Чулуу биир дойдулаахпыт Ананий Кононович Андреев төрөөбүтэ 125 сылыгар аналлаах ураты күн
Саха АССР Киин Ситэриилээх Кэмитиэтин уонна Совнаркомун бэрэссэдээтэлэ, Дьокуускай куорат исполкомун бэрэссэдээтэлэ, Дьокуускай куорат Киин электрическэй станциятын дириэктэрэ, Саха АССР коммунальнай хаһаайыстыбатын наркома, Дьохсоҕонтон төрүттээх Ананий Кононович Андреев төрөөбүтэ 125 сылынан А. Е. Кулаковскай Дьохсоҕон орто оскуолатыгар араас хабааннаах үлэлэр тэрээһиннээхтик бара тураллар.
Ол курдук балаҕан ыйын 22 күнүгэр “Үтүө аата үйэлэргэ умнуллубат” диэн ааттаах үөрүүлээх тэрээһин өрө көтөҕүллүүлээхтик ааста.
Сарсыарда 8 ч. 45 м. оскуола бары үөрэнээччилэрэ, учууталлар сүдү киһибит, чулуу биир дойдулаахпыт А.К. Андреев төрөөбүт күнүн өрө көтөҕүллүүлээх линейканан саҕалаатылар. Аактабай саалаҕа киниэхэ анаммыт “Чаҕылҕаны тэһииннээччи саха чулуу уола А.К. Андреев” диэн ааттаах кинигэ уонна оҕолор уруһуйдарын быыстапката турда. А. К. Андреев чаҕылхай олоҕор, үлэтигэр анаан аһаҕас уруоктар ыытылыннылар. Биология учуутала Федорова О.Н. Федорова “Земельные реформы”, физика учуутала Н. Е. Рожина “А. К. Андреев салалтатынан Саха сиригэр уот кэлиитэ”, история, география Л.М. Саввина “Ананий Кононович Андреев (1901–1944): жизнь и смерть первого наркома ЖКХ Якутии”, саха тылын литературатын учуутала М. В. Сивцева “Үйэ тухары ахтылла туруоҕа” диэн үйэтитиигэ анаммыт уруоктара сонуннук аастылар. Нуучча тылын учууталлара С.Е. Яковлева, Е. А. Аянитова уруоктара табыгастаахтык А.К. Андреев биографиятын туһанан аахпыттан суруйуу уонна тиэкиһи кытта үлэҕэ сурукка тиһиигэ туһулаатылар. Алын кылаас учууталлара “Биһиги чулуу киһибит – А. К. Андреев” диэн ааттаах квест-оонньуу тэрийэн оҕолор олуһун өрө көтөҕүллэн оонньоотулар, кытыннылар. Физкультура учууталлара С. К. Ли, Р. Р. Тарбахова 8, 9 кылаас үөрэнээччилэрин Таатта үрэх нөҥүө турар А. К. Андреевка аналлаах сквергэ диэри күргүөмнээх сүүрүү тэрийэн сэргэхситии таһаардылар, оҕолор сибиэһэй салгыҥҥа сүүрэн-көтөн астынан кэллилэр. Бу күн үөрэх кэнниттэн Попова Т. Ль. уонна Федорова О.Н. салайыыларынан 5-тэн 11-кэ дылы кылаастар салайааччыларын кытта тахсан, Дьохсоҕон сүрүн уулуссатын кытыытынан, мас олордон нэһилиэкпитигэр үтүө дьыаланы салҕаатылар.
Бу курдук Ананий Кононович Андреев төрөөбүтэ 125 сылыгар аналлаах тэрээһиннэр былааннаахтык бара тураллар. Чулуу биир дойдулаахпыт А.К. Андреев бөдөҥ салайааччы быһыытынан ураты көрүүтүн, норуотун, өрөспүүбүлүкэтин сайдыытын туһугар киэҥ хабааннаах үлэтин үүнэр көлүөнэҕэ кэпсиир, уһун кэмҥэ аата умнулла сылдьыбытын республика историятыгар төннөрүү биһиги үлэбит, иэспит буолар. Ананий Андреев музейын сэбиэдиссэйэ, кыраайы үөрэтээччи Галина Егоровна Арылахова сүбэтинэн-саргытынан улуу киһибитигэр аналлаах тэрээһиннэрбит инникитин да үрдүк таһаарыылаахтык ыытыллыахтара.
