 Арассыыйа Үөрэҕириитин министиэристибэтин «2026/27 үөрэх дьылыгар интеллектуальнай уонна (эбэтэр) айар дьоҕуру, физическэй култууранан уонна успуордунан дьарыктанар дьоҕуру, научнай (чинчийэр), инженернэй-тиэхиньиичэскэй, айар, физкультурнай-чэбдигирдэр дьарыкка интэриэһи, ону тэҥэ билим билии тарҕаныытын, айар уонна успуорт ситиһиилэри пропагандалааһыны сайыннарарга туһуламмыт олимпиадалар уонна атын интеллектуальнай уонна (эбэтэр) айар куонкурустар, тэрээһиннэр испииһэктэрин бигэргэтэр туһунан» бирикээһэ баттанан таҕыста.

📚 Бу бирикээскэ биһиги улууспут икки тэрээһинэ испииһэккэ киирдилэр:

№ 6.32 — «Модель ООН в Якутии» үөрэнээччилэр дипломатияҕа уонна норуоттар икки ардыларынааҕы сыһыаннаһыыларга үөрэтэр-чинчийэр III Межрегиональнай кэмпириэнсийэлэрэ (Ытык-Күөл 1 №-дээх орто оскуолата).

№ 6.529 — «Саарыннар ааҕыылара» эдэр чинчийээччилэр Межрегиональнай научнай-бырактыычаскай кэмпириэнсийэлэрэ-куонкурустара (Таатта улууһун үөрэх управлениета).

📚 Таатта тэрээһиннэрин таһынан, Саха Өрөспүүбүлүкэтиттэн испииһэккэ «Культурный код России. Арктика» Бүтүн Арассыыйатааҕы олимпиада (АГУИККИ, Дьокуускай к.) уонна «Старт в космос» олимпиада (Амма улууһун Амма лиссиэйэ) киирдилэр.

📚 Федеральнай испииһэккэ киирии — биһиги тэрээһиннэрбит таһымнарын Арассыыйа үрдүнэн билинии. Бу ситиһиинэн итиитик-истиҥник эҕэрдэлиибит! 👏

http://publication.pravo.gov.ru/document/0001202609290011