Саха тылын инники кэскилэ билиҥҥи кэмҥэ үүнэр көлүөнэ ийэ тылын хайдах баһылыырыттан тутулуктаах.
Уус-Алданнааҕы техникумҥа бүгүҥҥэттэн, ол эбэтэр балаҕан ыйын 21 чыыһылатыттан - Аан күнтэн саҕалаан биһиги устудьуоннарбытыгар төрөөбүт төрүт тылларын сөпкө саҥаралларыгар, таба суруйалларыгар, саха тылын байытыыга аналлаах техникум иһинэн үлэлиир бибилэтиэкэ "Суруйар балаҕан" бырайыагын саҕалаата. Бүгүн 1 куурус "Сварщик" бөлөх устудьуоннарыгар сахалыы дьыктааны бибилэтиэкэ үлэһитэ Альбина Иннокентьевна Платонова суруйтарда.
Ыытыллар дьыктаан сыала, соруга: сахалыы уус-уран тылы уонна саха тылын таба суруйуу быраабылаларын олоҕордууну өйөөһүн буолар. Хас биирдии устудьуон сахалыы таба уонна сөпкө суруйуу үөрүйэхтэрин иҥэриниэхтээх, ону тэҥэ төрөөбүт тылыгар харыстабыллаахтык сыһыаннаһыахтаах. Ол туһугар хас биирдии учуутал саха тылын чөл хаалларарга уонна сайыннарарга тууһаайыллыахтаах.