🎶Российскай Федерация, Саха АССР культураларын үтүөлээх үлэһитэ, ССРС, Саха Өрөспүүбүлүкэтин культуратын туйгуна, ССРС, РСФСР, Саха Өрөспүүбүлүкэтин үөрэҕириитин туйгуна, Учууталлар учууталлара, «Азия оҕолоро» фонда стипендиата, «Кэнчээри» оҕо народнай ансаамбылын салайааччыта, Саха сиригэр оҕо бастакы академическай хорун төрүттээбит Василий Степанович Парниковка уонна Саха сиригэр культура сылыгар аналлаах «Кэнчээри ыччаты кэрэҕэ уһуйан» улуус оскуолаларын уус-уран самодеятельностарын көрүү бэстибээлэ кэтэхтэн ыытылынна. Фестивальга уопсайа улуус 23 орто уонна сүрүн оскуолалара кыттыыны ыллылар. Күрэх 3 группанан сыаналанна. Ол курдук улахан оскуолаларга Г.В. Егоров аатынан Мүрү 1-дээх орто оскуолата Гран-При, Мындааба спортивнай орто оскуолата маҥнайгы, Суотту орто оскуолата иккис, Лөгөй лицей-интерната үһүс миэстэни ыллылар. Иккис группаҕа И.И. Гоголев-Дыргыабай аатынан Найахы орто оскуолата Гран-При, И.Н. Жирков аатынан Дүпсүн орто оскуолата маҥнайгы, А.Н.Жирков аатынан Бэйдиҥэ орто оскуолата иккис, В.Н. Мигалкин аатынан Чараҥ орто оскуолата үһүс бочуоттаах миэстэни ыллылар. Үһүс группаҕа Гран-При үрдүк аатын В.Д. Лонгинов аатынан Бээрийэ орто оскуолата, маҥнайгы миэстэни М.М. Стрекаловскай аатынан Өнөр орто оскуолата, иккис миэстэ И.И. Колодезников аатынан Тиит-Арыы сүрүн оскуолата, Д.Д. Оллонов аатынан Түүлээх орто оскуолата үһүс миэстэ буолары ситистилэр.
![](data:image/svg+xml;charset=utf-8,<svg width="640" height="640" style="background-color:%2344badc;font-family:Nunito,sans-serif" viewBox="0 0 100 100" preserveAspectRatio="xMidYMid meet" xmlns="http://www.w3.org/2000/svg">
<text font-size="30" x="50%" y="50%" dy="5" fill="white" dominant-baseline="middle" text-anchor="middle">МТ</text>
</svg>)