👵👴 «Үтүө санаа корзината»: аҕам саастаах дьоммутугар махтал уонна сылаас мичээр🎁🍂Алтынньы 1 күнэ — сырдык уонна истиҥ бырааһынньык — Аан дойдутааҕы Кырдьаҕастар күннэрэ бэлиэтэнэр. Бу күн биһиги олохторун үлэҕэ анаабыт, эдэр көлүөнэни иитэн-үөрэтэн таһаарбыт ытык кырдьаҕастарбытыгар дириҥ сүгүрүйүүбүтүн уонна махталбытын биллэрэр күммүт.
Бу үтүө күнү көрсө  "И.В.Пухов аатынан Окоемовка сүрүн оскуолатын" үөрэнээччилэрэ  нэһилиэкпит аҕам саастаах олохтоохторугар «Үтүө санаа корзината» диэн аһыныгас аахсыйаны тэрийэн ыыттылар. Оҕолор ытык дьоммутугар сылдьан, бэйэлэрин сылаас эҕэрдэлэрин тиэртилэр, амтаннаах астаах бэлэх корзиналарын туттаран үөрүү-көтүү кынаттаатылар! 🌸
❤️ Күндү көхтөөх төрөппүттэрбитигэр барҕа махталбытын тиэрдэбит! 

Дьиэҕэ астаммыт сылаас минньигэс аскыт, күһүҥҥү баай быйаҥҥыт уонна үтүө көмөҕүт иһин хас биирдии дьиэ кэргэҥҥэ махтанабыт! Эһиги көмөҕүтүнэн аахсыйабыт олус истиҥник уонна быйаҥнаахтык ааста.

Ытык кырдьаҕастарбытыгар чэгиэн доруобуйаны, уһун дьоллоох олоҕу, оҕолоргут, сиэннэргит сылаас тапталларын баҕарабыт! Бырааһынньыгынан! 💐✨