Саха АССР Киин Ситэриилээх Кэмитиэтин уонна Совнаркомун бэрэссэдээтэлэ, Дьокуускай куорат исполкомун бэрэссэдээтэлэ, Дьокуускай куорат Киин электрическэй станциятын дириэктэрэ, Саха АССР коммунальнай хаһаайыстыбатын наркома, Дьохсоҕонтон төрүттээх Ананий Кононович Андреев төрөөбүтэ 125 сылынан А. Е. Кулаковскай Дьохсоҕон орто оскуолатыгар араас хабааннаах үлэлэр тэрээһиннээхтик бара тураллар.
Ол курдук балаҕан ыйын 22 күнүгэр “Үтүө аата үйэлэргэ умнуллубат” диэн ааттаах үөрүүлээх тэрээһин өрө көтөҕүллүүлээхтик ааста.
Сарсыарда 8 ч. 45 м. оскуола бары үөрэнээччилэрэ, учууталлар сүдү киһибит, чулуу биир дойдулаахпыт А.К. Андреев төрөөбүт күнүн өрө көтөҕүллүүлээх линейканан саҕалаатылар. Аактабай саалаҕа киниэхэ анаммыт “Чаҕылҕаны тэһииннээччи саха чулуу уола А.К. Андреев” диэн ааттаах кинигэ уонна оҕолор уруһуйдарын быыстапката турда. А. К. Андреев чаҕылхай олоҕор, үлэтигэр анаан аһаҕас уруоктар ыытылыннылар. Биология учуутала Федорова О.Н. Федорова “Земельные реформы”, физика учуутала Н. Е. Рожина “А. К. Андреев салалтатынан Саха сиригэр уот кэлиитэ”, история, география Л.М. Саввина “Ананий Кононович Андреев (1901–1944): жизнь и смерть первого наркома ЖКХ Якутии”, саха тылын литературатын учуутала М. В. Сивцева “Үйэ тухары ахтылла туруоҕа” диэн үйэтитиигэ анаммыт уруоктара сонуннук аастылар. Нуучча тылын учууталлара С.Е. Яковлева, Е. А. Аянитова уруоктара табыгастаахтык А.К. Андреев биографиятын туһанан аахпыттан суруйуу уонна тиэкиһи кытта үлэҕэ сурукка тиһиигэ туһулаатылар. Алын кылаас учууталлара “Биһиги чулуу киһибит – А. К. Андреев” диэн ааттаах квест-оонньуу тэрийэн оҕолор олуһун өрө көтөҕүллэн оонньоотулар, кытыннылар. Физкультура учууталлара С. К. Ли, Р. Р. Тарбахова 8, 9 кылаас үөрэнээччилэрин Таатта үрэх нөҥүө турар А. К. Андреевка аналлаах сквергэ диэри күргүөмнээх сүүрүү тэрийэн сэргэхситии таһаардылар, оҕолор сибиэһэй салгыҥҥа сүүрэн-көтөн астынан кэллилэр. Бу күн үөрэх кэнниттэн Попова Т. Ль. уонна Федорова О.Н. салайыыларынан 5-тэн 11-кэ дылы кылаастар салайааччыларын кытта тахсан, Дьохсоҕон сүрүн уулуссатын кытыытынан, мас олордон нэһилиэкпитигэр үтүө дьыаланы салҕаатылар.
Бу курдук Ананий Кононович Андреев төрөөбүтэ 125 сылыгар аналлаах тэрээһиннэр былааннаахтык бара тураллар. Чулуу биир дойдулаахпыт А.К. Андреев бөдөҥ салайааччы быһыытынан ураты көрүүтүн, норуотун, өрөспүүбүлүкэтин сайдыытын туһугар киэҥ хабааннаах үлэтин үүнэр көлүөнэҕэ кэпсиир, уһун кэмҥэ аата умнулла сылдьыбытын республика историятыгар төннөрүү биһиги үлэбит, иэспит буолар. Ананий Андреев музейын сэбиэдиссэйэ, кыраайы үөрэтээччи Галина Егоровна Арылахова сүбэтинэн-саргытынан улуу киһибитигэр аналлаах тэрээһиннэрбит инникитин да үрдүк таһаарыылаахтык ыытыллыахтара.